Apocalipsis 14:7 - Qullan Arunaka DC

⁷ Jupax wali jach'a arumpiw art'äna: “Diosar axsartapxam, jupar yupaychapxarakim, taripañap urux purinxiwa. Alaxpacha, akapacha luririr yupaychapxam, qutanak luririru, uma jalsunak luririr yupaychapxam” sasa.

Aymar Bibliia 1986

⁷ Wali jach'ataracwa art'äna: “Ajjsartapjjam Diosaru, yupaychapjjaraquim, horasasti purinjjewa juparaquiw aca orakerojj taripani. Yupaychapjjam qhititejj alajjpachsa, acapachsa, kotsa, uma jalsunacsa lurqui ucaru” sasa.

Qullan Arunaca

⁷ Wali jach'ataracwa art'äna: “Ajjsartapjjam Diosaru, yupaychapjjaraquim, horasasti purinjjewa juparaquiw aca orakerojj taripani. Yupaychapjjam qhititejj alajjpachsa, acapachsa, kotsa, uma jalsunacsa lurqui ucaru” sasa.

Apocalipsis 14:7 Jak'a apnaqawi uñst'ayäwi

Génesis 22:12

Tatitun angelapasti sarakïnwa: —Jan kuna ñanqhsa wawar luramti, Diosar axsaratam yatxtwa, janirakiw “Janiw” sisktati, sapa wawamar nayar luqtaniña —sasa.

Nehemías 9:6

Esdrasasti sarakïnwa: “Jumakïtaw Tatituxa, janiw yaqha Diosax utjkiti. Jumaw alaxpachsa, alaxpachat juk'amp amstankki uksa, taqi warawaranaksa lurtaxa; jumarakiw uraqsa lurtaxa taqi kunatix ukan utjki ukanakamppacha, jach'a qutanaksa, ukhamarak kunatix ukan utjki taqi ukanaksa. Jumaw taqi kunanakarus jakañ churtaxa. Ukatarak alaxpachankir warawaranakas yupaychapxtamxa.

Salmos 115:15

¡Alaxpach akapach lurir Tatitux askinakapay jumanakar churpan!

Salmos 124:8

Yanapt'ax Tatitut juti, khititix alaxpacha akapach lurki uka Tatituta.

Salmos 33:6

Tatitux arupampiw alaxpach lurt'i; inti, phaxsi, warawara taqi ukanak utjayi.

Salmos 36:1

1 (2) Ñanqha lurir jaqirux ñanqhaw chuymapar parlxayi. Diosar axsartañasti janipuniw jupan utjkiti.

Salmos 89:7

7 (8) Taqi ch'aman axsarkay Diosätawa, alaxpachankirinakampi muyuntatätawa.

Salmos 95:5

Jach'a lamar qutax jupankiwa, jupaw lamar qutarux utjayi; amparapampiw waña uraq lurt'i.

Éxodo 20:11

Tatitux suxta urun luräna, alaxpacha, akapacha, qutanaka, kunanakatix ukanakan utjki ukanaka; paqallqüri urunsti samaränwa. Ukat Tatitux paqallqür urur aski waxt'äwimp phuqt'äna, qullan urüñapatakiw arsurakïna.

Isaías 40:3

Mä aruw art'asiraki: “Wasaran Tatitutakix mä thakhi wakichapxam, wasaran mä chiqa thakhi jist'arapxam.

Isaías 40:6

Mä aruw arsu: “Art'am” sasa. Nayasti saraktwa: “¿Kunarak art'ästi?” sasa. Ukat ist'ta akham siri: “Taqi jaqix qurar uñtatakiwa, ¡mä panqarar uñtata juk'a urunakatakikiwa!

Isaías 40:9

Jerusalén markan yatiyiripa, mä qullu patar makhatam, wali ch'amampirak art'asim, mä suma yatiyäwi yatiyañataki. Jerusalén marka, jan axsaras art'askakim, Judá uraqinkir markanakarusti yatiyarakim: “¡Jumanakan Diosamax akankiwa!” sasa.

Isaías 42:12

¡Tatiturusti jach'ar aptapxpan, taqi chiqan juparux yupaychapxpan!

Isaías 44:23

¡Alaxpacha, kuntix Tatitux lurki ukat kusisiñat arnaqasim! ¡Uraq manqhanaka, kusisiñat arnaqasipxam! ¡Qullunaka, ch'uminakan utji uka quqanaka, kusisiñat arnaqasipxam! Tatitux jach'a kankañap uñacht'ayi, Israelaru, Jacobun markaparus qhispiyarakiwa.

Isaías 58:1

Tatitux situwa: “Jan axsarasa, wali jach'at art'am, kunkamax mä trompetäkaspas ukham art'asim; Israel markaxarusti jan wali luratanakapat juchañcham.

Jeremías 10:10

Tatitu sapakiw chiqpach Diosaxa, jakkir Tatituxa, wiñay Reyixa. Jupan q'apisiñapansti, aka uraqix khathatiwa; markanakasti janirakiw phiñasitaparux saykatkaspati.

Ezequiel 7:2

“Naya, Tatituw Israel markar sista: Tukuy urupax purinxiwa, aka uraqin tukusiñapax purinxiwa.

Daniel (hebreo) 8:19

sarakituwa: “ ‘Jichhasti kunatix Tatitun q'apisiñap tukuy urun luraskani uk qhanañchäma, uka unañchäwix tukuya pachanakat yatiyi.

