Apocalipsis 18:8 - Qullan Arunaka DC

⁸ Uka arsutap laykuw jupatak t'aqhisiñax mä urunak purinini: jiwañampi, t'aqhisiñampi, manq'at awtjayasiñampi, ninar nakhantayataw uñjasirakini; taqi ch'aman Tatitu Diosaw jupar mutuyañ amti” sasa.

Aymar Bibliia 1986

⁸ Ucataracpï jupataquejj t'akhesiñajj mä urunac purininejja. Ucanacasti acanacawa: jiwaña, t'akhesiña, mank'at awtjayasiña, ucatsti ninampi naqhantayataraquïniwa; jupar juchañchir Tatitu Diosasti wali munañaniraquiwa”

Qullan Arunaca

⁸ Ucataracpï jupataquejj t'akhesiñajj mä urunac purininejja. Ucanacasti acanacawa: jiwaña, t'akhesiña, mank'at awtjayasiña, ucatsti ninampi naqhantayataraquïniwa; jupar juchañchir Tatitu Diosasti wali munañaniraquiwa”

Apocalipsis 18:8 Jak'a apnaqawi uñst'ayäwi

Job 9:19

¿Nayax ch'amampit sayt'asiristxa? Jupax jila ch'amaniwa. ¿Taripäwirut jupar jawsiristxa? ¿Khitirak jupar uñstayanispasti?

Salmos 62:11

11-12 (12-13) Diosan arsutap ist'ta, jupan arup yatta: “ch'amasa, munasiñas jupankatapa, jupax sapa mayniruw lurataparjam waxt'i” sasa.

Isaías 27:1

Israel markan uñisirinakapax lamar qutan axsarkañ laq'ur uñtatäpxiwa, katarinakjamaw uksar aksar q'iwinaqtapxi, ukampis Tatituw jach'a ch'aman espadap ayxarusini, ukampiw q'al jiwarayani.

Isaías 9:14

14 (13) Ukat Tatitux mä urunak Israel markan jilïrinakaparux jiwarayi, kunjämtix mä laq'ur jiwayañatakix wich'inkhapsa, p'iqipsa khuchhurapki ukhama, kunjämtix maynix palmeranaksa, suqusanaksa khuchhurkix ukhama.

Jeremías 50:31

Taqi ch'amani Tatitu Diosax siwa: “Ñanqha lurir marka, nayax jumatakiw sayt'ta; juman urumax purinxiwa, jumar mutuyañ pachax purinxarakiwa.

Jeremías 50:34

Ukampis qhispiyiripax jach'a ch'amaniwa, sutipasti “Taqi Ch'amani Tatitu” satarakiwa. Jupaw taqi kunsa chiqapar uñjani; markarusti sumankañ apanini, ukampis Babiloniankir jaqinakatakix jach'a axsarkañanak apanirakini” sasa.

Jeremías 51:58

Taqi ch'amani Tatitux akham siwa: “Babilonian uka thuru pirqanakapasti q'ala tinkuyatäniwa, uka jach'a punkunakapas ninampi nakhantayatäniwa. Inamayakiw markanakan ch'ama tukutapasa, taqi luratanakapax ninan tukusirakini.”

Jeremías 51:6

“¡Babilonia markat jaltxapxam! ¡Qhispiñ munirix qhisppan! ¡Jan jupan juchap laykux jiwapxamti! Jupanakat phuqsusiñ uruw purinxi, luratanakaparjamaw churarakï.

Joel 2:11

Tatitusti, ejercitop nayraqatanxa, jach'a arup ist'asiyi. Ejercitopax waljanipuniwa, jupan arsutap phuqhirinakax jan jakt'kayawa. ¡Kunja jach'a axsarkañas Tatitun urupaxa! Janiw khitis juparux saykatkaspati.

1 Corintios 10:22

Jan ukax ¿Tatituruch q'apisiyañ munasipkaktanxa? ¿Jiwasax Tatitut sipan juk'ampi ch'amanïtanti?

Apocalipsis 11:17

akham sasa: “Taqi ch'aman Dios Tatay, yuspagarapxsmawa, jumax jakasktawa, utjaskapunïyätawa, utjaskaktawa, jichhas utjaskakipunïtawa. Jichhax jach'a ch'amam katxartaxa, aka uraqi apnaqañ qalltaraktaxa.

Apocalipsis 17:16

Uñjktas uka tunka waxranakampi, uka jach'a axsarkañ animalampisti, uka q'añusir warmirux uñisipxaniwa, utjirinakap taqpach apaqapxani; q'alalpacharak irpanukupxani, janchip manq'apxani, ukatsti ninaruw nakhantayapxani.

Apocalipsis 17:18

Uñjktas uka warmix, uka jach'a markawa, reyipasti aka uraqin utjir taqi reyinakaruw apnaqi” sasa.

Apocalipsis 18:17

¡Akatjamat ukataqi qamir yänakax tukusiwayxi!” sasa. Barco apnaqir capitananakasa, qutanjam saririnakasa, barcon irnaqirinakasa, alakipa luririnakasa, axsarañatsa jayatak sayt'anipxäna.

Apocalipsis 18:19

Ukatsti laq'ampiw p'iqinakapat willxatasipxäna, jachapxäna, wararipxarakïna: “¡Ay, kunarurak purt'asta! ¡Llakkañätaw ch'aman jach'a marka! Qamir yänakamampiw qutan barcompi irnaqirinakax qamiriptapxi. ¡Jichhasti jank'akirakis uka qamir yänakamax tukusiwayxixä!”

Apocalipsis 19:3

Ukatsti wasitat art'apxarakïna: “¡Aleluya! Aka jach'a q'añusirin jiwq'ipax wiñayan wiñayapatakiw makhatani” sasa.