Lucas 1:8 - Qullan Arunaka DC

⁸ Mä uruw Zacarías sacerdoten tamaparux Tatitun utapan incienso luqtañax wakt'äna,

Aymar Bibliia 1986

⁸ Mä uruwa Zacarías casta sacerdotenacarojj incienso loktañajj wact'äna.

Qullan Arunaca

⁸ Mä uruwa Zacarías casta sacerdotenacarojj incienso loktañajj wact'äna.

Lucas 1:8 Jak'a apnaqawi uñst'ayäwi

1 Crónicas 24:19

Ukhamaw Tatitun utapan lurañatakix maykip jalanuqasipxäna, kunjämtix Israelan Tatit Diosapax Aarón chacha tuqi nayra awkinakapar siskatayna ukhamaru.

1 Crónicas 24:2

Ukampis Nadab, Abihú jupanakax janïr awkipax jiwkän ukkhaw jiwxapxäna, janiw wawanakapax utjkänti, Eleazar, Itamar jupanakaw sacerdoten lurañanakap phuqhapxäna.

2 Crónicas 11:14

levitanakasti uywa awatiñ uraqinakapsa, yapunakapsa apanukuwayapxänwa Jerusalenaru sarxañataki, ukhamarak Judá uraqinkir yaqha chiqanakar sarxañataki, Jeroboam reyisa, jupa lanti utt'asir reyinakas Tatitur luqtañ luräwinakat jupanakar jark'apxatap layku.

2 Crónicas 31:19

Taqi markanakansti ajllit chachanakaw utjäna, Aarón chachat saraqir sacerdotenak taypin kunatix wakt'ki ukanak lakiñataki, ukhamarak qillqantatäpkäna uka levitanakaru, khitinakatix sacerdotenakan markanakapan uywa awatiñ uraqinakapan jakapkän ukanakar lakiñataki.

2 Crónicas 31:2

Ukatsti Ezequiasax sacerdotenakaru, levitanakarux maykip lurapxañapatakiw jalanuqäna, sapa maynis luräwiparjam nakt'ata luqtäwinak luqtapxañapataki, sumankthapiñ wilañchanak luqtapxañapataki, Tatitur yuspagaras yupaychapxañapataki, Tatitun uta punkunakap uñjapxañapataki.

2 Crónicas 8:14

Ukhamarakiw sapüru luräwinak utt'ayäna, kunjämatix David awkipax wakt'äwaykatayna ukhamarjama, ukhamat sacerdotenakax lurañanakap lurapxañapataki, levitanakas Tatitur yupaychapxañapataki, sacerdotenakaru kunatix sapür wakiski ukanakan yanapt'asa. Ukhamarakiw punku uñjirinakarux sapa punku uñjañapatak utt'ayäna, kamisatix Diosan luqtiripa Davidax wakt'äwaykatayna ukhamarjama.

Esdras 6:18

Ukxarusti sacerdotenakampiru, yanapirinakapampirux lurañanakaparuw uchapxäna, kunjämtix Moisesax Jerusalenan Tatitur yupaychañataki yatichkatayna ukarjama.

Éxodo 28:1

“Nayax israelitanak taypit, Aarón jilamampiru, Nadab, Abihú, Eleazar, Itamar yuqanakapampiruw nayan sacerdotenakaxäñapatak ajllista. Ukhamasti jupanakax jumamp chikäñapawa.

Éxodo 28:41

“Uka isinakampiw Aarón jilamarusa, wawanakaparus isithapiyäta, ukatsti aceitempiw p'iqit warxatäta ukhamat jilïr kankañanïpxani, nayan sacerdotenakaxar tukuyas luqtarakïta.

Éxodo 29:1

Diosax Moisesar sacerdotenakar luqtañxat parlaskakïnwa. Jupasti sänwa: “Nayar luqtirinak sacerdote kankañ katuqayañatakix akham luräta: Mä vaca qallu katüta, pä k'umar urqu ovejanakampi.

Éxodo 29:44

Jikisiñ Carpampi, altaramp nayatakiw yaqhachä, Aaronampiru, wawanakapampirus nayan luqtirixatakiw yaqhachä.

Éxodo 29:9

Aaronarusa, wawanakaparusa, wak'anakap sum chint'äta, p'iqir uchasiñ turbante satsa sum ucharakïta. Ukhamat jilïr kankañ jupanakar churäta, jupanakaruw sacerdote kankañax wiñayatak wakt'ani.

Éxodo 30:30

“Uka aceitempiw Aaronampiru, wawanakapampirux warxatarakïta, nayan sacerdotenakaxar tukuñapataki.

Números 18:7

ukampis jumampi, wawanakamampikiw sacerdote luräwinak phuqhapxäta, altarana, velo qhipäxansa. Uka lurañasti jumanakaruw wakt'apxtam, nayaw jumanakar sacerdote luräwinak churapxsma. Maynitix jan sacerdotëkasin sacerdoten luräwip luranixa, jiwañapatak juchañchatäniwa” sasa.

Lucas 1:5

Kunapachatix Herodesax Judea uraqin reyïkän ukkhasti, mä sacerdotew utjäna, Zacarías sata, jupasti Abías sacerdoten tamapankirïnwa. Warmipasti Isabel satänwa, jupasti Aarón sacerdoten wila masipat jutirïnwa.

Lucas 1:7

Jupanakax janiw wawanïpkänti, Isabelan jan wawachasir warmïtap layku, ukhamarus jupanakax wali chuymanïxapxänwa.