1 Samuel 3:18 - Qullan Arunaca

¹⁸ Samuelosti, cuntejj Tatitojj yatiycatayna ucanacjja jan cunsa imt'asaw yatiyäna, ucat Elí sacerdotejj warartataraqui: —¡Tatitun arsutapawa! ¡Cuntejj jupajj munqui uc luraracpan! —sasa.

Aymar Bibliia 1986

¹⁸ Samuelosti, cuntejj Tatitojj yatiycatayna ucanacjja jan cunsa imt'asaw yatiyäna, ucat Elí sacerdotejj warartataraqui: —¡Tatitun arsutapawa! ¡Cuntejj jupajj munqui uc luraracpan! —sasa.

Qullan Arunaka DC

¹⁸ Samuelusti, kuntix Tatitux parlawaykatayna ukanak jan kuns imt'asaw yatiyäna, ukat Elí sacerdotex jach'at arsüna: —¡Jupax Tatituwa! ¡Munañapax luratäpan! —sasa.

1 Samuel 3:18 Jak'a apnaqawi uñst'ayäwi

Génesis 18:25

¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.

2 Samuel 10:12

Ch'am catjjatam, jan ajjsaramti, marcasar arjjatañ laycusti jan ajjsarasaraquiw nuwasiñäni, Diosasan marcanacapätap laycu. Ucjjarusti Tatituraqui cunatejj jupataquejj sumäqui uc lurpan” sasa.

2 Samuel 15:26

Ucampisa Tatitutejj: ‘Janiw nayatacjamäctati’ sitani ucapachasti acanctwa nayajj, jupasti cuntejj nayampi muni uca luraracpan.

2 Reyes 20:19

Ezequías reyejj jacañapana samaraña, sumancaña utjañapa amuyasinjja, Isaiasarojj sänwa: —Tatit toketa yatiyäwi arunaca apanquista ucajja nayataquejj waliquïsquiwa —sasa.

1 Crónicas 19:13

Ch'amañchasim, uqhamarac take chuymaraqui marcas laycu nuwasiñäni, uqhamarac Diosasan marcanacap laycuraqui. ¡Tatitusay lurpan cunjämay jupataqui sumächi uqhamaru!” sasa.

Job 1:21

Jupasti sänwa: “Nayajj taycajjan puracapatjja k'alalaquiw nasta, k'alalaquiraquiw cuttjjaraquëjja. Tatitu Diosaw take cunsa churitu, ucatsti jupaw apakasjjaraquitu. Ucampis ¡Tatitun sutipajj jach'añchatäpan!” sasa.

Job 2:10

Job chachasti saraquïnwa: —¡Warmi, jan uqhama cuna jan walinacsa parlamti! ¿Jiwasatejj Diosatjja asquinac catokstan ucapachasti janit jan walt'añanacjja Diosat catokcaracsna? —sasa. Uqhamäcasinsa Job chachajja janiw cuna juchanacsa lurcänti, janiraquiw lacapampis cuna jan walinacsa arscaraquïnti.

Salmos 39:9

“Nayasti amutuw tucta, janiw lacajj jist'arcti, juman take cun sarayascatam yatta.

Éxodo 34:5

Ucatsti Tatitojj kenayanjamwa sarakanïna. Ucat Moisesampi kollun parlasinsti sutipwa arsusïna:

Isaías 39:8

Ezequiasasti amuyänwa jacañapcamajja sumancañasa jan llaquisiñas utjascañapa, ucatsti Isaiasarojj sänwa: —Tatitut uca arunaca apanitamajj asquiwa —sasa.

Jeremías 34:6

Jeremías profetasti take aca arunacwa Sedequías reyerojj yatiyaraquïna Jerusalén marcana.

Jeremías 38:14

Sedequías reyisti saraquïnwa, Jeremiasarojj jupa nayrakataru irpapjjañapataqui, templona quimsïri puncüquis ucqharu. Ucanwa reyejj Jeremías chacharojj saraquïna: —Maya jumaru jisct'äma ucatsti uca jisct'arojj jaysitätawa —sasa.

Jeremías 42:4

Jeremías chachasti jupanacarojj saraquïnwa: —Waliquiwa. Nayaw jumanacataqui Diosamat mayirapipjjäma, cunjämtejj sapquista uqhamarjama, ucatsti yatiyjjapjjaraquïmawa cuntejj Tatitojj sisquitani take ucanaca, jan cunsa imt'asa —sasa.

Lamentaciones 3:39

Jakesti juchanïcasasti, ¿cunatraqui acapachansti arsusispa?

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.

1 Pedro 5:6

Jisc'aruy tucupjjam Diosataquejja, uqhamat jupajj jumanacar horasaparu jach'ar aptañapataqui.

Jueces 10:15

Uqham ist'asinsti israelitanacajj, Diosarojj sapjjaraquïnwa: “Nanacajj juchwa lurapjjta. Jichhasti nanacampejj cunjämarutejj muncta uqhamaruy luram, ucampis nanacajj achict'asipjjsmawa, jichhajj khespiyapjjaquitaya” sasa.