Jeremías 5:22 - Qullan Arunaka DC

²² Naya, Tatituw jiskt'apxsma: ¿Janit jumanakax nayar axsarapkista? ¿Janit naya nayraqatan khathatipkta? Nayaw quta thiy uskta, jach'a qutatakix qurpapäkaspas ukhama, uka qurpsti janiw jach'a qutax llumikipankaspati. Mathapinakapas inamayakiw ukan sartaski, qhuthutiskaraki, ukampis janiw umax jilarankaspati.

Aymar Bibliia 1986

²² Naya Tatituw sista: ¿Janit jumanacajj nayaru ajjsarapquista? ¿Janit naya nayrakatan qhathatipcta? Nayaw kota thiyjja uscta jach'a kotataquejj korpäcaspas uqhama, uca korpsti janiw jach'a kotajj pasancaspati. Mathapinacapas inamayaquiw ucan sartasqui, khothutisipquiwa, ucampis janiw pasanipcaspati.

Qullan Arunaca

²² Naya Tatituw sista: ¿Janit jumanacajj nayaru ajjsarapquista? ¿Janit naya nayrakatan qhathatipcta? Nayaw kota thiyjja uscta jach'a kotataquejj korpäcaspas uqhama, uca korpsti janiw jach'a kotajj pasancaspati. Mathapinacapas inamayaquiw ucan sartasqui, khothutisipquiwa, ucampis janiw pasanipcaspati.

Jeremías 5:22 Jak'a apnaqawi uñst'ayäwi

Génesis 1:9

Ukatsti Diosax sänwa: “Alaxpachat aynachankki uka umanakax mayawjar tantacht'aspan, ukhamat wañan uñstañapataki” sasa. Arsutapasti ukhamapuniw phuqhasïna.

1 Reyes 13:28

Profetasti sarawayasinxa, jiwatarux thakhin jaqtatäskir jikxatäna, uka thiyansti asnompi leonampiw ukankaskarakïna. Leonasti janiw jiwatarux manq'antkataynati, asnorus janirakiw jisk'a jisk'a tukjkataynati.

Job 26:10

Qhanampina, ch'amakampin qurpapsti jach'a quta tukuyaruw uskuraki.

Job 37:24

Ukat jaqinakax jupatak axsartapxi; yatiñan jaqinakax janiw jupatakix kunäpkisa.

Job 38:8

Jach'a qutax uraqi manqhat mistunkän ukapachax, ¿khitis uka umanak jark'añatak punkunak uchantixa?

Salmos 104:9

kawkhakamatix puriñapäkän ukkhakama, ukhamat uraqir jan mayamp chhaqtayañataki.

Salmos 119:120

Janchixax nayraqataman axsarañat khathati; ¡kamachi arunakam laykuw chuymax alt'ayta!

Salmos 33:7

Jupaw lamar quta umanak mayawjaruk tantthapi.

Salmos 46:3

3 (4) lamar qutan mathapinakapas qhuthutiskpan, qullunakarus uxix khathatiyaskpan.

Salmos 99:1

¡Tatitux Reyiwa! ¡Reyi qunuñapax querubines sat chhiqhaninakxar utt'atawa! Markanakax khathatipxpan, taqpach uraqis unxtarakpan.

Proverbios 8:29

kunapachatix qutan umanakaparusa waña uraqiru jan makhatañapataki arskän ukkhasa, aka uraqi utt'aykän ukkhasa,

Isaías 50:2

¿Kunatsa nayax jutkta ukapachax khitirus jan jikxatktxa? ¿Kunatsa jawsataxarux khitis jan jayskituxa? ¿Janit amuyapktasti nayan ch'amanïtaxa jumanakar qhispiyañatakisti? Nayatakix janiw kunäkis mä aru arsuñaxa, ukhamat quta wañt'ayañatakisa, jawiranakas ch'usa wasarar tukuñapatakisa; ukhamat chawllanakax umatjam jiwarañapataki, umatjam thujsantañapataki.

Isaías 64:2

2 (1) kunjämtix ninax ch'aphi alinak nakhantki, jan ukax umsa wallxtayki ukhama. Ukapachaw uñisirinakamax sutim uñt'apxaspa, markanakasti juma nayraqatan khathatipxaspa.

Isaías 66:5

Tatitun arunakap ist'apxam, khitinakatix arunakap phuqhapkta ukanaka: “Jumanakan yaqhipa marka masinakamaxa, khitinakatix jumanakar uñisipktam, nayan sutix aytasipxatam layku arknaqapktam, ukanakasti sapxiwa: ‘Tatitux jach'a kankañap uñacht'aypan; jumanakarusti k'uchik uñjañ munapxsma’ sasa. Ukampis jupanakax mä p'inqa jisk'achjataw uñjasipxani.

Jeremías 10:7

Jumax markanakan reyipätawa, juma nayraqatan taqiniw khathatipxi. Aka uraqin yatiñan jaqinakat sipansa, reyinakat sipansa, janiw jumjamax khitis utjkiti.

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 31:35

Tatituw inti usku urun qhanañapataki, phaxsisa, warawaranakasa aruma qhanañapatakiraki, jupaw jach'a qutsa, mathapi qhuthutinaksa luraraki, jupax “Taqi Ch'amani Tatitu satarakiwa,” jupasti siwa:

Daniel (hebreo) 6:26

26 (27) Nayaw arsta: taqpach markanakaxan Danielan Diosapax yupaychatäpan, yäqatarakïpan. “Jupaw wiñayatak jakkiri Diosaxa. Jupan markapax janipuniw t'unjatäkaniti, ch'amapas janirakiw tukuskaniti.

Amós 4:12

“Ukhamïpan, Israel marka, jumarux ukhamarak mutuyäma; uksti nayax lurapunïwa, ¡Diosamampi jikisiñatak wakicht'asim!”

Amós 9:6

Tatitux alaxpacharuw utap sayt'ayi, qalltapsti uraqxaruw utt'ayi, juparakiw qutat umanak jutayi, uka umanakampiw uraqirux warxati. Sutipasti Tatituwa.

Jonás 1:16

Ukham uñjasasti, barco apnaqirinakax Tatituruw yupaychapxäna, mä wilañcha luqtapxäna, luräwinak phuqhañatakiw arsupxarakïna.

Nahúm 1:4

Jach'a qutarusti tuqintasin wañt'ayi; taqi jawiranaksa wañt'ayarakiwa. Basán tuqinkir pampa uraqinakapasa, Carmelo qullun ch'uxñanakapas wañsuwayxiwa, Libanonkir panqaranakas pharsuwayxarakiwa.

Mateo 10:28

Janchir jiwayirinakarux jan axsarapxamti, ukampis ajayurux janiw jiwayapkaspati; khititix ajayumpiru janchimpiru infiernor jaquntkaspa uka Diosar axsarapxam.

Marcos 4:39

Jesusasti sartasin thayarux tuqinuqäna, qutarusti sarakïnwa: —¡Amukt'am! ¡T'akurarakim! —sasa. Thayasti t'akurxänwa, mathapinakas chhaqtawayxarakïnwa.

Lucas 12:5

Ukampis khitirutix axsarapxañamäki uk sapxäma: khititix jakañ apaqasax infiernor jaquntañatak ch'amanïki uka Diosar axsarapxam. Jïsa, jupar axsarapxam.

Deuteronomio 28:58

“Jumatix jach'a ch'amani Tatit Diosaman sutipar jan yäqkäta, janirak aka qillqatan yatichäwinakaparjamas sarnaqkäta ukkhaxa,

Apocalipsis 15:4

Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.