Números 18:8 - Qullan Arunaka DC

⁸ Tatitusti Aaronarux sänwa: “Nayar luqtat waxt'anak uñjañamatakiw katuysma. Israelitanakax qullan waxt'anak churapkitu ukanaksti, jumampiru, wawanakamampiruw churapxsma, wakt'apktam ukhamarjama; ukasti wiñayatak arsut kamachïniwa.

Aymar Bibliia 1986

⁸ Tatitu Diosasti Aaronarojj sänwa: “Nayaw jumar utt'aysma ofrendanac churapquitu ucanac uñjañamataqui. Take cawquïri k'oma ofrendanactejj israelitanacajj churapquitu ucanacsti, jumampiru, wawanacamampiruw churta, acasti wiñayatac uchat leyiraquïniwa.

Qullan Arunaca

⁸ Tatitu Diosasti Aaronarojj sänwa: “Nayaw jumar utt'aysma ofrendanac churapquitu ucanac uñjañamataqui. Take cawquïri k'oma ofrendanactejj israelitanacajj churapquitu ucanacsti, jumampiru, wawanacamampiruw churta, acasti wiñayatac uchat leyiraquïniwa.

Números 18:8 Jak'a apnaqawi uñst'ayäwi

2 Reyes 12:16

16 (17) Ukhamasti, jaqinakax juchanak luratat pampachatäñatak churapkän uka qullqxa, janiw Tatitun utapar apatäkänti, uka qullqinakax sacerdotenakatakïnwa.

2 Crónicas 31:4

Jerusalenan jakirinakarusti sarakïnwa: Kuna churañanakatix jumanakar wakt'apktam ukanakxa, sacerdotenakaru, levitanakaru churapxam, jupanakan jakasiñapataki, ukhamat taqi chuymampi Tatitutak irnaqapxañapataki, Tatitun kamachip phuqhasa, sasa.

2 Crónicas 31:5

Ukatsti kunapachatix reyin arunakapax taqinir yatiyatäxän ukkhaxa, israelitanakax taqi munasiñampiw sumäki uka achunakapat churapxäna: trigo, vino, aceite, misk'i, ukhamaraki pampan utjir kunayman achunakapata. Jupanakax taqi achunakapat sapa tunkat mayäki ukanak apapxarakïna, ukanakasti waljapuniw apthaptäna.

Éxodo 28:43

Uka calzoncillo ucht'ataw Aaronampi, wawanakapampix Tatitump Jikisiñ Carpar mantapxani, jan ukax qullan chiqawjan sacerdote lurañanakap phuqhir altarar jak'achasipkani ukapachasa, ukhamat kuna juchsa jan lurapkaniti, janirakiw jiwapkanisa. Aka kamachix wiñayatak utt'ayatawa, Aaronampitaki, wawanakapan wawanakapampitaki.

Éxodo 29:21

Ukxarusti altar patxan jilt'ir wilampita, luqtañ aceitempit mä juk'a aptasin Aaronampiru, jupan isipampiru, wawanakapampiru, wawanakapan isinakapampiruw ch'allakipäta. Ukhamat Aaronampi, wawanakapampi, isinakapampix Diosar luqtatäxani.

Éxodo 29:28

Ukasti Aaronampitaki, wawanakapampitakïniwa. Aka luräwisti israelitanakatak wiñayatak arsut kamachïniwa, uka waxt'ax israelitanakan Tatitump sumankañatak luqtat wilañchäniwa.

Éxodo 29:29

“Aaronan luqtat isinakapxa, wawanakapaw katuqani, jupanakax Tatitur luqtatäpkani, ukhamarak sacerdotëñatak jilïr kankañ katuqapkani ukapacha.

Éxodo 40:13

Aaronasti sacerdote isimpi uchaspan. Ukatsti aceitempiw jupar warxatäta, ukhamat nayan luqtirixatak yaqhachäta.

Éxodo 40:15

ukatsti aceitempiw jupanakar warxatarakïta, kunjämtix Aarón awkipar warxatktas ukhama, ukat nayan sacerdotexar tukupxani. Aceitempi jupanakxar warxatatasti, wawanakapan wawanakapatak wiñayatak sacerdotëpxañapatakiwa.”

Isaías 10:27

Naya, Israelan Diosapasti asirionakat qhispiyapxäma, uka jach'a t'aqhisiñanakam apaqapxarakïma.”

Levítico 21:10

“Sacerdotenakan jilïripasti, taqi sacerdotenakat sipansa wali askipuniwa, kunapachatix nayar luqtañatak yaqhachatäkän ukkhaxa, sacerdoten isip katuqäna, p'iqipxarus luqtañ aceitempi warxatatarakïnwa. Ukatpï uka sacerdotex janipun ñik'utap t'isatatatax sarnaqañapäkitixa, isipsa janirakiw mä llakisiñ uñacht'ayañ laykux ch'iyanuqasiñapäkitixa;

Levítico 23:20

Sacerdotew uka uywanak mä suma q'apkir waxt'äkaspas ukham Tatit nayraqatan luqtani, t'ant'ampi, pä oveja apanipkäta ukanakamp chika. Ukanakax Tatitur luqtatäniwa, ukasti sacerdotetakïxarakiniwa.

Levítico 6:16

16 (9) Uka waxt'ata jilt'irsti Aaronampi, sacerdote wawanakapampix jan levaduran manq'apxani, Tatitur katuyata chiqana, Diosampi Jikisiñ Carpa anqäxana.

