Éxodo 29:9 - Qullan Arunaka DC

⁹ Aaronarusa, wawanakaparusa, wak'anakap sum chint'äta, p'iqir uchasiñ turbante satsa sum ucharakïta. Ukhamat jilïr kankañ jupanakar churäta, jupanakaruw sacerdote kankañax wiñayatak wakt'ani.

Aymar Bibliia 1986

⁹ Aaronampiru, wawanacapampirusti cinturonampiw isinacap suma chinthapis catuyäta, uqhamarac turbante satsa sumarac ucharaquïta. Ucatsti churaraquïtawa jilïr cancaña, uqhamata jupanacajj wiñayatac sacerdotenacajjäpjjañapataqui.

Qullan Arunaca

⁹ Aaronampiru, wawanacapampirusti cinturonampiw isinacap suma chinthapis catuyäta, uqhamarac turbante satsa sumarac ucharaquïta. Ucatsti churaraquïtawa jilïr cancaña, uqhamata jupanacajj wiñayatac sacerdotenacajjäpjjañapataqui.

Éxodo 29:9 Jak'a apnaqawi uñst'ayäwi

Éxodo 27:21

Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Éxodo 28:1

“Nayax israelitanak taypit, Aarón jilamampiru, Nadab, Abihú, Eleazar, Itamar yuqanakapampiruw nayan sacerdotenakaxäñapatak ajllista. Ukhamasti jupanakax jumamp chikäñapawa.

Éxodo 32:29

Ukat Moisesax sarakïna: —Jichhüruw jumanakax Tatit nayraqatan jilïrïñ katuqapxtaxa; mayninakax wawanakamaru, yaqhipanakax jilanakamar jan jaysapxatam layku. Ukat Tatitux jichhürun jumanakar aski waxt'äwinakamp phuqt'apxtam —sasa.

Éxodo 40:15

ukatsti aceitempiw jupanakar warxatarakïta, kunjämtix Aarón awkipar warxatktas ukhama, ukat nayan sacerdotexar tukupxani. Aceitempi jupanakxar warxatatasti, wawanakapan wawanakapatak wiñayatak sacerdotëpxañapatakiwa.”

Levítico 8:1

Tatitux Moisesaruw parläna, akham sasa:

Levítico 8:13

Ukhamarakiw Aaronan wawanakaparus jak'achasinipxañapatak mayïna, ukatsti sacerdote isimpiw taqpachanir isintayäna, wak'anakampi wak't'ayasa, ch'uqasiñanakampi p'iqinakapar ch'uqt'asa, kunjämtix Tatitux Moisesar siskatayna ukhamarjama.

Levítico 8:33

ukhamarus Tatitump Jikisiñ Carpat janipuniw sarapxätati paqallqu uru phuqhasiñapkama, uka paqallqu urun jumanakan Tatitur luqtasipxatamax phuqhasirakini.

Números 16:10

Tatitux jupa jak'ankapxañamatakiw jumanakar ajllisipxtam. Jichhasti, ¿kunatarak sacerdotëñ munapxaraktasti?

Números 16:35

Ukxarusti, Tatitux mä nina apayanïna, uka ninasti incienso luqtapkatayna uka pä patak phisqa tunkan levita jaqinakaruw nakhantas jiwarayäna.

Números 16:40

40 (5) Ukasti israelitanakan amtasiñapatakïnwa, uka qhipat Aarón sacerdoten saraqirinakapat jan khiti jaqis altarar incienso luqtir jak'achasiskañapataki; kamisatix Coré chachampi, masinakapampix jiwarapki ukham jan jiwarasipkañapataki. Ukhamaw taqi ukanakax phuqhasïna, kunjämtix Tatitux Moisés tuqi Eleazarar siskatayna ukhamarjama.

Números 18:7

ukampis jumampi, wawanakamampikiw sacerdote luräwinak phuqhapxäta, altarana, velo qhipäxansa. Uka lurañasti jumanakaruw wakt'apxtam, nayaw jumanakar sacerdote luräwinak churapxsma. Maynitix jan sacerdotëkasin sacerdoten luräwip luranixa, jiwañapatak juchañchatäniwa” sasa.

Números 25:13

ukat jupampiru, wawanakapampirux sacerdote luräwi wiñayatak katuyta, nayan aytat kankañax waqaychatap layku, ukhamarak israelitanakatak jucha luratat pampachäwi jikxatatap layku —sasa.

Deuteronomio 18:5

Tatit Diosamaw taqpach ayllunak taypit jupanakar ajllisi, awkinakapat wawanakapkama, Tatitun sutipar wiñay luqtapxañapataki.

Hebreos 5:10

ukatsti Diosaw Jilïr sacerdotet utt'ayi, Melquisedec sacerdotjama.

Jueces 17:5

Micaías chachan utapansti mä chiqaw utjäna yupaychañataki. Jupax efod sat isi lurasïna, ukhamaraki utapankirinakan yaqha diosanakapa, ukatsti maynïr yuqaparuw sacerdotet utt'ayäna.

1 Samuel 2:30

Uka layku, Israelan Tatitu Diosapax sänwa, jumampi utamankirinakamampix wiñayataki jupar luqtapxañama, ukampis jichhax akham sarakiwa: “Janipuniw ukhamäkaniti, jan ukasti, khitinakatix nayar yäqapkitani ukanakarux yäqäwa, nayar jisk'achapkitani ukanakarusti mä p'inqa uñjarakï. Naya, Tatituw uk arsta.