Lucas 12:5 - Qullan Arunaka DC

Ukampis khitirutix axsarapxañamäki uk sapxäma: khititix jakañ apaqasax infiernor jaquntañatak ch'amanïki uka Diosar axsarapxam. Jïsa, jupar axsarapxam.

Aymar Bibliia 1986

Ucampis qhitirutï ajjsarañanacamäqui uc sapjjäma: ajjsarapjjam qhititejj jacañ apakasajj infiernor jakontañatac ch'amanïqui ucaru. Jïsa, ucar ajjsarapjjam.

Qullan Arunaca

Ucampis qhitirutï ajjsarañanacamäqui uc sapjjäma: ajjsarapjjam qhititejj jacañ apakasajj infiernor jakontañatac ch'amanïqui ucaru. Jïsa, ucar ajjsarapjjam.

Lucas 12:5 Jak'a apnaqawi uñst'ayäwi

Salmos 9:17

17 (18) Ñanqha lurir jaqinakampi, Tatitur jan uñt'irinakampi, jupat armasirinakampix jiwañ mik'ayan jiwarapxani.

Proverbios 14:26

Tatitur axsartañax taqi chuyma jupar alkatañawa, wawanakapas Tatitun imatäniwa.

Jeremías 10:7

Jumax markanakan reyipätawa, juma nayraqatan taqiniw khathatipxi. Aka uraqin yatiñan jaqinakat sipansa, reyinakat sipansa, janiw jumjamax khitis utjkiti.

Jeremías 41:18

ukhamat babilonionakat jaltxañataki, Ismael chachan Guedaliasar jiwayatap laykuw uka babilonionakarux wal axsarapxäna, Guedaliasasti Babiloniankir reyin utt'ayatarakïnwa uka marka apnaqañapataki.

Jeremías 5:22

Naya, Tatituw jiskt'apxsma: ¿Janit jumanakax nayar axsarapkista? ¿Janit naya nayraqatan khathatipkta? Nayaw quta thiy uskta, jach'a qutatakix qurpapäkaspas ukhama, uka qurpsti janiw jach'a qutax llumikipankaspati. Mathapinakapas inamayakiw ukan sartaski, qhuthutiskaraki, ukampis janiw umax jilarankaspati.

Mateo 10:28

Janchir jiwayirinakarux jan axsarapxamti, ukampis ajayurux janiw jiwayapkaspati; khititix ajayumpiru janchimpiru infiernor jaquntkaspa uka Diosar axsarapxam.

Mateo 25:41

“Ukatsti ch'iqäxapankirinakaruw sarakini: ‘Ñanqhachatanaka, nayat jithiqtapxita, supayampitaki, angelanakapampitak wakichat wiñay aqkir ninar sarapxam.

Mateo 25:46

Uka jaqinakasti wiñay t'aqhisiñaruw sarapxani, aski jaqinakasti wiñay jakañaruw sarapxarakini.”

Mateo 5:22

Nayasti sapxsmawa, khititix jilapampi phiñasinixa, jupax juchañchatäniwa. Khititix jilapar tuqxani ukasti, Jach'a Tantachasïwinkir jilïrinakan juchañchatäniwa; khititix jilapar ñanqha arunakampi ñanqhachani ukasti, nina infiernor jaquntatäniwa.

Marcos 13:23

¡Wal amuyasipxam! Ukanak janïr luraskipan taqi kun yatiyapxsma.

1 Tesalonicenses 4:6

Janiy khitis uka tuqin jila masipar jan wal lurpati, janirak sallqantpasa, uk luririrusti Tatitux ch'amampiw mutuyi, kunjämtix niy iwxt'apksma ukhama.

Hebreos 10:31

¡Jakkir Diosan amparapar jalt'añax axsarkayapuniwa!

2 Pedro 2:4

Diosax janiw angelanakarus juch lurapxatapat pampachkänti, jan ukasti, manqha pacharuw jaquntäna, jupanakarusti ch'amakanakaruw cadenanakamp ñach'antat jaytäna, taripäwi uru puriniñapkama.

Apocalipsis 14:7

Jupax wali jach'a arumpiw art'äna: “Diosar axsartapxam, jupar yupaychapxarakim, taripañap urux purinxiwa. Alaxpacha, akapacha luririr yupaychapxam, qutanak luririru, uma jalsunak luririr yupaychapxam” sasa.

Apocalipsis 15:4

Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.

Apocalipsis 20:14

Ukatsti, Jiwañasa manqhapachasa, nina qutar jaquntatäxänwa. Uka nina qutasti payïr jiwawa,