Lucas 1:9 - Qullan Arunaka DC

⁹ Sacerdotenakan luräwinakaparjamasti, Zacariasaruw wakt'äna Tatitun utapan qullan chiqar mantasin incienso luqtañapaxa.

Aymar Bibliia 1986

⁹ Sacerdotenacan luräwinacaparjamasti, Zacariasaruw suertet wact'äna Tatitun utapan santuarior mantasin incienso loktañapajja.

Qullan Arunaca

⁹ Sacerdotenacan luräwinacaparjamasti, Zacariasaruw suertet wact'äna Tatitun utapan santuarior mantasin incienso loktañapajja.

Lucas 1:9 Jak'a apnaqawi uñst'ayäwi

1 Crónicas 23:13

Amram chachan wawanakapa: Aarón, Moisés. Aarón chachax Tatitun ajllitänwa, qullan waxt'äwinak luqtañapataki, Dios nayraqatan incienso nakt'ayañataki, luqtañataki, ukatsti aski arunak arsuñapataki, uka lurañanaksti Aaronampi, wawanakapampix wiñayatakiw lurapxañapäna.

1 Crónicas 6:49

49 (34) Aarón chachampi, jupat saraqir wawanakampiw wilañcha luqtañ altarxarux waxt'äwinak nakt'ayapxirïna, ukhamaraki incienso luqtañ altärxaru. Jupanakarakiw Qullanan Qullanap chiqawjan uka luräwinak phuqhapxirïna, Israel markatak juchanakat pampachäwi mayisa, kunjämtix Diosan Moisés luqtiripax siskän ukhamarjama.

2 Crónicas 26:16

Ukampis kunapachatix marka apnaqäwipan wali ch'amanïxäna ukkhaxa, jach'a jach'aw tukxäna, ukaw jupar aynacht'ayäna. Jupasti Tatit Diosaparux janiw sum arkkxänti, jach'a jach'a tukuñapampiw Tatitun utaparux altaran incienso nakt'ayañatak mantäna.

2 Crónicas 29:11

Jichhasti wawanakaxay, jan jayrasipxamti, Tatituw jumanakarux ajllisipxtam, jupan arsutanakapar phuqhapxañamataki, nayraqatapan irnaqapxañamataki, jupar incienso luqtapxañamataki” sasa.

Números 16:40

40 (5) Ukasti israelitanakan amtasiñapatakïnwa, uka qhipat Aarón sacerdoten saraqirinakapat jan khiti jaqis altarar incienso luqtir jak'achasiskañapataki; kamisatix Coré chachampi, masinakapampix jiwarapki ukham jan jiwarasipkañapataki. Ukhamaw taqi ukanakax phuqhasïna, kunjämtix Tatitux Moisés tuqi Eleazarar siskatayna ukhamarjama.

Mateo 27:5

Judasasti qullqinak Tatitun utapar willintawayasaw sarawayxäna, ukatsti jupa pachpaw jaychkatasïna.

Hebreos 9:6

Ukhamaw taqi kunas wakicht'atäna, sacerdotenakax Qullan chiqarux sapa kutiw Diosar yupaychirix mantapxäna.

1 Samuel 2:28

Israel markan taqi ayllunakap taypitsti, nayan sacerdotenakäpxañamatakiw ajllisipxsma, altaraxan wilañcha luqtapxañamataki, incienso nakt'ayapxañamataki, ukhamarak sacerdote isimp isthapt'at nayraqataxankapxañamataki. Ukhamarus nayra awkinakamarux israelitanakax nakt'at luqtäwi Tatituru churki taqi uka waxt'äwinakat manq'apxañapatakix churarakta.