2 Corintios 5:15 - Qullan Arunaca

¹⁵ Cristojj takenitaquiw jiwi, qhitinacatejj jacasipqui ucanacajj jan jupanacpachataqui jacjjapjjañapataqui, jan ucasti Cristotaqui jacjjapjjañapataqui, jupanac laycu jiwasina jactqui ucataqui.

Aymar Bibliia 1986

¹⁵ Cristojj takenitaquiw jiwi, qhitinacatejj jacasipqui ucanacajj jan jupanacpachataqui jacjjapjjañapataqui, jan ucasti Cristotaqui jacjjapjjañapataqui, jupanac laycu jiwasina jactqui ucataqui.

Qullan Arunaka DC

¹⁵ Cristox taqinitakiw jiwawayi, khitinakatix jakasipki ukanakax jan jupanakpachatak jakañapataki, jan ukasti Cristotak jakapxañapataki, jupaw jupanak layku jiwasin jaktawayi.

2 Corintios 5:15 Jak'a apnaqawi uñst'ayäwi

2 Reyes 5:17

Ucatjja Naamanajj sänwa: —Uqhamajja Israelan pä mula carga lak'apacsay apayita; aca sirvirimasti janiw juc'amp yakha diosanacaru loktcjjaniti nact'ayata sacrificionacsa, jan ucasti Tatituruw loktjjani.

Ezequiel 16:6

Juma jac'a pascasasti, pachpa wilam taypin wat'aquisquir uñjaracsma. Uqham uñjasinsti jumar jacayañwa amtasiracta.

Ezequiel 37:14

Nayaw jumanacarojj jacañ samanajjampi phust'apjjäma, ucatsti jumanacajj wasitat jactjjapjjäta; pachpa jumanacan orakenacamaruw utt'ayjjapjjaraquïma. Ucapachaw jumanacajj yatipjjäta, naya Tatitun parlatajja, uqhamaraqui uca parlatajjarus phokhatajja. Naya Tatituw ucjja arsta.’ ”

Ezequiel 37:9

Ucatsti Tatitojj saraquituwa: “Nayan sutejjaru jacañ samanaru parlam; aqham saraquim: ‘Aqham siw Tatitojja: Jutam, jacañ samana, pusi toketpach sarthapinipjjam, aca jiwatanacaru jacañ churaraquim’ ” sasa.

Habacuc 2:4

Cunatejj kellkañamäqui ucajj acawa: ‘Jan wali ñankha jakenacajj jach'a jach'aw tucupjje, ucampis asqui jakenacajj Diosar iyawsäwi laycuwa jacapjjani’ ” sasa.

Zacarías 10:9

Nayaw ananucuractjja yakha marcanac taypiru, ucampisa jayanccasajj nayata amtasipjjaniwa, mä uruw wawanacapamppacha cutt'anjjapjjanejja.

Lucas 1:74

Uñisirinacasat khespiyatäsinjja jupar jan ajjsarañamp sirviñasataqui.

Juan 5:24

“Khanacwa sapjjsma, qhititejj nayan arsutajjar ist'quejja, uqhamarac qhititejj qhitanquitu ucarus iyawscaraqui ucajja wiñay jacañaniwa, janiraquiw juchañchatäcaniti, jan ucasti jiwañat jacañaruw pasawayjje.

Juan 6:57

Qhitanquitu uca Awquejjajj jacañaniwa, nayasti jupïpanracwa jacascta; uca pachparaquiw qhititejj nayat mank'qui ucajja nayïpanwa jacani.

Romanos 12:1

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

Romanos 4:25

Jupasti jiwañaru catuyatänwa jiwasanacan juchanacas laycu, ucatsti jactayataraquïnwa jupa toke jiwasanacajj Diosampi catokatäñasataqui.

Romanos 6:2

Janiw cunäquipansa. Jiwasanacajj juchataquejj jiwatäjjtanwa; ¿cunjämaraqui wasitat juchampi jacascacsnasti?

Romanos 6:6

Yattanwa, nayra jacañasajj jupampi chica ch'accatatäjjewa uqhamat jiwasan cuna jan walitejj utjqui ucajj t'unjatäñapataqui, uqhamat jan juc'ampi juchar sirvjjañasataqui.

