2 Corintios 5:17 - Qullan Arunaca

¹⁷ Uqhamasti, qhititï Cristompëjjchi ucajj machak jakëjjewa. Nayra luräwinacasti tucusjjaraquiwa, jichhajj take cunas machakar tucutawa.

Aymar Bibliia 1986

¹⁷ Uqhamasti, qhititï Cristompëjjchi ucajj machak jakëjjewa. Nayra luräwinacasti tucusjjaraquiwa, jichhajj take cunas machakar tucutawa.

Qullan Arunaka DC

¹⁷ Ukhamasti, khititix Cristompi mayachatäxchi ukax, machaq jaqïxiwa. Nayra luräwinakax tukusxiwa; jichhax taqi kunas machaqar tukutawa.

2 Corintios 5:17 Jak'a apnaqawi uñst'ayäwi

Salmos 51:10

Diosay, k'oma chuymay utjayita, machak asqui ajay churaraquita;

Isaías 45:17

Ucampis Israelarojj Tatituw khespiyi, wiñayataquiw khespiyi, janiraquiw jupajj p'enkachatasa, jisc'achatasa uñjascaniti.

Ezequiel 11:19

Nayasti jupanacatjja uca kala chuymapa apakaraquïwa, mä machaka chuyma uqhamaraqui mä machaka ajayu churaraquï.

Ezequiel 18:31

Cuna ñankhanactejj naya nayrakatan lurapcta ucanacsti mäpita apanucupjjam, mä machaka chuymani, mä machaka ajayuni tucupjjaraquim. Israel marca, ¿cunatarac jiwascätasti?

Ezequiel 36:26

Jumanacarusti mä machak chuyma, mä machak ajayu uscjjapjjaraquïma. Jumanacatsti uca kala chuymjja apakjjapjjaraquïmawa, mä llamp'u chuyma churjjapjjaraquïma.

Mateo 12:33

“Mä kokatejj sumächi ucajja, suma achuniwa; jan suma kokäcchi ucasti, janiw sumäquiti achupajja. Uqhamasti mä kokajj achupat uñt'atawa.

Mateo 24:35

Alajjpachampi acapachampejj tucusiniwa, ucampis arunacajjajj janiw tucuscaniti.

Lucas 5:38

Ucatwa chhuyu vinojj machak lip'ichit lurat wayakar imañajj waquisi, paypach suma imatäñapataqui.

Juan 14:20

Ucüruwa jumanacajj Awquincatajja yatipjjäta, jumanacasti nayancatajjaraqui, nayasti jumanacampïtajjaraqui.

Juan 15:2

Cawquïri layminacajjatejj jan achqui ucanacarojj jupajj qhuchhuraraquiwa, ucampis cawquïri layminacatejj achqui ucanacarojj k'omacharaquiwa juc'ampi achuñapataqui.

Juan 15:5

“Nayätwa uva alejja, jumanacasti layminacäpjjtawa. Qhititejj nayampi mayaquïchi, nayasti jupampi mayaquiraquïta, uquïrejj walwa achuraqui, uqhamasti jumanacajj jan nayampejj janiw cuns lurapcasmati.

Juan 17:23

Nayajj jupanacampïtwa, jumasti nayampiraqui, jupanacan suma mayaru tucutäpjjañapataqui, uqhamat acapachajj yatiñapataqui jumajj nayaru qhitanista, uqhamarac cunjämtï nayaru munasista, jupanacarus munasiracta.

Juan 3:3

Ucjjarusti Jesusajj juparojj sänwa: —Khanacwa sisma, qhititejj jan wasitat nascani ucajja, janiw Diosan reinopjja uñjcaspati —sasa.

Juan 3:5

Jesusasti ucjjarojj saraquïnwa: —Khanacwa sisma, qhititejj umampita Ajayumpita jan nascani ucajj, janiw Diosan reinopar mantcaspati.

Romanos 16:10

Apeles jilatarus aruntapjjaraquim, jupasti uñacht'ayaraquiwa cawquicamatejj jupan iyawsañapajj Cristotaqui utjqui ucsa, uca quipcaraqui Aristóbulo satan familiaparusa.

Romanos 16:11

Aruntapjjaraquim marca masejj Herodionarusa, uqhamarac Narcison familiaparusa, jupanacasti Tatituncapjjaraquiwa.

Romanos 16:3

Aruntapjjaraquim Priscilarusa, Aquilarusa, jupanacasti nayamp chica Cristotaqui irnakerinacawa.

Romanos 16:7

Marca masinacajj Andronicompir, Juniasampir aruntarapipjjaraquita. Jupanacajj nayamp chicaraquiw carcelancapjjäna. Apostolonaca taypinjja wali aytatäpjjewa, jupanacasti nayat nayra Tatiturojj iyawsapjjäna.

Romanos 16:9

Urbanorus aruntapjjaraquim, jupasti jiwasampi chica irnakeriwa Jesucristo Tatituru sirviñanjja, uqhamarac nayan munat Estaquisarusa.

Romanos 7:6

Ucampis uca leyin munañaparojj jiwatäjjtanwa, jichhasti khespiyatäjjtanwa Ajayun machak jacañan Diosaru sirviñataquejja, janiw uca merk'e leyejj kellkatäcän ucarjamati.

Romanos 8:1

Jichhasti janiw cuna juchañchäwis utjquiti Cristo Jesusanquirinacataquejja, qhitinacatejj jan jacapqui janchin munañaparjama [jan ucasti Ajayun apnakata jacapqui ucanacataquejja].

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

1 Corintios 13:11

Wawäcasajj wawjamaw parläyäta, amtäyätsa, amuyt'äyätsa. Chachäjjta ucapachasti, take cunatejj wawan luräñapäqui ucjj apanucjjtwa.

2 Corintios 12:2

Tatitur iyawsir mä jakeruw uñt'ta, jupasti quimsïri alajjpachcamaw irpataraquïna ucat acarojj niya tunca pusini maraw pasjje. Janchipamppacha jan ucajj ajayunaqui irpatächïn ucjja janiw yatcjjti, Dios mayniquiw ucjja yati.

2 Corintios 5:16

Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.

2 Corintios 5:19

Diosajj acapachampejj Cristo tokwa sumancthapiscäna, jakenacan juchanacapat jan amtasisa. Jiwasarusti uca sumancthapiñ arunacwa jaytawayaraquistu mayninacar churañasataqui.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Gálatas 3:28

Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

Gálatas 5:6

Jiwasanacatejj Cristo Jesusampi mayaquïstanjja, janiw cunataquis asquïquiti circuncisión lurayasiñasa jan lurayasiñasa. Ucampis iyawsañanïñäni ucaw juc'amp asquejja, aca iyawsañasti munasiñanwa jacayaraquistani.

Gálatas 6:15

Circuncidatäñasa, jan circuncidatäñasa, janiw cunataquis asquïquiti, ucampis machak jakenac tucuñasaw waquisejja.

Efesios 2:10

Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

Efesios 2:15

Cristojj pachpa janchipanwa leyejj cuntejj siscäna ucjja tucuyawayi. Paypach marcsti mä sapa machak marcaruquiw tucuyaraqui, juparu mayachataraqui. Uqhamwa sumancañjja utjayawayi.

Filipenses 4:21

Aruntarapipjjeta Jesucriston sutiparu take qhitinacatejj Diosancqui ucanacaru. Nayampïqui uca jilatanacasti aruntanipjjaractamwa.