Oseas 8:1

“¡Uñch'ukiri, Tatitun markapxarux trompetam phust'am! Markaxar t'unjirix mä pakar uñtataw jutaski. Markaxax jan ist'asiriwa; janiw arust'äwixarus phuqhkiti, janirakiw kamachinakaxarjamas arkkituti.

Malaquías 2:2

Jumanakasti nayarux jaysañanakamawa, sutixsa taqi chuymampiw jach'añchapxañama. Janitix ukham lurapkäta ukaxa nayax ñanqhachapxämawa. Taqi chuymampi jan jach'añchapxatamatxa, jumanakatak aski waxt'äwinakaxsa, ñanqhachañaruw tukuyä, sacerdote kankañ katuqapkta ukanaksa apaqapxämawa” siwa, taqi ch'aman Tatituxa.

Mateo 25:13

“Ukapachaw Jesusax yatiqirinakapar säna: Jumanakax p'arxtatapun suyapxam, janiw yatipktati Jaqin Yuqapan kunür jutañapsa, kunapacha jutañapsa.

Lucas 17:18

¿Aka yaqha markankir sapakit Diosar yuspagarir kuttanisti? —sasa.

Hechos 14:15

—¡Tatanaka! ¿Kunatsa ukanak lurapxta? Nanakax jumanakjam jaqikïpxaraktwa. Nanakax uka inamay lurañanak apanukupxañamatakiw jumanakar parlir jutapxta, ukanak apanukusin jakkir Diosar arkapxañamataki. Jupaw alaxpacha, akapacha lurir Diosaxa, jach'a qutsa, ukanakan utjirinaksa.

Josué 7:19

Ukatsti Josué chachax Acán jaqirux sänwa: —Wawaxay, Israel markan Tatitu Diosapar jach'añcham, jan k'arisisaraki kuntix lurkta uk arsusim jan kunsa imt'asa —sasa.

1 Pedro 4:7

Taqi kunan tukusiñapax jak'ankxiwa, ukatpï jumanakax wali amuyt'amp sarnaqapxañamaxa, Tatiturus mayisipxañamaxa.

Apocalipsis 11:13

Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.

Apocalipsis 11:18

Jumar jan iyawsir markanakax q'apisitäpxiwa; ukampis q'apisiñam urux puriniwa, jiwatanakar taripkäta uka uruxa. Jumar luqtir profetanakarusti mä waxt'äwi churäta, qullan markamarusa, sutim waqaychirinakarus waxt'äwi churarakïta, jisk'arusa, jach'arusa; aka uraqi t'unjirinakarusti, jumax t'unjarakïtawa” sasa.

Apocalipsis 15:4

Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.

Apocalipsis 16:9

Jaqinakax llakkañaw intimpi nakhantat uñjasipxäna, ukatsti Diosan sutip ñanqhachapxäna, uka mutuyäwinak apaqañatak ch'amanïkipansa; uka jaqinakax janiw Diosar yupaychañatak kutikipstapkänti.

Apocalipsis 18:10

Ninan mutuyäwipar axsarasasti, jayatak uñch'ukipxani, sapxarakiniwa: “¡Ay! ¡Babilonia jach'a marka, ch'aman marka, kunarus purt'asta! ¡Akatjamatakirakis mutuyäwimax purinixä!” sasa.

Apocalipsis 18:17

¡Akatjamat ukataqi qamir yänakax tukusiwayxi!” sasa. Barco apnaqir capitananakasa, qutanjam saririnakasa, barcon irnaqirinakasa, alakipa luririnakasa, axsarañatsa jayatak sayt'anipxäna.

Apocalipsis 18:19

Ukatsti laq'ampiw p'iqinakapat willxatasipxäna, jachapxäna, wararipxarakïna: “¡Ay, kunarurak purt'asta! ¡Llakkañätaw ch'aman jach'a marka! Qamir yänakamampiw qutan barcompi irnaqirinakax qamiriptapxi. ¡Jichhasti jank'akirakis uka qamir yänakamax tukusiwayxixä!”

Apocalipsis 19:5

Ukatsti qhapaq qunuñat mä aruw ist'asirakïna: “¡Diosasar yupaychapxam, taqi jupar luqtirinaka, taqi jupar axsartirinaka, jisk'anaka, jach'anaka!” sasa.

Apocalipsis 4:11

“Tatay, nanakan Diosaxay, jach'añchäwimpi, qhapaq kankañampi, munañanïñ kankañampi katuqañatakix askïtawa. Jumaw taqi kunsa ina ch'usat lurtaxa; munañamat taqi kunas utji, juman uskutarakiwa” sasa.

Apocalipsis 4:9

Uka pusi jakaskirinakasti, sapa kuti khititix qhapaq qunuñan qunt'atäki, wiñayan wiñayapatak jakaski ukar jach'añchapki, yuspagarapkaraki ukkhaxa, uka pä tunka pusin jilïrinakax jupa nayraqatan killt'asisin jupar yupaychapxäna, ukatsti qhapaq qunuñan nayraqatapar pillunakap liwnuqasin sapxarakïna:

Apocalipsis 8:10

Ukxarusti kimsïr angelarakiw trompetap phust'äna, ukatsti mä jach'a warawaraw alaxpachat jalaqtanïna, nina wiyar uñtat nakhaskiri, ukasti niya chikatan chikatap jawiranakxaru, uma jalsunakxaruw jalxattäna.

1 Samuel 6:5

Uka layku, jichhax qurit uka ch'uphunak lurapxam, ukhamarak markas t'unjkis uka achakunakar uñtasitanaka, ukatsti Israelan Diosapar jach'añchapxarakim, inampis jumanakarusa, diosanakamarusa, uraqinakamarus jan mutuykxapxiristamti.