Apocalipsis 18:7 - Qullan Arunaka DC

⁷ Kunjämtix jupax jach'a jach'a tukurïkänxa ukhamarak jichhax t'aqhisiyapxam, ayquyapxam; jupax chuymapan amuyiwa: ‘Nayax akan reinar uñtat qunt'atäsktwa, janiw ijmäkti, janirakiw t'aqhiskäsa’ sasa.

Aymar Bibliia 1986

⁷ Cunjämtï jupajj cusisitäcänjja uqhamarac jichhajj t'akhesiyapjjam; jupasti chuymapanjja sascaraquiwa: “Acan nayajj mä reinar uñtata kont'atäsctwa, janiw ijmäcti, janiraquiw t'akhescäsa” sasa.

Qullan Arunaca

⁷ Cunjämtï jupajj cusisitäcänjja uqhamarac jichhajj t'akhesiyapjjam; jupasti chuymapanjja sascaraquiwa: ‘Acan nayajj mä reinar uñtata kont'atäsctwa, janiw ijmäcti, janiraquiw t'akhescäsa’ sasa.

Apocalipsis 18:7 Jak'a apnaqawi uñst'ayäwi

Ester (hebreo) 6:10

Ukat reyix Amán chachar säna: —Ukhamasti jichhpachay kunjämtix siskta ukhamarjam Mardoqueo judío jaqimpix luram. Isimpi, caballompi aptanim, ukatsti jupar thaqtanim. Taqi kuntix siskta ukarjampun jan kun armt'asis phuqham —sasa.

Salmos 10:6

janis khitis tinkuykaspax ukham amuyasi, janis jan walt'añanakar purkaspax ukham amuyasi.

Salmos 45:9

9 (10) Reyinakan phuchhanakapaw juma taypinki, reinax kupïxaman qunt'atäskiwa, qurit lurat k'achachañanakampi uchantata.

Jeremías 13:18

“Reyirusa, reyin taykaparus sarakim: ‘Uka reyin qunuñapat saraqanipxam, uraqir qunt'asipxam, jumanakan p'iqimat suma k'achachir pillusti jalaqtxiwa.’

Lamentaciones 1:1

¡Walja jaqinakan markax kunja sapakis uñjasxi! ¡Markanakan jilïripa markax mä ijma warmir uñtatakïxiwa! ¡Uñtkañ suma markaxa ch'ama irnaqañanakamp t'aqhisiyataw uñjasxi!

Ezequiel 23:34

Taqi ukanak phuqhasipansti, juma pachpaw ñuñunakam jat'inuqasïta. Naya, Tatituw uk arsta, arsutaxarux phuqhapunïwa.

Abdías 1:3

Jach'a jach'a tukutamaw sallqjtamxa. ‘Janiw khitis liwiqkitaspati sistawa: Nayax qarqa p'iyanakan jakasta, alay qullunakan utjasirakta’ sasa.

Sofonías 2:15

Ukhamaw uka jach'a jach'a tukur markax tukuni, jupa pachpar alkatasir markaxa, jaqinakapas jach'achasiñampiw sapxäna: “Aka markjamax aka uraqin janiw yaqha markax utjkiti” sasa. ¡Uka markax t'unjata, jan kunani, pampa laq'unakan putupar tukuyataw jikxatasi! Uka chiqanjam sarakipirinakasti kusipayapxaniwa, jisk'achapxarakiniwa.

1 Timoteo 5:11

Tawaq ijma warminakarusti jan uka tamarux qillqantamti, jupanakax Cristot jayarst'asax wasitat jaqichasiñ munapxi,

Apocalipsis 18:3

Wachuqa jucha lurat vinopampiw taqi markanakax macharapxi; akapach reyinakasti uka Babiloniampiw wachuqa juchan sarnaqapxi, alakipa lurir jaqinakasti, jupan jan wali sarnaqatapampiw qamiriptapxi” sasa.

Apocalipsis 18:9

Akapachankir reyinakasti, nina jiwq'i uñjasax uka warmit wal jachapxani, jakhusipxarakini, jupampi q'añusipxatap layku, k'achachasiñanakar katuyasipxatap layku.