Números 18:7 - Qullan Arunaka DC

⁷ ukampis jumampi, wawanakamampikiw sacerdote luräwinak phuqhapxäta, altarana, velo qhipäxansa. Uka lurañasti jumanakaruw wakt'apxtam, nayaw jumanakar sacerdote luräwinak churapxsma. Maynitix jan sacerdotëkasin sacerdoten luräwip luranixa, jiwañapatak juchañchatäniwa” sasa.

Aymar Bibliia 1986

⁷ Ucampisa, jumampi wawanacamampiquiw sacerdoten luräwinacapjja, altarana velo khepäjjansa lurapjjäta. Aca lurañasti jumanacaruw wact'apjjtam, nayaraquiw uca sacerdote luräwinac churapjjäma. Ucampisa cawquïritejj sacerdotet sarnakani jan cunäcasa, ucasti juchañchasin jiwayatäniwa.”

Qullan Arunaca

⁷ Ucampisa, jumampi wawanacamampiquiw sacerdoten luräwinacapjja, altarana velo khepäjjansa lurapjjäta. Aca lurañasti jumanacaruw wact'apjjtam, nayaraquiw uca sacerdote luräwinac churapjjäma. Ucampisa cawquïritejj sacerdotet sarnakani jan cunäcasa, ucasti juchañchasin jiwayatäniwa.”

Números 18:7 Jak'a apnaqawi uñst'ayäwi

Salmos 115:10

Sacerdotenaka, ¡Tatitur iyawsapxam! Jupaw yanapistu, arxatarakistu.

Éxodo 28:1

“Nayax israelitanak taypit, Aarón jilamampiru, Nadab, Abihú, Eleazar, Itamar yuqanakapampiruw nayan sacerdotenakaxäñapatak ajllista. Ukhamasti jupanakax jumamp chikäñapawa.

Éxodo 29:9

Aaronarusa, wawanakaparusa, wak'anakap sum chint'äta, p'iqir uchasiñ turbante satsa sum ucharakïta. Ukhamat jilïr kankañ jupanakar churäta, jupanakaruw sacerdote kankañax wiñayatak wakt'ani.

Ezequiel 44:15

“Sadoc sata jaqin wawanakapäki uka levita sacerdotenaka, israelita jaqinakax nayan thakhixat maysar saranukupkän ukapacha utaxan luqtasipkakïna ukanakasti, jupanakax nayar luqtañataki jak'achasinisipkaniwa, ukhamat lik'inakampi, wilanakampi wilañcha nayar luqtapxañapataki. Naya, Tatituw uk arsta.

Ezequiel 44:16

Jupanakakiw nayan utaxar mantapxani, altaraxar jak'achasisasti nayaruw luqtapxarakitani.

Ezequiel 44:8

Janirakiw uka qullan luräwinakaxsa phuqhapktati, jan ukasti, yaqha markankir jucharar jaqinakaruw ukanak lurapxañapatak katuyapxtaxa.’

Levítico 16:2

Ukat Tatitux Moisesar säna: Aarón jilamarux akham sas yatiyam, jan kuna pachas mantkpati kawkïr qullan chiqatix velo qhipäxan utjki uka chiqaruxa, janirak arcar qhupxatatäki uka nayraqatarus mantkpati, ukhamat jan jiwañapataki; nayasti mä qinay taypin uka juchat pampachayasiñäki uka qhuphiñ patxan uñstarakï.

Levítico 7:35

Kuna waxt'anakatix Tatitutaki nakt'ayatäki ukanakax Aaronampiru wawanakapampiruw wakt'i, kunürutix Tatitux jupanakar sacerdotëpxañapatak utt'ayaski uka uruta.

Números 1:51

Markax sarantkani ukapachasti, Leví ayllunkirinakaw arust'äwi qullan carpa apthapipxani; utjnuqtapkani ukkhasti, jupanakarakiw wasitat sayt'ayapxani. Khiti jaqitix jan Leví ayllunkirïkasin uka qullan chiqawjar jak'achasini ukaxa, jiwaniwa.

