2 Samuel 21:7 - Qullan Arunaca

⁷ chuymapanjja Mefi-boset sisqui ucatjja walwa qhuyapt'ayasiscaraquïna, ucasti Jonatanan yokaparaquïnwa, Saúl reyin allchhiparaqui, mä kollana juramento Jonatanampi, jupampi lurapjjatap laycu.

Aymar Bibliia 1986

⁷ chuymapanjja Mefi-boset sisqui ucatjja walwa qhuyapt'ayasiscaraquïna, ucasti Jonatanan yokaparaquïnwa, Saúl reyin allchhiparaqui, mä kollana juramento Jonatanampi, jupampi lurapjjatap laycu.

Qullan Arunaka DC

⁷ chuymapan Mefi-bóset chachat khuyapt'ayaskchïn ukasa, Tatit nayraqatan mä juramento Jonatanampi lurapxatap layku, uka chachax Jonatanan yuqapänwa, Saúl reyin allchhiparakïnwa

2 Samuel 21:7 Jak'a apnaqawi uñst'ayäwi

2 Samuel 16:4

—Waliquiwa, jichhasti take cunatejj Mefi-bosetanccäna ucanacasti jumancjjaraquiwa —sasaw reyejj saraquïna. —¡Nayatjja, jach'a rey, qhuyapt'ayasipunistawa! —sasaw Sibajj reyin nayrakatapan alt'asiraquïna.

2 Samuel 19:25

Cunapachatejj Jerusalén marcaru purinïna reyir catokañataqui, ucapachasti reyejj juparojj saraquïnwa: —Mefi-boset, ¿cunatsa jumajj jan nayampi chica sarjjayätajja? —sasa.

2 Samuel 4:4

Jichhasti, Saúl reyin, Jonatán yokapasti mä yokaniraquïnwa. Ucan sutipasti Mefi-boset sataraqui, qhititejj paypach cayuta suchücaraquïna. Cunapachatejj Mefi-bosetajj pheska maranïcän ucqhajja, Jezreel chekatjja Saúl reyimp, Jonatanampina jiwatapa yatiyäwiw purinïna, ucatwa wawa uywiri warmejj jupar ichjjarusiwayasina Mefi-bosetampi jaltjjäna, ucampisa uqham janc'aqui jaltjjasinsti tincupjjänwa, ucatwa cojo kheparjjaraquïna.

2 Samuel 9:1

Mä uruw Davidajj jisct'araquïna: “¿Saúl reyin familiapatjja mä maynisa jacasquiti, nayan Jonatanat amtasisa asqui lurañajjataqui?” sasa.

2 Samuel 9:10

Uca laycu, jumampi, wawanacamampi, uywatanacamampejj jupataquiw jichhajj yapu yapucharapipjjäta, cunatejj achcani ucanacsti sum imarapipjjäta, uqhamat uywiriman familiapajj mank'asiñapataqui, Mefi-bosetajj nayampi chica mesajjan mank'cani ucasa.

2 Samuel 9:6

Cunapachatejj Saúl reyin allchhipa, uqhamaraqui Jonatanan yokapa Mefi-bosetajj Davidan nayrakataparu purinïna ucapachasti wali ajjsartañ chuymampiw ajanupjja oraker alt'asïna. —¡Mefi-boset! —sasaw Davidajj art'araquïna. —Acanctwa, jach'a munañan rey —sasaraquiw jupajj säna.

2 Samuel 9:7

Davidasti saraquïnwa: —Jan ajjsaramti, nayajj jumarojj wali sum uñjäma, Jonatán awquimat amtasitajj laycu. Saúl achachilaman orakenacapsti takwa cuttayayjjäma, ucatsti naya chicapuniw mesajjan mank'asiraquïta.

Eclesiastés 8:2

Reyin arsutapjja phokhätawa, uqham phokhañataquiw juramentompi arstajja Diosan nayrakatapana.

1 Samuel 18:3

Jonatanampi, Davidampisti wiñay uqham munasiñataquiw juramento lurapjjäna, Jonatanasti Davidarojj jupa quipcarjam munasitap laycu.

1 Samuel 20:12

Ucanwa Jonatanajj Davidarojj säna: —Nayajj Israel marcan Tatitu Diosapan sutipjjaruw juramentompi arsta, kharürumpita, jan ucajj jurpürumpitwa yatjjäta, uca pachpa horasaru, cuntejj awquejjajj amtqui ucanaca. Jupan amtatapatejj jumataqui waliquïscani ucapachasti yatiyanjjämawa.

1 Samuel 20:15

Ucampisa nayatejj jiwjjä ucapachajja, familiajjat qhuyapt'ayasiñjja janipuniw armt'asïtati. ¡Tatituy uñisirinacamarojj uñjpan, uqhamarac k'ala jupanacarojj tucjpan! —sasa. Uqhamwa Jonatanampi Davidampejj mä amtäwiru mantapjjäna.

1 Samuel 20:17

Jonatanasti Davidaru sinti munatap laycojja, wasitatwa juramento lurarapïna, jupa quipcarjamaraqui munasitap laycu.

1 Samuel 20:42

Khepjjarusti Jonatanajj Davidarojj sänwa: “Jichhajj sumaqui sarawayjjam, cuna juramenttejja jiwas paninejj amttctan ucajja Tatitun sutipjjaru amtatawa. Uqhamarus mayiraquïyätanwa, jupajj jiwas taypincañapapuni, uqhamarac jumampi nayampi wawanacasan wawanacapataqui.” Ucatsti Davidajj sarjjänwa, Jonatanasti marcaruw cuttanjjaraquïna.

1 Samuel 20:8

Uqhamajja, uca asquiy lurt'ita, nayajj sirvirimästjjaya, uqhamarus mä amtäwi Tatit nayrakatanjja luraractanjja. Ucampisa nayatejj juchanïyäjja, ucqhajj juma quipcaw nayarojj jiwayitäta. Janiw waquiscaniti nayan awquim nayrakataru irpañamajja.

1 Samuel 23:18

Uqhamasti panpachaniw mä amtäwi lurapjjäna, Tatitun nayrakatapana. Uca khepatsti Jonatanajj utaparuw cuttanjjäna. Davidasti Hores sisqui uca chekaruw kheparjjaraquïna.

1 Samuel 24:22

Davidasti Saúl reyitaquejj juramento lurarapïna, ucatsti reyejj palacioparuw cuttanjjäna. Davidasti jakenacapampejja cawqhanccäntejj uca jach'a imantasiñaruw cuttawayjjäna.