Lucas 1:7 - Qullan Arunaka DC

⁷ Jupanakax janiw wawanïpkänti, Isabelan jan wawachasir warmïtap layku, ukhamarus jupanakax wali chuymanïxapxänwa.

Aymar Bibliia 1986

⁷ Janiraquiw wawanïpcänti, Elisabetasti janiw wawachasirïcänti. Uqhamarus jupanacajj wali chuymanëjjapjjänwa.

Qullan Arunaca

⁷ Janiraquiw wawanïpcänti, Elisabetasti janiw wawachasirïcänti. Uqhamarus jupanacajj wali chuymanëjjapjjänwa.

Lucas 1:7 Jak'a apnaqawi uñst'ayäwi

Génesis 17:17

Ukatsti Abraham chachax uraqir p'iqip puriyañkamaw alt'asïna, ukatsti akham sasaw larusïna: “¿Patak maran jaqisti wawanirakïspati? ¿Sarasti llätunk tunka maranirusti wawanirakïspati?” sasa.

Génesis 18:11

Abrahamampi, Sara warmipampisti wali chuymanïxapxänwa, ukhamarus Saran phaxsi wilapas chhaqtatäxänwa.

Génesis 25:21

Rebecasti janiw wawanïrjamäkänti, ukat Isaacax Tatitur jupataki mayïna. Diosasti Isaacan mayisitap ist'äna, ukatsti Rebecax usur jaqiptänwa.

Génesis 30:1

Raquelasti Jacobutak jan wawanïrjam amuyasisinsti, Lía kullakapampiw uñkatasïna, ukat chachaparux sarakïna: —Janitix wawaniptaykitäta ukkhaxa, jiwañaruw purï —sasa.

1 Reyes 1:1

David reyix ch'ama qarit awkïxänwa. Walja isinakampi janxatapkchïn ukasa janiw janchipax junt'uptkänti.

2 Reyes 4:14

Eliseosti uywataparux sänwa: —Ukhamasti, ¿kunarak jupatak lursnasti? —sasa. Guehazí uywatapasti sänwa: —Janiw siristti. Jupax janiw wawanïkiti, chachapasti awkïxarakiwa —sasa.

Lucas 1:5

Kunapachatix Herodesax Judea uraqin reyïkän ukkhasti, mä sacerdotew utjäna, Zacarías sata, jupasti Abías sacerdoten tamapankirïnwa. Warmipasti Isabel satänwa, jupasti Aarón sacerdoten wila masipat jutirïnwa.

Lucas 1:6

Jupanakax Diosan nayraqatapan aski jaqïpxänwa, Tatitun arsutaparjama, kamachiparjam phuqhasaw jan khitinsa juchañchat sarnaqapxäna.

Lucas 1:8

Mä uruw Zacarías sacerdoten tamaparux Tatitun utapan incienso luqtañax wakt'äna,

Romanos 4:19

Abrahamax janiw iyawsañap chhaqtayaskänti, niya patak maranïkchïn ukasa, jupasa, Sara warmipas janchin sinti aynacht'atäpkchïna, wawanïñatakis sinti chuymanïpkchïn ukasa.

Hebreos 11:11

Sara warmix iyawsäwi laykuw jan wawachasirïkasina, Abrahamas wali chuymanïkasin wawanïñatak ch'am katuqäna; wawachasiñapatak Diosax arskatayna ukan arupar iyawsatap layku.

1 Samuel 1:2

Elcaná chachax pä warminïnwa. Maynix Ana sutini, maynisti Peniná sutini. Peninax wawanakanïnwa, Anasti janiw wawanïkänti.