Lucas 12:4 - Qullan Arunaka DC

⁴ “Munat jilatanakaxa, jumanakaruw sapxsma, janchir jiwayirirux jan axsarapxamti, janiw jupax ukat juk'amp lurkaspati.

Aymar Bibliia 1986

⁴ “Jumanacarusti, munat amigonacajja, sapjjsmawa, jan ajjsarapjjamti janchir jiwayirirojja, ucatsti janiw juc'amp cuns lurcaspati.

Qullan Arunaca

⁴ “Jumanacarusti, munat amigonacajja, sapjjsmawa, jan ajjsarapjjamti janchir jiwayirirojja, ucatsti janiw juc'amp cuns lurcaspati.

Lucas 12:4 Jak'a apnaqawi uñst'ayäwi

Proverbios 29:25

Jaqinakar axsarañax sipitar uñtatawa, ukampis Tatitur iyawsir jaqiw imatäni.

Cantar de los cantares 5:1

Kullakitay, nayan munasitaxay, panqar yapuxarux mantxtwa. Mirraxampi, q'apkir qullanakaxamp apthapisxtwa, misk'xa tapatpach manq'antta, vinoxsa, lechexsa umt'araktwa. Munat jila masinaka, manq'apxam, umapxarakim, ¡qawqhtix munapkta uk umantapxam!

Cantar de los cantares 5:16

parlatapax wali muxsawa. ¡Jupax sinti munkayawa! Jerusalenankir warminaka, ukhamaw nayan munasitaxaxa, ukhamaw nayar munasirixaxa.

Isaías 41:8

“Israel, Jacobun markapa, nayan munata Abrahaman wawanakapat saraqir marka, sum ist'ita:

Jeremías 1:17

Jichhasti jumax ch'amañcht'asim; saram, ukatsti kuntix nayax sisksma taqi ukanak yatiyanim. Jan jupanakarux axsaramti, axsaräta ukapachasti, nayax jupanak nayräxan khathatiyäma.

Jeremías 1:8

Jan khitirus axsaramti, nayaw jumar imañatak jumamp chikt'atäskä. Naya Tatituw uk arsta” sasa.

Jeremías 41:18

ukhamat babilonionakat jaltxañataki, Ismael chachan Guedaliasar jiwayatap laykuw uka babilonionakarux wal axsarapxäna, Guedaliasasti Babiloniankir reyin utt'ayatarakïnwa uka marka apnaqañapataki.

Ezequiel 2:6

Jumasti, jupanakarux jan axsaramti, kuntix sapkätam uka arunakarus janirak axsaramti, ch'aphinakan muyuntatjamas uñjaskchïta, jan ukax alacran sata laq'unak taypinjam jikxataskchïta ukasa. Arunakapar janipun axsaramti, jupanakan mayja uñnaqapxatapatsa janirak mayjt'asimti, qawqha naya tuqi sayt'asir jaqinakäsipkpasa.

Mateo 10:28

Janchir jiwayirinakarux jan axsarapxamti, ukampis ajayurux janiw jiwayapkaspati; khititix ajayumpiru janchimpiru infiernor jaquntkaspa uka Diosar axsarapxam.

Juan 15:13

Khititix jila masip layku jakañap apt'aski ukakiw jach'a munasiñanïspaxa.

Hechos 20:24

Uk yatiskasinsa, janiw llakisiykituti. Nayatakix janiw jakañaxas kuna jach'äkisa, nayax kusisitaw tukuykam jalañ munta, kuna lurañtix Tatit Jesusax churkitu uk kusisiñamp phuqhañakiw wakt'itu, ukatsti Diosan munasiñapat suma yatiyäwi arunak jaqinakar qhanañchaña.

Hechos 4:13

Marka apnaqir jilïrinakasti, Pedrompir Juanampir jan axsaras parlir uñjasinxa, muspharapxiwa, jan kuna yatiñan jaqinakätap yatisa, ukatsti amuyapxarakïnwa chiqpachapuni Jesusamp chika sarnaqirïpxatapa.

Filipenses 1:28

uñisirinakamarus jan axsarasaraki. Jumanakatix wali ch'aman sayt'asipxätaxa, jupanakan chhaqhañar saraskatap uñjapxäta, jumanakasti qhispiyatäpxätawa, Diosan jumanakar atipt'ayatap layku.

Santiago 2:23

Ukhamaw qillqatax phuqhasïna: “Abrahamax Diosaruw iyawsäna, ukat Diosax askit katuqäna” sasa. Abrahamasti Diosan jilat masipa satarakïnwa.

1 Pedro 3:14

Ukampis chiqa luratanakamattix t'aqhisipxstaxa, ¡kusisiñanïpxtawa! Jan khitirus axsarapxamti, janirak sustjasipxamsa,

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.