2 Corintios 5:16 - Qullan Arunaka DC

¹⁶ Ukat nanakax jan khititsa akapachan amtäwinakaparjam lup'kxapxti; nayrapachax uka amtäwinakarjam Cristot lup'ipkchïyäta ukasa, jichhax janiw jupat ukham lup'kxapxti.

Aymar Bibliia 1986

¹⁶ Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.

Qullan Arunaca

¹⁶ Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.

2 Corintios 5:16 Jak'a apnaqawi uñst'ayäwi

Números 10:30

Ukampis Hobab chachax jupar sänwa: —Janiw sarkiristti, nayax uraqixarukiw kuttxä, wila masinakax jak'aru —sasa.

Mateo 10:37

“Khititix awkiparu, taykaparu nayar munasiñat sipan juk'ampi munki ukaxa, janiw nayatakjamäkiti; khititix yuqaparusa, phuchhaparusa nayar munañat sipan juk'ampi munki ukaxa, janiw nayatakjamäkiti;

Juan 15:14

Kuntix nayax jumanakar sapksma uktix lurapxätaxa, nayan jila masinakaxäpxätawa.

Juan 2:4

Jesusasti taykaparux sänwa: —Warmi, ¿kunatsa nayar uk sista? Janïraw pachaxax purinkiti —sasa.

Juan 6:63

Ajayuw jakañ churirixa; janchix janiw kunatakis askïkiti. Kunanaktix nayax jumanakar sapksma ukax ajayun jakañ churir arunakawa.

Juan 8:15

Jumanakax jaqin amuyuparjamakiw juchañchapxtaxa. Nayasti janiw khitirus juchañchkti;

2 Corintios 11:18

¡Niyakixay walja jaqinakax luräwinakapat jach'a jach'a tukt'apxchixa, nayan jach'achasiñaxax wakisirakiwa!

Gálatas 5:6

Cristo Jesusampi mayakïstanxa, janiw kunatakis wakiskiti circuncisión katuqañasa, jan katuqañasa. Jan ukasti, iyawsañanïñaw juk'amp askixa, uka iyawsañasti munasiñan jakayarakistani.

Filipenses 3:4

Jiwasanakasti qhispiyatäñatakix janiw kunsa lurksnati, qhispiyasiñatix circuncisión katuqas jikxatañäspa ukax, naya pachpaw uka tuqit jach'achasirista.

Colosenses 3:11

Jichhax janiw wakiskirïkxiti judío jaqïñasa, griego jaqïñasa, circuncisión katuqat jaqïñasa, janirakiw wakiskirïkxiti jaya jaqïñasa, jan amuyt'anïñasa, uywat jaqïñasa, jan uywat jaqïñasa; jan ukasti Cristow taqi kunaxa, jupaw taqi kunankaraki.

Santiago 3:17

Ukampis khitinakatix Diosat jutir yatiñanïpki ukanakax q'uma jakawinïpxiwa; ukhamarus sumankayirinaka, munasirinaka, llamp'u chuymaninakäpxiwa. Jupanakax khuyapt'ayasirïpxiwa, chiqap uñjirinaka, chiq parlirinaka, sum luririnaka.

1 Samuel 2:29

¿Kunatarak jan yäqapxtasti wilañchanaka, waxt'äwinak luqtapxam siskta ukarusti? Jumax nayat sipansa wawanakamarukiw juk'ampi yäqtaxa. Jupanakax markax nayatak apanki uka suma waxt'äwinakampiw sapürunjam lik'intasipki” sasa.