1 Samuel 3:19 - Qullan Arunaca

¹⁹ Samuelosti niya jilsuscaraquïnwa, Tatitusti juparojj yanaparaquïnwa, janiraquiw cuntejj arscatayna ucanacjja jan phokhasa jaytcänti.

Aymar Bibliia 1986

¹⁹ Samuelosti niya jilsuscaraquïnwa, Tatitusti juparojj yanaparaquïnwa, janiraquiw cuntejj arscatayna ucanacjja jan phokhasa jaytcänti.

Qullan Arunaka DC

¹⁹ Samuelusti jiltaskakïnwa, Tatitusti juparux yanapänwa, arsutanakapsa jan mayan phuqharakïna.

1 Samuel 3:19 Jak'a apnaqawi uñst'ayäwi

Génesis 21:22

Uca urunacansti Abimelec reyejj Abrahamampi parliriw saräna. Ejercitopan jilïripa Ficol chachasti jupa chicaw sararaquïna. Abimelec chachasti Abrahamarojj sänwa: —Nanacajj uñjapjjtwa, Diosajj take luräwiman jumar yanapatapa.

Génesis 28:15

Nayaw jumampïscta, cawquirutejj sarcät ucan imascapunïmawa, ucatsti uca pachpa orakeruw cuttayaniraquïma. Janipuniw antutcämati jan arsutajjar phokhasajja” sasa.

Génesis 39:2

Ucampis Tatitojj Joseampïscänwa, uywiripan utapan jacañcamasti take cunas waliquïscänwa Joseataquejja.

Génesis 39:3

Uywiripasti amuyaraquïnwa Tatitojj Joseampïscatapa, ucataracwa take cunas Joseataquejj waliquïscänjja.

1 Reyes 8:56

“¡Tatitojj bendicitäpan, jupawa Israel marcaparu samaraña churi, cunjämatï arscäna uqhamaru! Tatitusti janiw armasquiti Moisés sirvirip toke cuna arsüwinactï phokhañataqui arscäna uca laycu.

2 Reyes 10:10

Jumanacajj sum yatipjjam, cuntï Tatitojj arscäna Acab reyin familiapataqui take ucajja phokhasiniwa. Tatit pachparaquiw luräna cuntï arscäna Elías sirvirip toke ucjja” sasa.

2 Reyes 15:12

Uqhamatwa phokhasiscäna cuntejj Tatitojj Jehú reyir yatiycäna wawanacapat saraker familiapajj pusïr wawapan wawapcama Israelan tronopan kont'asiñapäcäna ucajja.

2 Reyes 22:16

Naya Tatitusa sistwa: ‘Mä jan walt'añwa aca chekarusa, jakenacapjjarusa apayanëjja, cunjämtï Judá marcanquir reyejj leet'qui uca libron cuntï yatiyqui uqhamaru.

Isaías 43:2

Umanjam maqhatañamächejja, nayaw jumampïscäjja, jawiranac maqhatañamächejja, janiw jalantasin jiwcätati; ninanjam pasañamächejja, janiw naqhantcätati, ninas janiw jumanjja naccaniti.

Isaías 44:26

Ucampisa qhitinacatejj nayan sirvirejjäqui ucanacan arunacapsti phokhayapuntwa, uqhamaraqui qhitatanacajjan amtatanacapsa suma mistuyaractjja. Nayaw Jerusalenan wasitat jakenëjjañapataqui arstjja, uqhamaraqui Judá orakenquir marcanacasa wasitat sayt'ayatäjjañapataqui: Aynacht'atanacapatsti nayaw jupanacarojj sartayä.

Isaías 55:11

uqhamaraquiw lacajjat mistquis uca arunacajja, janiw nayan ucarojj ch'usaqui jan cun lurasajj cuttancaniti, jan ucasti cuntejj nayajj muncta ucwa luri, cuntejj nayajj siscta ucwa phokharaqui.

Mateo 1:23

“Mä virgen warmiw usur jakeptani. Mä yokall wawa wawachasiraquini, sutipasti Emanuel sataraquïniwa” (ucasti sañ muni: “Diosajj jiwasampiwa”).

Lucas 1:28

Angelasti Marian ucar mantasinjja sänwa: —¡Aruntsmawa, María! ¡Diosan asquipamp phokt'ata! Tatitojj jumampiwa, [take warminacat sipana Diosan bendecitaraquïtawa] —sasa.

Lucas 1:80

Yokall wawasti jiltänwa, ajayu tokenjja ch'amañchasiraquïnwa. Jupasti wasar tokenacan jacäna, cunürutejj Israel marcarojj uñstañapäcän ucürcama.

