2 Samuel 21:6 - Qullan Arunaca

⁶ uca jaken wawanacapatjja pakallkoni nanacar catuyapjjeta, nanacasti ucanacarojj Gabaa chekanwa, pachpa Saúl reyin marcapana, Tatitu nayrakatan warccatapjjä —sasa. Reyisti —Waliquiwa —saraquïnwa,

Aymar Bibliia 1986

⁶ uca jaken wawanacapatjja pakallkoni nanacar catuyapjjeta, nanacasti ucanacarojj Gabaa chekanwa, pachpa Saúl reyin marcapana, Tatitu nayrakatan warccatapjjä —sasa. Reyisti —Waliquiwa —saraquïnwa,

Qullan Arunaka DC

⁶ uka jaqin wawanakapat paqallqunir nanakar katuyapxita, nanakasti uka wawanakaparux Guibeá chiqankir Saúl reyin markapan Tatitu nayraqatan warkkatapxä —sasa. Reyisti uka wawanakapar katuyañ iyawsänwa,

2 Samuel 21:6 Jak'a apnaqawi uñst'ayäwi

Génesis 40:19

Acat quimsa ururusti faraonajj wasitatwa uñjjatani juman acancatamjja, ucatsti mä kokaruw warccatayaraquïtam, jamach'inacaraquiw jutasin aychamjja mank'apjjani.

Génesis 40:22

ucampisa panaderorojj warccatayänwa cunjämtejj Joseajj siscatayna uqhama.

2 Samuel 17:23

Uqhamat Ahitofel jaken amtatanacapajj jan phokhascataynatejja, ucatpï asnopa waquicht'asisinjja, utaparuw sarjjäna; nacïwipa marcapansti, familianacaparu jan walt'añanaca take cunsa sumaru asquicht'jjasinsti, jaychcatasjjänwa. Uqhamaw jupajj jiwjjäna, ucatsti awquipan sepulturaparu imantatäjjaraquïnwa.

2 Samuel 18:10

Uqham Absalonaru warcusisquirsti mayniw uñjaraquitayna, ucat Joab chachar yatiyiriw sararaquïna: —Absalonarojj mä kokat warcusisquir uñjta —sasa.

2 Samuel 19:28

Awquejjan take familianacapas juma jach'a rey nayrakatanjja jiwarayatäñapäcchïnsa, aca uywatamasti juman mesamat mank'asiñapataqui jawsataraquïnwa. Jichhasti, ¿cunat juc'ampraqui jach'a reyitsti mayiraquirista? —sasaw Mefi-boset jakejj säna.

1 Crónicas 12:3

Ahiezer, jupasti jilïrïnwa, uqhamarac Joás Sema chachan yokapa, jupasti Gabaa marcanquirïnwa; Azmavet chachan Jeziel, Pelet yokanacapa; Anatot marcanquiri Beraca, Jehú ucanacaraqui;

Esdras 6:11

“Uqhamaraquiw arsuracta, qhititejj aca arojjaru jan ist'quitani ucajja, jupan utapata mä viga lawa apakasina ucar warccatatäpan; ucatsti utapajj tucjata mä lak'a montonaru tucuyataraquïpan.

Ester (hebreo) 9:10

Jupanacasti Amán chachan tunca yokanacapänwa, judionacan uñisiripa. Ucampis janiw yänacaparojj camachapcänsa.

Mateo 27:5

Ucatwa Judasajj uca quimsa tunca kollkjja templor willintawayasin sarawayjjäna. Jupasti jaychcatasiraquitaynawa.

Hechos 13:21

Ucapachasti jupanacajj mä rey mayipjje jupanacar apnakañapataqui. Diosasti iyawsasaw jupanacarojj mä rey churi, pusi tunca mara jupanacar apnakañapataqui. Uca reyisti Cis sat chachan Saúl yokapänwa. Jupasti Benjaminan familiap castaraquïnwa.

Deuteronomio 21:22

“Cawquïri jaketejj mä kokar warccatata jiwayatäni mä jach'a jucha luratap laycu,

Josué 10:26

Uc arsusinsti Josué chachajj jiwayänwa uca reyinacarojja, ucatjja pheska kokanacaruw warccatayaraquïna jayp'ucama.

Josué 8:29

Hai marcan reyiparusti mä kokaruw cuncata warccatayäna jayp'ucama, cunapachatejj intejj jalantjjän ucapachaw amayapjja kokat apakayanïna, marca mantañar uchasinjja kalanacampiw amayap patjjaru uchayäna. Uca kala montonajj jichhürcamaw ucancasqui.

1 Samuel 10:1

Uqhamasti Samuelojj mä keru aceite catusinjja Saúl waynan p'ekepjjaruw warjjatäna, ucat saraqui: —Tatituw jichhürojj Israelan apnakeripat utt'ayastam. Jumaw jichhajj jupanacar apnakäta, uqhamarac uñisirinacapan amparapatsa khespiyaraquïta. Tatitun jumaru yakhachatapat señälasti acäniwa, Israel marcapa apnakañapataqui:

1 Samuel 10:24

Samuelosti take jakenacaruw jisct'araqui: —¿Jichhajj cawquïrirutejj Tatitojj reyit ajllqui ucarojj uñcatjjapjjtati? ¡Janiw mayni israelitas jupjamajj utjquiti! —sasa. Ucjjarusti jakenacajj: —¡Jallalla rey! —sasaw art'apjjaraquïna.

1 Samuel 10:26

Saúl waynas Gabaa sisqui uca utaparuw cuttjjaraquïna, Diosasti mä kawkha wali ch'amani chachanacaruw, chuymanacap onjjtayaraquïna Saúl waynampi chic sarapjjañapataqui.

1 Samuel 11:4

Qhitatanacasti cawqhantejj Saúl waynajj jaccäna uca Gabaa sat chekaruw puripjjäna; ucan jakenacaruw cunatejj pascatayna take ucanac yatiyapjjäna. Takeniw ucanac ist'asajj wali jachapjjäna.

1 Samuel 24:21

Jichhajj Tatitun sutipjjaru juramento lurarapita, wawanacajjaru jan jiwarayañamataqui, uqhamarac familiajjan sutipsa jan chhaktayañamataqui.

1 Samuel 24:22

Davidasti Saúl reyitaquejj juramento lurarapïna, ucatsti reyejj palacioparuw cuttanjjäna. Davidasti jakenacapampejja cawqhanccäntejj uca jach'a imantasiñaruw cuttawayjjäna.