2 Corintios 5:16 - Qullan Arunaca

¹⁶ Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.

Aymar Bibliia 1986

¹⁶ Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.

Qullan Arunaka DC

¹⁶ Ukat nanakax jan khititsa akapachan amtäwinakaparjam lup'kxapxti; nayrapachax uka amtäwinakarjam Cristot lup'ipkchïyäta ukasa, jichhax janiw jupat ukham lup'kxapxti.

2 Corintios 5:16 Jak'a apnaqawi uñst'ayäwi

Números 10:30

Ucampis Hobab chachajj juparojj sänwa: —Janiw sarquiristti, orakejjaruquiw cuttjjä, cawqhancquitejj familianacajjajj ucaru —sasa.

Mateo 10:37

“Qhititejj awquiparu, taycaparu nayat sipan juc'ampi munqui ucajja, janiw nayatacjamäquiti. Qhititejj yokaparu uqhamarac phuchaparu sinti munqui nayat sipanjja ucajja, janiw nayatacjamäcaraquiti.

Juan 15:14

Jumanacajj nayan amigonacajjäpjjtawa, cuntejj nayajj jumanacar sapcsma uc lurapjjäta ucajja.

Juan 2:4

Ucampis Jesusajj taycaparojj sänwa: —Warmi, ¿cunatsa nayarojj uc sista? Janïraw horasajjajj purinquiti —sasa.

Juan 6:63

Ajayuw jacañ churi, janchejj janiw cunataquis asquïquiti. Cunanactï nayajj jumanacar parlapcsma ucajja chekpach ajayun jacañ churir arunacawa.

Juan 8:15

Jumanacajj juchañchapjjtawa acapachan leyinacaparjama. Nayajj janiw qhitirus juchañchcti,

2 Corintios 11:18

Niyaquejjay walja jakenacajj luräwinacapatjja jach'a jach'a tuct'apjjchejja, nayajj uqhamaraquiw tuct'äjja.

Gálatas 5:6

Jiwasanacatejj Cristo Jesusampi mayaquïstanjja, janiw cunataquis asquïquiti circuncisión lurayasiñasa jan lurayasiñasa. Ucampis iyawsañanïñäni ucaw juc'amp asquejja, aca iyawsañasti munasiñanwa jacayaraquistani.

Deuteronomio 33:9

cawquïritejj awquinacaparojj: ‘Janipuniw uñjcti’ sisqui, jilanacaparusa: ‘Janiw uñt'caractti’, wawanacaparojj: ‘Janiw yatctti, qhitïsipcchejja’ sasa. Jupanacasti arunacamaruw phokhapjje, jupanacasti arust'äwinacam phokhañaruw catuyasipjjaraqui.

Filipenses 3:4

Nayanjj cunat janchir alcatasiñajjas utjcchitojja, janiw qhitinsa juc'ampi nayanjam cunar catuyasiñapas utjcaspati.

Colosenses 3:11

Janiw jichhajj utjcjjeti judiöñas, griegöñasa; circuncidatäñasa, jan circuncidatäñasa; jaya jakëñasa, jan amuyt'anïñasa, esclavöñasa, jan ucajj khespiyatäñasa; jan ucasti Cristow take cunajja, jupajj take cunancaraquiwa.

Santiago 3:17

Ucampis qhitinacatejj Diosan yatiñanïpqui ucanacan jacañanacapajj nayrakatajj k'omawa, suma jakenacäpjjaraquiwa, munasirïpjjaraquiwa, suma amuyt'anïpjjaraquiwa, qhuyapayasirïpjjewa, asqui lurapjjaraqui, khanaraqui cuns parlapjje.

1 Samuel 2:29

¿Cunatarac jichhasti jisc'achapjjesti cuna ofrendanactejj nayajj churapjjam siscta ucsti? ¿Cunatarac nayat sipansa juc'ampi wawanacamaru muntasti, uqhamat jupanacar cuntejj Israel marcajjajj churqui uca ofrendanacampi liq'intaytasti?’ sasa.