Apocalipsis 18:6 - Qullan Arunaca

⁶ Cuntejj jupajj mayninacaru lurcänjja uca pachpa juparojj lurapjjam, pä ucqhampiraqui luratanacapatsa cutt'ayapjjam. Cuna machjañanactï jupajj mayninacataqui waquichcän ucatjja, pä ucqhampi wali machjayiri waquichapjjam.

Aymar Bibliia 1986

⁶ Cuntejj jupajj mayninacaru lurcänjja uca pachpa juparojj lurapjjam, pä ucqhampiraqui luratanacapatsa cutt'ayapjjam. Cuna machjañanactï jupajj mayninacataqui waquichcän ucatjja, pä ucqhampi wali machjayiri waquichapjjam.

Qullan Arunaka DC

⁶ Kuntix jupax yaqhanakar lurkänxa uka pachpa juparux lurapxam, pä ukkhampirak luratanakapat kutt'ayapxam. Kuna machjañanaktix jupax mayninakatak wakichkän ukatxa, pä ukkhampi wali machjayir uma wakicharapipxam.

Apocalipsis 18:6 Jak'a apnaqawi uñst'ayäwi

Salmos 137:8

¡Jumasti Babilonia marca, t'unjataw uñjasïta! ¡Qhitic nanacar jan walinac luratamat apscätamjja!

Salmos 28:4

Luratanacaparjam jupanacarojj uñjam, jan wali sarnakäwiparjam uñjaraquim; jan wali luratanacaparjam mutuyam, ñankha lurataparjam juchañcham.

Isaías 40:2

Jerusalenarusti munasiñampirac parljjayapjjam, Esclavo sarnakañapajj tucusjjewa sapjjaraquim, jan wali luratanacapatjja phokhjjewa, amparajjatsti mä ucqhampi catokjjaraqui, take juchanacapat mutuyäwi catokañapäcän ucjja.”

Isaías 61:7

Cunjämatejj marcajjajj t'akhesïnjja, pä ucqha p'enkachata, jisc'achataraqui, ucat jichhajj pä ucqha kamir cancañjja catokapjjaraquini, wiñay cusisiñampiw cusisiraquini.

Jeremías 16:18

Nayrakatajj mä ucqhampi jupanacarojj pagayaraquï ñankhanaca, uqhamaraqui juchanaca luratapatsa, uca ajjtascaña jiwata diosanacapampisti aca nayan suma orakejjwa k'añuchapjjänjja, cawquïri oraktejj jupanacaru mä herenciatjama churcta ucaru. Uca orakensti nayajj ajjtascta ucanacwa lurapjjänjja.”

Jeremías 17:18

Nayar arcnakerinacaru mä p'enka uñjasiyam, jan nayarojja; jupanacajj sustjata uñjasipjjpan, jani nayajja. Jupanacjjarusti t'akhesiñanaca apayaniraquim, jupanacarusti mayampi, mayampi t'unjaraquim.

Jeremías 50:15

¡Take token guerran nuwasiñ arunac art'apjjam! ¡Babiloniasti niya atipjatäjjaniwa, janiw juc'ampi nuwasiñ muncjjaraquiniti! ¡Torrenacas liwirtjjaraquiwa, perkanacas tincurjjaraquiniwa! Acaw nayan phoksusiñajjajja, jumanacasti phoksusipjjaraquim jupatjja. ¡Cuntejj jupajj mayninacaru lurcän uca pachpa lurapjjaraquim!

Jeremías 50:29

“¡Take arco apnakeri jakenacaru jawsapjjam, Babiloniaru nuwantapjjañanacapataqui! ¡Marcaru muyuntata purintapjjaraquim, uqhamat jan maynis jaltañapataqui! ¡Cunjäma lurañatejj jupanacaru waquisqui uqhamarjama lurapjjaraquim uca marcarojja! ¡Cunjämtï jupajj lurqui, uqhamaraqui jumanacajj jupampi lurapjjam! Nayataquisti wali ñankha jakew tucuraquïnjja, naya Israelan Kollana Tatitu Diosapataquejja.

Jeremías 51:24

“Ucampisa, jumanacan uñjcataw, Babilonianquirinacarusa, caldeonacarusa, cunjämatejj jupanacar churañajj waquisqui uqhamarjama churaraquëjja, Sionar ñankhanaca lurapjjatapata. Naya Tatituw ucjja arsta.

Jeremías 51:49

Jïsa, Babiloniajj aynacht'aniwa, Israel marcan jakenacaru uqhamaraqui take aca orakpachana jakenacaru jiwarayapjjatap laycu.”

Lamentaciones 3:64

Jupanacarusti cunatejj waquisqui uqhamar uñjam, Tatay, luräwinacaparjama jupanacarojj uñjaraquim.

Zacarías 9:12

¡Jumanacasti, suyt'äwinacam jan chhaktayasiri preso, cutt'jjapjjam sayt'asiñ chekanacamaru! Sapjjsmawa nayasti bendición churapjjäma pä ucqhampi t'akhesitanacamata.

2 Timoteo 4:14

Herreröquis uca Alejandrojj sinti jan walinacwa lurawayitu; Tatituw juparojj uñjascani cuntejj nayarojj lurquitu ucatjja.

Apocalipsis 13:10

“Qhitinacatejj preso catuntat apatäpcani ucanacaw apatäpjjani. Espadampi jiwarayatäñapäquis ucanacajj espadan jiwayataraquiw jiwarayatäpjjani.” Take acanacanwa Diosan marcapan ch'amanïtapasa iyawsañanïtapasa yatisini.

Apocalipsis 14:10

Diosat jutcani uca jach'a mutüwi catokani, Diosan uca colerasiñapasti waquichatawa; asufrempi ninampi t'akhesiyatäpjjaniwa, Diosan angelanacapana, uqhamarac Corderon nayrakatapan t'akhesiyatäpjjaniwa.

Apocalipsis 16:19

Jach'a marcasti quimsaruw jaljtäna, yakha marcanacasti k'alaraquiw t'unthaptäna. Diosasti amtasiraquïnwa Babilonia jach'a marcataqui cuna mutuyäwitï waquichatäcänjja uca churañataqui jach'a colerasiñapampi.

Apocalipsis 17:2

Acapach reyinacajja uca warmimpi jucha lurasaw sarnakapjje, oraken utjirinacasti jucha luratanacapampejj vinompjamaw macharapjje” sasa.

Apocalipsis 17:4

Aca warmisti wila morado isimpi ist'atänwa, korimpi, suma kalanacampi, perlanacampi c'achachataraqui. Amparaparusti mä kori copa ast'ataraquïnwa, uca copansti ajjtascañ k'añu luräwinacampi phokhantatänwa.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”