2 Samuel 21:7 - Qullan Arunaka DC

⁷ chuymapan Mefi-bóset chachat khuyapt'ayaskchïn ukasa, Tatit nayraqatan mä juramento Jonatanampi lurapxatap layku, uka chachax Jonatanan yuqapänwa, Saúl reyin allchhiparakïnwa

Aymar Bibliia 1986

⁷ chuymapanjja Mefi-boset sisqui ucatjja walwa qhuyapt'ayasiscaraquïna, ucasti Jonatanan yokaparaquïnwa, Saúl reyin allchhiparaqui, mä kollana juramento Jonatanampi, jupampi lurapjjatap laycu.

Qullan Arunaca

⁷ chuymapanjja Mefi-boset sisqui ucatjja walwa qhuyapt'ayasiscaraquïna, ucasti Jonatanan yokaparaquïnwa, Saúl reyin allchhiparaqui, mä kollana juramento Jonatanampi, jupampi lurapjjatap laycu.

2 Samuel 21:7 Jak'a apnaqawi uñst'ayäwi

2 Samuel 16:4

David reyisti Sibá jaqirux sänwa: —Jichhürut uksarux, taqi kunatix Mefi-bosetankkän ukanakax jumankxiwa. Nayaw chursma —sasa. Sibasti reyi nayraqatan alt'asisaw sarakïna: —Khuyapayasiñam nayax wiñayas jikxatakirista —sasa.

2 Samuel 19:25

25 (26) Jupax Jerusalenat reyir katuqir purinitayna, reyisti jupar sänwa: —Mefi-bóset, ¿kunatarak jumasti nayamp chika jan sarxayätasti? —sasa.

2 Samuel 4:4

Saúl reyin Jonatán yuqapax mä wawanikïnwa, Mefi-bóset sata, jupasti paypach kayut suchünwa. Kunapachatix Mefi-bosetax phisqa maranïkän ukkhaxa, Jezreel chiqat mä yatiyäwiw purinïna, Saúl reyimpina, Jonatanampin jiwatapata; uk ist'asaw wawa uywir warmix Mefi-bóset wawar ichxaruwayasin jaltxäna, ukampis ukham jank'ak jaltxasaw wawax tinküna, ukat ukham suchuptäna.

2 Samuel 9:1

Mä urusti, Davidax yanapirinakaparuw jiskt'äna: “¿Saúl reyin wila masinakapat maynis jakaskiti, nayan Jonatanat amtasisa yanapt'añaxataki?” sasa.

2 Samuel 9:10

Ukhamasti, jumampi, wawanakamampi, uywatanakamampix jupatakiw jichhax yapucharapipxäta, kunatix achkani ukanaksti sum imarapipxäta, ukhamat uywiriman utapan manq'ax jan pist'añapataki, Mefi-bóset allchhipax nayamp chika manq'äwixan manq'kchini ukasa —sasa.

2 Samuel 9:6

kunapachatix Saúl reyin allchhipa, Jonatanan Mefi-bóset yuqapax, Davidan ukar purinkän ukapachax, wali axsart'añ chuymampiw alt'asïna. Davidasti jach'at säna: —¡Mefi-bóset! —sasa. Jupasti sänwa: —Akanktwa, jach'a munañan rey —sasa.

2 Samuel 9:7

Davidasti sarakïnwa: —Jan axsaramti, nayax Jonatán awkimat amtasitax laykuw jumarux wali sum uñjäma. Saúl achachilaman uraqinakap taqpach kuttayxäma, jichhat uksarusti naya chikapuniw manq'äwixan manq'asirakïta —sasa.

Eclesiastés 8:2

Reyin arsutanakapar phuqhapxam, ukham Dios nayraqatan juramentompi arstaxa.

1 Samuel 18:3

Jonatanampi, Davidampisti wiñay jila masïñatakiw mä juramento lurapxäna, Jonatanan Davidar jupa kipkarjam munasitap layku.

1 Samuel 20:12

Ukan Jonatanax Davidarux säna: —Nayasti Israel markan Tatitu Diosapan sutipxaruw juramento lurta, qharürumpita jan ukax jurpürumpit yatxatä, aka pachpa horasaru kuntix awkixax amtki ukanaka. Jupan amtäwipatix jumatak walikïskani ukkhax yatiyxämawa.

1 Samuel 20:15

wila masixar khuyapt'ayañ janipun armasimti. ¡Tatituy uñisirinakamarux luräwinakapat wayt'pan, jan mayampitak jupanakar tukjarakpan! —sasa. Ukhamwa Jonatanampi Davidampix mä amtäwir mantapxäna.

1 Samuel 20:17

Jonatanasti Davidaru taqi chuymampi munasitap laykux wasitat juramento lurarapïna.

1 Samuel 20:8

Ukhamax nayar yanapt'itaya, juman luqtirimätwa, ukhamarus Tatit nayraqatan jila masïñatakiw juramento lurtanxa. Jichhasti, nayan juchaxächi ukax juma kipka jiwayita. Janiw wakiskiti awkiman ukaru nayar irpañamaxa —sasa.

1 Samuel 23:18

Ukhamasti panpachaniw Tatitun nayraqatapan mä amtäwi lurapxäna. Uka qhipatsti Jonatanax utaparuw kuttanxäna. Davidasti Hores chiqan qhiparxarakïna.

1 Samuel 24:22

22 (23) Davidasti Saúl reyitakix juramento luräna, ukatsti reyix jach'a utaparuw kutt'anxäna. Davidasti imantasiñ chiqaruw jaqinakapampix sarxapxäna.