Números 16:40

40 (5) Ukasti israelitanakan amtasiñapatakïnwa, uka qhipat Aarón sacerdoten saraqirinakapat jan khiti jaqis altarar incienso luqtir jak'achasiskañapataki; kamisatix Coré chachampi, masinakapampix jiwarapki ukham jan jiwarasipkañapataki. Ukhamaw taqi ukanakax phuqhasïna, kunjämtix Tatitux Moisés tuqi Eleazarar siskatayna ukhamarjama.

Números 18:20

Tatitusti Aaronarux sänwa: “Janiw jumanxa Israel jaqinak taypin uraqimasa, tuti katuqäwimas utjkaniti. Nayaw Israel markan juman uraqimäyäxa, tutimäyäsa.

Números 18:3

Jupanakax juman yanapirinakamäniwa, carpan kuna lurañatix utjki ukanakansa yanapasirakiniwa, ukampis Tatitump Jikisiñ Carpan yänakapampiru, altarampirux jan jak'achasipxpati; jan ukasti, jupanakax jiwapxaniwa, jumanakas jiwapxarakïtawa.

Números 3:38

Moisesampi, Aaronampi, wawanakapampix, Tatitump Jikisiñ Carpa nayräxaparu, inti jalsu tuqiruw utjnuqtapxäna. Jupanakaw israelitanakan sutipar qullan utjäwi uñjapxäna. Mayni jaqitix jan sacerdotëkasin, sacerdoten lurañap lurkän ukapachaxa, jiwayatäñatak juchañchatänwa.

Mateo 10:8

Usutanakar k'umaraptayapxam, jiwatanakar jaktayapxam, lepra usuninakar q'umachapxam, ñanqha ajayunakarus alissupxarakim. Ukanak lurañatakisti, inakiw ch'am katuqapxtaxa, inakirak churanipxam.

Juan 3:27

Juanasti jupanakar sänwa: —Janiw khitis kunsa katuqkaspati janitix Diosax churkaspa ukaxa.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Deuteronomio 18:2

Janiw levitanakax israelit jilanakap taypin uraqinak katuqapkaniti, pachpa Diosaw jupanakan katuqäwipaxa, kamisatix jupax arsuwayki ukhamarjama.

Hebreos 5:4

Janiw khitis jupapachpatak Jilïr sacerdotëkaspati, jan ukasti Diosaw jupar jawsasax jach'ar apti, kamisatix Aaronar jach'ar aptkän ukhama.

Josué 18:7

Levitanakarux janiw kuna uraqis wakt'kaniti, jupanakarux Tatit nayraqatan sacerdote luräwinaka phuqhañaw wakt'i. Ukatsipana, Gad, Rubén ayllunkirinaka, ukhamarak Manasés ayllunkirinakan chikat jaqipax, Jordán jawirat inti jalsu tuqiruw uraqinak katuqxapxi, uka uraqinaksti Tatitun luqtiripa Moisesaw jupanakarux churxi” sasa.

1 Pedro 5:2

Diosan arkirinakaparux sum uñjapxam, jupanakasti jumanakar katuyatawa. Kunjämtix Diosax munki ukhamarjam taqi munasiñamp lurapxam, janiw ukham luram satakisa, qullqi munañ laykukisa, jan ukasti, taqi chuymapun lurapxam.

1 Pedro 5:3

Jumanakax jupanakxarux janiw kuna munañanïpktasa, jan ukasti jupanakarux mä sum uñacht'ayas sarnaqapxam.

1 Samuel 2:28

Israel markan taqi ayllunakap taypitsti, nayan sacerdotenakäpxañamatakiw ajllisipxsma, altaraxan wilañcha luqtapxañamataki, incienso nakt'ayapxañamataki, ukhamarak sacerdote isimp isthapt'at nayraqataxankapxañamataki. Ukhamarus nayra awkinakamarux israelitanakax nakt'at luqtäwi Tatituru churki taqi uka waxt'äwinakat manq'apxañapatakix churarakta.