Romanos 8:10

Ucampis Cristotejj jumanacan jacchejja, janchejj juchampi jiwayatäcchi ucasa, ajayojj jacasquiwa, Diosajj jupar catokjjatap laycu.

Romanos 8:2

Ajayun jacañanjja, Cristo Jesús tokew nayarojj juchan munañaparjam sarnakañatjja khespiyitu, uqhamarac jiwañatsa.

Romanos 8:6

Acapachancquis ucanacat llaquisiñajja jiwañar apiriwa, ucampis Ajayun jacañat llaquisiñajja wiñay jacañaru, uqhamarac sumancañaruw api.

1 Corintios 10:33

Nayajj taketaquis asquïñwa munta. Janiw nayan walïñajjacti jan ucasti mayninacan asquïñapwa muntjja, uqhamata jupanacajj khespiyatäpjjañapataqui.

2 Corintios 12:10

Ucatwa t'uqhasiñanacajjat cusistjja, jisc'achayasitanacajjatsa, pist'ayasiñanacajjatsa, t'akhesitanacajjatsa, jan walt'añanacatsa Cristoncatajj laycu. Cunapachatï t'uqha uñjasta ucqhasti, juc'ampi ch'amanjamaw amuyastjja.

2 Corintios 3:6

Jupasti aca machak arust'äwin jupar sirviñataquejj ch'am churapjjaraquituwa. Uca machak arust'äwisti janiw cuna mä kellkataru jaysañäquiti, jan ucasti Kollan Ajayu catokasina jacañawa. Kellkat leyinacajja jiwañaruquiw api, ucampis Ajayojj jacañwa churaraqui.

2 Corintios 5:16

Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.

Gálatas 5:25

Cunjämtejj Ajayu tok jactanjja, uca pachparaquiw Ajayumpi cuna luräwinacasansa irpayasiñasajja.

Efesios 4:17

Acwa jumanacar sapjjsma uqhamarac ewjjt'apjjsma Tatitun sutiparu: Jan juc'ampejj Diosaru jan uñt'apqui uca jakenacjamajj sarnakapjjamti. Jupanacasti jan cunatac sirvir amuyt'anacaparjamaw jacapjje.

Efesios 5:14

Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa.

Colosenses 2:12

Cunapachatï jumanacajj bautisatäpcäyäta ucapachajj Cristompi chic imantatäjjapjjtawa, uqhamarac jupampi chica jactayatäjjapjjaractawa, Tatitur jiwatat jactayir ch'aman Diosar iyawsapjjatam laycu.

Colosenses 3:1

Uqhamajj jumanacajj Cristomp chica jacatatjjapjjsta ucajja, alajjpach yänacay thakapjjam, cawqhantï Cristojj Diosan cupëjjapan kont'atäquis ucanaca.

Colosenses 3:17

Cuntejj lurapjjäta, uqhamarac arsupjjäta ucanacjja Tatitun sutiparu lurapjjam, Dios Awquir yuspagarasa Jesucristo toke.

Colosenses 3:23

Cuntejj lurapjjät ucjja lurapjjam take chuymampi, Tatitutaquis lurapcasma uqhama, jan jakenacatacjamajja.

1 Tesalonicenses 5:10

Jesucristojj jiwasanac laycuw jiwawayi jupamp chica jacañasataqui, jacascañänisa jan ucajj jiwatäñänisa.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

1 Pedro 4:6

Ucatpï jiwirinacarojj Diosan arunacapjja parlatänjja, jupanacajj uqhamata ajayunacapanjja Diosjam jacapjjañapataqui, acapachanjja mayni jakenacjama taripatäpcaracchisapän ucasa.

1 Juan 4:9

Diosajj qhitaniw mä sapa Wawapa aca orakeru, wiñay jacañanïñasataqui, uqhamanwa Diosajj munasiñap uñacht'ayistu jupa toke.

Apocalipsis 1:18

Nayajj jacasctwa jiwatäcchïyäta ucasa. Jichhasti wiñayataquiw jacascta. Jiwañan llavepsa nayaw catta, jiwatanacan utjäwipan llavepsa nayaw catta.