1 Samuel 3:17 - Qullan Arunaca

¹⁷ Elí sacerdotesti jisct'araquïnwa: —¿Cunsa Tatitojj parlawaytam? Jan cuns imt'istati jan ucasti takpacha yatiyita. ¡Diosasti jumarojj mutuyaraquïtamwa janitejj phokhata yatiyquitäta ucapachajja! —sasaw Elí sacerdotejj säna.

Aymar Bibliia 1986

¹⁷ Elí sacerdotesti jisct'araquïnwa: —¿Cunsa Tatitojj parlawaytam? Jan cuns imt'istati jan ucasti takpacha yatiyita. ¡Diosasti jumarojj mutuyaraquïtamwa janitejj phokhata yatiyquitäta ucapachajja! —sasaw Elí sacerdotejj säna.

Qullan Arunaka DC

¹⁷ Elí sacerdotex jiskt'arakïnwa: —¿Kuns Tatitux parlawaytam? Jan kuns imt'istati, taqpach yatiyita. ¡Janitix phuqhatpach yatiykitätaxa, Tatituw jumarux mutuyätam! —sasa.

1 Samuel 3:17 Jak'a apnaqawi uñst'ayäwi

2 Samuel 14:18

Reyisti warmirojj saraquïnwa: —Nayasti achict'assmawa, jani cunsa imantistati cuntejj jisct'cäma take ucanacatjja —sasa. —Parlascaquim jach'a rey —sasaw warmejj saraquïna.

2 Samuel 19:13

Ucjjarusti sascaquïnwa Amasaru sapjjañapataqui: “Juma pachpaw wilajjat wilanïtajja, jichhat ucsarojj jumaw ejercitojjan jach'a jilïripäyätajja, Joab lanti. Janitejj aca arsutajj phokhäma ucapachasti Tatitojj nayaru mutuyitpan wali jan sintt'asiñampi” sasa.

2 Samuel 3:35

Ucatsti Davidan ucaruw sarapjjäna, mankt'asiñapataquiw achict'apjjaraquïna, janïra jayp'untquipana, ucampisa Davidajj juramentompiw arsüna aqham sasa: “¡Diosasti nayarojj wali mutuyitpan, nayatejj t'ant'sa jan ucajj mä cunsa janïra inti jalantquipana mallt'ä ucapachajja!” sasa.

2 Samuel 3:9

¡Tatitusti nayarojj wali mutuyitpan, janitejj Davidampi phokä, cuntejj Tatitojj arsuwayqui ucanacampejja!

1 Reyes 22:16

Ucjjarusti reyejj sänwa: —¿Kawkha cutis säma juramento luratajj laycu: ‘Cunatejj chekäqui uca yatiyita Tatitun sutipjjaru’ sasa?

2 Reyes 6:31

Ucatjja reyejj jach'atwa arsüna: “¡Diosajj nayarojj jan walpuni mutuyitpan, janitejj jichhürpacha Safat chachan Eliseo yokapar p'ekepa apakcä ucajja!” sasa.

Salmos 141:5

Asqui jakejj mutuyitpan, suma jakejj tokenoketpan, ucanac catokañataquejj janiw jaltcäti; mutuycatpachas Tatitut mayisiscaquïwa.

Jeremías 38:14

Sedequías reyisti saraquïnwa, Jeremiasarojj jupa nayrakataru irpapjjañapataqui, templona quimsïri puncüquis ucqharu. Ucanwa reyejj Jeremías chacharojj saraquïna: —Maya jumaru jisct'äma ucatsti uca jisct'arojj jaysitätawa —sasa.

Jeremías 42:4

Jeremías chachasti jupanacarojj saraquïnwa: —Waliquiwa. Nayaw jumanacataqui Diosamat mayirapipjjäma, cunjämtejj sapquista uqhamarjama, ucatsti yatiyjjapjjaraquïmawa cuntejj Tatitojj sisquitani take ucanaca, jan cunsa imt'asa —sasa.

Daniel (hebreo) 4:19

Uqhamasti Daniel waynajj, qhitirutejj Beltsasar sas sutichapcäna ucajja wali muspharataw uñjasïna, cuna amtäwinacatejj p'ekeparu jutcän ucanacampisa wali mayjt'ataw uñjasiraquïna. Ucampisa naya, reyejj, juparojj saractwa: ‘Beltsasar, jan jumajj llaquisimti cuna samctejj samcascta ucatjja, uqhamaraqui khanañchäwipatsa’ sasa. Beltsasarasti ucjjarojj saraquituwa: ¡Jach'a rey, cuntejj uca samcajj sañ munqui ucanacasti juman uñisirinacamjjaru purpan!

Miqueas 2:7

¿Maldecitati Jacobon marcapajja? ¿Diosan llamp'usitapasti tucusjjaraquiti? ¿Uqhamti Diosajj luri? ¿Janiti Diosan arunacapasti asquïqui qhititejj sum sarnakqui ucataquisti?

Números 23:17

Balaamajj cutt'anjjasinjja uñjänwa Balac reyirojj sacrificionac loktat thiyan sayt'ata, Moabita jilïrinacamp chica. Balac reyejj Balaamarojj jisct'änwa, aqham sasa: —¿Cunsa Tatitojj sistam? —sasa.

Mateo 26:63

Jesusasti janiw cuns arscänti. Ucatwa sacerdotenacan jilïripajj juparojj säna: —Jacquiri Diosan sutiparuw juramentompi maysma chek arsuñamataqui. Sapjjeta: ¿Jumätati Diosan Yokapa Cristojja? —sasa.

Rut 1:17

Nayasti, cawqhantï jumajj jiwcäta ucqhanwa jiwaraquï, uca chekanaracwa imt'atäñ munta. ¡Dios Tatitusti take ch'amapampi mutuyitpan, nayatejj jumat jithektirista ucapachajja. Jiwañaquiw jumampiru, nayampirojj jaljtayistani! —sasa.

1 Samuel 14:44

Saúl reyejj art'asiraquïnwa: —¡Diosajj nayar jiwayitpan take ch'amapampi janitejj jiwcäta ucapachajja, Jonatán! —sasa.

1 Samuel 20:13

Ucampisa, awquejjatejj juma contra jan wal amtanejja, ucapachajj Tatitojj wali mutuypan, janitejj yatiycäma juman jaltjjañamataqui ucapachajja. ¡Tatituy jumarojj yanappan cunjämatejj awquejjaru yanapcänjja uqhama!

1 Samuel 25:22

Ucatwa mä juramento luräna: “¡Diosajj nayarojj wali mutuyitpan, janitejj arumanthcama jupan familianacapat take chachanac jiwaraycä ucajja!” sasa.

1 Samuel 3:16

ucampisa Elí sacerdotejj jawsasinjja jisct'änwa: —Samuel, wawajja —sasa. —Acancasctwa —sasaw Samuelojj saraquïna.