AmaHubo 3:7 - IBHAYIBHELI ELINGCWELE

Vuka, Jehova, ungisindise, Nkulunkulu wami, ngokuba zonke izitha zami uzishayile emhlathini, amazinyo ababi uwaphulile.

IsiZulu 2020

Vuka, Simakade, ngisindise Nkulunkulu wami. Uzishayile zonke izitha zami emihlathini; wawawohloza amazinyo ezonakali.

Contemporary Zulu Bible 2024

Vuka, Jehova; ngisindise, Nkulunkulu wami, ngokuba uzishaye zonke izitha zami emhlathini; Uwaphulile amazinyo ababi.

AmaHubo 3:7 Jak'a apnaqawi uñst'ayäwi

2 Samuweli 18:8

Ngokuba impi yahlakazeka khona ezweni lonke, ihlathi laqeda abantu abaningi ngalolo suku kunabadliwa yinkemba.

UJobe 16:10

Bangikhamisela imilomo yabo, bangimukula esihlathini ngenhlamba, bangihlanganyela.

UJobe 29:17

Ngaphula imihlathi yowonayo, ngahlwitha impango emazinyweni akhe.

AmaHubo 10:12

Vuka, Jehova! Nkulunkulu, phakamisa isandla sakho, ungakhohlwa abahluphekileyo.

AmaHubo 12:5

“Ngenxa yokubandezeka kwabahluphekileyo nangokububula kwabampofu ngizakuvuka kalokhu,” usho uJehova, “ngimbeke ekusindisweni akulangazelelayo.”

AmaHubo 27:3

Noma impi imisa ngakimi, inhliziyo yami ayesabi; noma ngivukelwa ngukulwa, nokho nginethemba.

AmaHubo 35:23

Vuka, usukumele ukwahlulelwa kwami, Nkulunkulu wami, Nkosi yami, umele icala lami.

AmaHubo 44:23

Vuka, Nkosi! Ulaleleni na? Vuka, ungasilahli njalonjalo.

AmaHubo 58:6

Yaphula amazinyo abo emlonyeni wabo, Nkulunkulu! Phohloza amazinyo omhlathi ezingonyama ezingamabhongo, Jehova!

AmaHubo 59:5

Wena kambe, Jehova Nkulunkulu Sebawoti, Nkulunkulu ka-Israyeli, vuka uphindisele bonke abezizwe, ungahawukeli namunye kwabahlubukileyo. Sela*

AmaHubo 6:4

Buya, Jehova, ukhulule umphefumulo wami, ungisindise ngenxa yesihawu sakho.

AmaHubo 7:6

Sukuma, Jehova, ngentukuthelo yakho, uvuke ngenxa yolaka lwezitha zami, ungimele; ngokuba uyalezile ukwahlulela.

AmaHubo 74:11

Usihoshelani isandla sakho, isandla sakho sokunene, na? Sihoshe esifubeni sakho, uzichithe.

AmaHubo 76:9

mhla evuka uNkulunkulu ukuba ahlulele, asindise bonke abathobekileyo bomhlaba. Sela*

U-Isaya 51:9

Vuka, vuka, wembathe amandla wena mkhono kaJehova, vuka njengasezinsukwini zasendulo, ezizukulwaneni zamandulo. Akusuwe owamnquma kabili uRahabi, wamgwaza udrako,* na?

IsiLilo 3:30

Makanike isihlathi sakhe komshayayo, asuthe ngenhlamba.

UHabakuki 2:19

Wo koshoyo kumuthi ukuthi: ‘Vuka!’ nakulo itshe eliyisimungulu: ‘Phaphama!’ Lokhu kungafundisa na? Bheka, kunamekwe ngegolide nangesiliva, kungekho neze umoya phakathi kwakho.