Ukhamaw Tatitun utapan lurañatakix maykip jalanuqasipxäna, kunjämtix Israelan Tatit Diosapax Aarón chacha tuqi nayra awkinakapar siskatayna ukhamaru.
Lucas 1:8 - Qullan Arunaka DC Mä uruw Zacarías sacerdoten tamaparux Tatitun utapan incienso luqtañax wakt'äna, Aymar Bibliia 1986 Mä uruwa Zacarías casta sacerdotenacarojj incienso loktañajj wact'äna. Qullan Arunaca Mä uruwa Zacarías casta sacerdotenacarojj incienso loktañajj wact'äna. |
Ukhamaw Tatitun utapan lurañatakix maykip jalanuqasipxäna, kunjämtix Israelan Tatit Diosapax Aarón chacha tuqi nayra awkinakapar siskatayna ukhamaru.
Ukampis Nadab, Abihú jupanakax janïr awkipax jiwkän ukkhaw jiwxapxäna, janiw wawanakapax utjkänti, Eleazar, Itamar jupanakaw sacerdoten lurañanakap phuqhapxäna.
levitanakasti uywa awatiñ uraqinakapsa, yapunakapsa apanukuwayapxänwa Jerusalenaru sarxañataki, ukhamarak Judá uraqinkir yaqha chiqanakar sarxañataki, Jeroboam reyisa, jupa lanti utt'asir reyinakas Tatitur luqtañ luräwinakat jupanakar jark'apxatap layku.
Taqi markanakansti ajllit chachanakaw utjäna, Aarón chachat saraqir sacerdotenak taypin kunatix wakt'ki ukanak lakiñataki, ukhamarak qillqantatäpkäna uka levitanakaru, khitinakatix sacerdotenakan markanakapan uywa awatiñ uraqinakapan jakapkän ukanakar lakiñataki.
Ukatsti Ezequiasax sacerdotenakaru, levitanakarux maykip lurapxañapatakiw jalanuqäna, sapa maynis luräwiparjam nakt'ata luqtäwinak luqtapxañapataki, sumankthapiñ wilañchanak luqtapxañapataki, Tatitur yuspagaras yupaychapxañapataki, Tatitun uta punkunakap uñjapxañapataki.
Ukhamarakiw sapüru luräwinak utt'ayäna, kunjämatix David awkipax wakt'äwaykatayna ukhamarjama, ukhamat sacerdotenakax lurañanakap lurapxañapataki, levitanakas Tatitur yupaychapxañapataki, sacerdotenakaru kunatix sapür wakiski ukanakan yanapt'asa. Ukhamarakiw punku uñjirinakarux sapa punku uñjañapatak utt'ayäna, kamisatix Diosan luqtiripa Davidax wakt'äwaykatayna ukhamarjama.
Ukxarusti sacerdotenakampiru, yanapirinakapampirux lurañanakaparuw uchapxäna, kunjämtix Moisesax Jerusalenan Tatitur yupaychañataki yatichkatayna ukarjama.
“Nayax israelitanak taypit, Aarón jilamampiru, Nadab, Abihú, Eleazar, Itamar yuqanakapampiruw nayan sacerdotenakaxäñapatak ajllista. Ukhamasti jupanakax jumamp chikäñapawa.
“Uka isinakampiw Aarón jilamarusa, wawanakaparus isithapiyäta, ukatsti aceitempiw p'iqit warxatäta ukhamat jilïr kankañanïpxani, nayan sacerdotenakaxar tukuyas luqtarakïta.
Diosax Moisesar sacerdotenakar luqtañxat parlaskakïnwa. Jupasti sänwa: “Nayar luqtirinak sacerdote kankañ katuqayañatakix akham luräta: Mä vaca qallu katüta, pä k'umar urqu ovejanakampi.
Jikisiñ Carpampi, altaramp nayatakiw yaqhachä, Aaronampiru, wawanakapampirus nayan luqtirixatakiw yaqhachä.
Aaronarusa, wawanakaparusa, wak'anakap sum chint'äta, p'iqir uchasiñ turbante satsa sum ucharakïta. Ukhamat jilïr kankañ jupanakar churäta, jupanakaruw sacerdote kankañax wiñayatak wakt'ani.
“Uka aceitempiw Aaronampiru, wawanakapampirux warxatarakïta, nayan sacerdotenakaxar tukuñapataki.
ukampis jumampi, wawanakamampikiw sacerdote luräwinak phuqhapxäta, altarana, velo qhipäxansa. Uka lurañasti jumanakaruw wakt'apxtam, nayaw jumanakar sacerdote luräwinak churapxsma. Maynitix jan sacerdotëkasin sacerdoten luräwip luranixa, jiwañapatak juchañchatäniwa” sasa.
Kunapachatix Herodesax Judea uraqin reyïkän ukkhasti, mä sacerdotew utjäna, Zacarías sata, jupasti Abías sacerdoten tamapankirïnwa. Warmipasti Isabel satänwa, jupasti Aarón sacerdoten wila masipat jutirïnwa.
Jupanakax janiw wawanïpkänti, Isabelan jan wawachasir warmïtap layku, ukhamarus jupanakax wali chuymanïxapxänwa.