Lucas 2:40

Wawasti jiltänwa ch'amansa, yatiñansa, Diosasti wal juparojj bendiciraquïna.

Lucas 2:52

Jesusasti jilascänwa janchina, uqhamarac yatiñansa; Diosataquisa, uqhamarac jakenacataquisa asquiraquïnwa.

2 Corintios 13:11

Jichhajj jilatanaca, cusisitäpjjapunim. Jacañanacamansti chekapapunïpjjam, chuymachasipjjaraquim, sumanaraqui jumanaccamajj jacapjjam. Samarañ churir munasir Diosaw jumanacampïscanejja.

2 Corintios 13:14

Jesucriston bendicionapasa, Diosan munasiñapasa, Kollan Ajayun jiwasampïñapasa jumanacampipunïpan.

Deuteronomio 18:22

Cuntejj profetajj parlcani Tatitu Diosan sutiparu, ucatsti janirac uca parlatapajj phokhascaniti, ucajj jumanacataquejj mä unanchawa, uca parlatapasti janiw Diosan arunacapäcaraquiti, jan ucasti uca profetajj jach'a jach'a tucusaquiw ucanacjja parlaraqui, ucat sipansa jumanacajj jan juparojj jaysapjjamti.

2 Timoteo 4:22

Tatit Jesucristojj jumampipunïpan, uqhamarac Diosajj qhuyapayasiñapjja churpan take jumanacjjaru.

Josué 21:45

Cuntejj Diosajj arsuwaycäna ucanacasti takew phokhasïna, israelit jakenacampejj janiw cunas jan phokhatajj kheparcänti.

Jueces 13:24

Ucata urunaca phokhasjjepansti warmejja mä yokall wawa wawachasjjäna, ucatsti Sansón sasaraquiw suticharaqui. Uca wawasti jilsünwa, Diosasti juparojj bendiciraquïnwa.

1 Samuel 10:7

Cunapachatejj take ucanacajj jumampi lurasini ucapachasti, cunas amuyatamatjja walïspa uc luraraquim, Diosaw yanaparaquïtam.

1 Samuel 12:2

Acajj jichhajj jumanacan reyimajja. Jupaw jumanacaru apnakapjjätam. Nayasti chuymani jakëjjtwa, kaka p'ekëjjaractwa; wawanacajjasti jumanac chicaw jacapjjaraquejja. Nayaw jumanacarojj apnakapjjayäsma waynatpacha, jichhürcama.

1 Samuel 16:18

Ucat jupanacat maynejj arsu: —Nayajj uñjtwa, Belenanquir Isaí chachan mayni yokapaw suma toct'añ yati; uqhamarus guerran nuwasiñataquejj jan ajjsaririwa. Cunapachatejj cunsa parli ucqhajj, wali suma amuyumpiw parli, uqhamarac wali suma uñnakt'ani waynawa. Tatitusti jupampiraquiwa —sasa.

1 Samuel 18:12

Saúl reyisti Davidarojj ajjsaränwa, Tatitusti Davidaruquiw yanapäna, ucampisa juparojj janiw yanapcjjänti.

1 Samuel 18:14

Cunjämatejj Tatitojj Davidaru yanapcänjja, take cuna lurañapansa jupajj walt'ascaquipunïnwa.

1 Samuel 18:5

Davidasti cuntejj Saúl reyejj lurañataqui churcäna ucanacjja wali sumpuni phokhäna, ucat Saúl reyejj juparojj guerran sarayañapataquiw utt'ayaraquïna. Ucasti take ejercitonquirinacataquejja, Saúl reyin jach'a jilïri jakenacapataquisa wali sumapunïnwa.

1 Samuel 2:21

Tatitusti Anarojj bendiciraquïnwa, ucatsti usur jakeptaraquïnwa. Uqhamatwa Anajj quimsa yokall wawampi pä imill wawampi wawachasïna, Samuel wawasti Tatitun nayrakatapanjja jilascaquïnwa.

1 Samuel 2:26

Ucampisa Samuel waynajj jiltascaquïnwa, sarnakatapasti Tatitutaquisa, jakenacataquisa asquiraquïnwa.

1 Samuel 9:6

Uywatasti ucjjarojj saraquïnwa: —Aca marcanjja mä profetaw utji, take jakenacasti juparojj wali yäkapjjaraqui, take cuntejj jupajj yatiyqui ucanacasti phokhasipuniwa. Jin sarañäni, inampis jupajj cawquirutejj sarañasäqui ucsa uñacht'ayistaspa —sasa.