Levítico 6:18

18 (11) Akat qhiparusti, Aaronan sacerdote yuqanakapax kunatix Tatitur luqtasin nakt'ayatäki uka waxt'anakat manq'apxarakini. Uka waxt'ampi jikthaptir yänakasti, qullanaptayatäniwa”.

Levítico 6:20

20 (13) “Aaronampi sacerdote yuqanakapampixa, kunapachatix jupanakax sacerdotet Tatitur katuyatäxapxani ukapachasti aka waxt'anak Tatitur luqtapxañapa: Pä kilo suma jak'u, ukasti granonakat sapa uru waxt'a luqtatäkaspas ukhama, chikatxa qhantatiw luqtxani, chikatsti jayp'u tuqirurakiw luqtxani, jan mä urus armasisa.

Levítico 6:26

26 (19) Jucha luratat uka wilañcha luqtasinxa, sacerdotex uka pachpat manq'arakini, ukampis kawkhatix qullana chiqäki ukkhan manq'añapa, Tatitump Jikisiñ Carpa anqäxana.

Levítico 7:14

Taqi uka luqtäwinakatsti mä qawqha apaqt'apxäta, ukat Tatituruw mä luqtäwïkaspas ukham uñstayapxarakïta, ukasti sumankthapiñatak wilañchan wilap ch'allir sacerdotetakïniwa.

Levítico 7:28

Tatitusti Moisesaruw parläna, akham sasa:

Levítico 7:6

uka wilañcha luqtäwitsti taqi sacerdotenakaw manq'apxani, uka wilañchan qullanätapatxa, kawkhatix qullana chiqäki ukkhan manq'apxani.

Levítico 8:30

Ukatsti Moisesax jank'akiw kuna aceitetix Tatitur luqtasiñatak uskutäkän uk aptäna, kuna wilatix altar patxankkäna ukampi, ukatsti ukanakampiw Aaronaru, ukhamarak yuqanakaparux ch'allt'äna, uka kipkaraki jupanakan sacerdote isinakapxarusa. Aaronaru, wawanakaparu, uka kipkarak sacerdote isinakaparus ukham Tatitur luqtxäna.

Números 18:9

Nakt'at wilañchanakatxa, grano juyra waxt'anakaw jumar wakt'ätam, ukhamarak jucha luratat israelitanakax luqtapkitu uka wilañchanakampi; taqi uka qullan waxt'anakax jumampitaki, wawanakamampitakïniwa.

Números 5:9

“Taqi churäwinakampi, waxt'anakampi, kawkïrinaktix israelitanakax Tatitur luqtapkani, ukatsti sacerdoten ukar apapkani taqi ukanakax, sacerdotetakïniwa.

1 Corintios 9:13

Jumanakax yatipxtawa, khitinakatix Tatitun utapan irnaqapki ukanakaxa, Tatitun utapat jakapxi. Ukampix sañ munta, khitinakatix altaran wilañchanak luqtapki jupanakax luqtat uywanakan aychap manq'apxi.

Deuteronomio 12:11

ukapachaw jumanakax kawkha chiqarutix Tatit Diosamax sutipan utjasiñapatak ajlliskani, uka chiqan taqi kunanaktix sapksma ukanak luqtapxäta: jupar yupaychañatak nakt'at uywa wilañchanak luqtasa, sapa tunkat maya churäwinak luqtasa, taqi kuntix sum ajllisin Tatit Diosamar churañ arsupkta ukanak luqtasa.

Deuteronomio 12:6

Uka chiqan jumanakax uywa wilañchanak jupar yupaychañatak luqtapxäta, sapa tunkat maya churäwinak jupatak aparapipxäta, churäwinakam Diosar churasa, arsut phuqhañ luqtanaka, chuymamatjam luqta katuyañanaka, ukhamarak vacanakamana, ovejanakaman nayrïr qallunakap churañanaka.

Deuteronomio 18:1

Moisesasti saskakïnwa: “Leví ayllunkir levita sacerdotenakaxa, janiw maynïr israelit jaqinakjam kuna uraqinïpkanisa. Jupanakasti Tatitur luqtatäkis uka waxt'anakat manq'asipxani.

Deuteronomio 26:13

Ukapachaw jumax Tatit Diosamar säta: ‘Tatay, jumatak yaqhachat achunakaxat apaqxta, ukatsti levitanakarux churxtwa, yaqha markat jutir jaqinakaru, wajchanakaru, ijmanakarus churxaraktwa. Taqi iwxanakamar phuqhasa, kamachi arunakamarjam jan kun armasisa.

Hebreos 1:9

Aski kankañarux munastawa, ñanqharusti uñistawa; ukat Diosamax jumar ajllistam, masinakam taypin kusisiñampiw phuqhanttam.”

1 Juan 2:20

Cristo Tatitux Qullan Ajayu churasaw jumanakarux yaqhachapxtam, uksti taqi jumanakaw yatipxta.

1 Juan 2:27

Ukampis jumanakan Qullan Ajayuw utjapxtam, Jesucristox ukampiw jumanakar luqtapxtam, janiw jumanakar khitin yatichañapas munaskxiti, kawkïr Ajaytix jupax churapktam ukaw jumanakarux taqi kun yatichapxtam, yatichäwinakapasti chiqapawa, janiw k'arïkiti. Ukhamay Tatit Jesucristompix mayak jakapxam, kunjämtix Qullan Ajayux yatichapktam ukhamarjama.