ukatsti ukawjan Tatitutakix mä altar luräna, ukatsti nakt'äwinaka, sumankañ wilañchanak luqtäna. Ukat ukspachaw Tatitur art'äna, Tatitusti alaxpachatpach altärxarux nina apayanïna.
Levítico 3:1 - Qullan Arunaka DC “Khititix uywanakapata mä qachu vaca jan ukax mä urqu vacsa Tatitumpi sumankthapiñatak luqtkani ukax jan kuna kamacht'at uywäñapawa. Aymar Bibliia 1986 “Qhititejj uywanacapata mä kachu vaca jan ucajj mä orko vacsa Tatituru sumancthapiñatac loktcani ucasti suma c'umara uywäñapawa. Qullan Arunaca “Qhititejj uywanacapata mä kachu vaca jan ucajj mä orko vacsa Tatituru sumancthapiñatac loktcani ucasti suma c'umara uywäñapawa. |
ukatsti ukawjan Tatitutakix mä altar luräna, ukatsti nakt'äwinaka, sumankañ wilañchanak luqtäna. Ukat ukspachaw Tatitur art'äna, Tatitusti alaxpachatpach altärxarux nina apayanïna.
Laq'at nayatak mä altar lurarapipxita, uka altar patan jumanakan ovejanakamatsa, vacanakamatsa sumankañ nakt'at wilañchanak luqtapxitäta. Nayasti jutasin jumanakar aski waxt'äwinakamp phuqt'apxäma, kawkhanakantix nayan sutixan amtatäñap munkä ukkhanakana.
Ukatsti Israelit waynanakaruw khithäna urqu vacanak kharsupxañapataki, ukatsti Tatitur jach'añchañatak nakt'ayat wilañcha, sumankañ wilañchanak luqtapxañapataki.
Ukasti Aaronampitaki, wawanakapampitakïniwa. Aka luräwisti israelitanakatak wiñayatak arsut kamachïniwa, uka waxt'ax israelitanakan Tatitump sumankañatak luqtat wilañchäniwa.
“Nayax sumankäwi wilañchanak luqtañatakiw arsüyäta, jichhasti uka arsutax phuqxtwa.
Paqallqu uruw ukham lurapxani, ukat kimsaqallqüri urut nayraqatarusti nakt'at luqtäwinak katuyaña, sumankañ wilañchanak luqtañ qalltapxani. Ukapachaw nayax taqi chuymampi uka wilañcha luqtatanakam katuqapxarakïma. Naya, Tatituw uk arsta” sasa.
Ovejanakatsti sapa pä patakat maya apaqapxäta, uka ovejasti suma lik'ïñapawa. Ukasti granonakamp chika waxt'a luqtañatakïniwa, nakt'at waxt'äwitaki, sumankthapiñ wilañcha luqtañatakirakïniwa, jucha luratat pampachatäñataki churaski uka. Naya, Tatituw uk sarakta.
“Luqtañ uywatix nakhantayañatak oveja tamapata jan ukax, cabra tamapat churatäkani ukax, jan kamacht'at mä urqüñapawa,
“Luqtañ uywatix nakhantayañatak urqu vacänixa, ukax jan kuna kamacht'atäñapawa. Katuqatäñatakisti, Tatitun nayraqatapana, jupampi Jikisiñ Carpar mantañäkis ukawjan luqtatäñapawa,
Aka kamachisti kawkïri uywanaktix Israelitanakax pampan jiwayapki ukanak Tatitur luqtapxañapatakiwa, ukatsti Tatitump Jikisiñ Carpäkis uka nayraqatar apanisin sacerdoter churapxañapawa, ukhamat sacerdoten jupanakan Tatitumpi sumankthapiñatak wilañcha luqtxañapataki.
“Khititix sumankthapiñatak mä oveja luqtkani ukasti, urqüpasa, qachüpasa, jan kuna kamacht'atäñapawa.
Aaronasti kawkïri urqu vacampi, urqu ovejamptix israelitanakax sumankthapiña wilañcha luqtañatak irpanipkatayna ukanak kharinukurakïna. Yuqanakapasti Aarón awkiparuw uka wila luqtapxäna, Aaronasti uka wilampix altar thiyanakaruw warakipäna.
ukhamarak mä urqu vacampi, mä urqu ovejampi sumankthapiñatak wilañcha luqtañatak Tatit nayraqatan kharinukuspan. Ukxarusti granonakat aceitempi chapt'at waxt'a apanipxpan, Tatituw jichhürux jumanakar uñstapxätam uka layku” sasa.
Nayar jach'añchasa wilañchanak luqtäwinakam janiw munkti, janirakiw granonakat waxt'anak luqtapkista ukanak munkti; janiw katuqkäti lik'i vaca qallunak sumankthapiñ wilañcha luqtatanakamsa.
Kawkïr jaqitix suma k'umar uywa nayar luqtañatak yaqhachkasina, mä usut uywaki luqtxitaspa ukax ñanqhachatäpan. Nayax ch'aman Reyïtwa, taqi markanakaw axsarapxitu.” Ukham siw taqi ch'aman Tatituxa.
nayax janis kuna yäqañäkiristsa ukham nayar luqtañatak apanipxtaxa: juykhu uywanaka, kayu p'akit uywanaka, usut uywanaka; ukax ¿jumanakatak walikïskiti? ¡Sarapxam, mark apnaqirinakaman jilïrinakapar ukanak churanipxam, inach jupanakax ‘Walikiw’ sas katuqapxätam!” sasa.
Wilañchatix mä vaca qallüchi, nakt'ayat luqtäwi luqtañataki, jan ukax, sumankayir wilañchataki, jan ukax, arsüwi phuqhasin luqtächi ukapachasti,
ukatsti Tatiturux jan kuna kamacht'at mä maran urqu oveja taqpach nakt'ayas luqtani; uka kipkaraki, jan kuna kamacht'at mä maran urqu oveja jucha luratat pampachäwi jikxatañatak wilañcha luqtani, ukatsti jan kuna kamacht'at urqu oveja sumankxañatak wilañcha luqtarakini.
sumankañ luqta wilañchatakisti, pä urqu vacanaka, phisqa urqu ovejanaka, phisqa chivonaka, mä maran phisqa ovejanaka. Ukanak Aminadab chachan Nahasón yuqapax waxt'atak apäna.
uka chiqansti, Tatit Diosaman altarap patxaruw nakt'at wilañchanakam luqtapxäta, ukatsti kawkïr uywanaktix luqtañatak churapkäta ukanakan wilap Tatit Diosaman altarap patxaruw warakipapxäta, ukat aychap manq'apxäta.
ukatsti aka uraqpachpan Cristo tuqi sumankañ utjañap munarakïna, uka sumankañasti Criston cruzan jiwatap tuqikiw utjäna.
Ukat Diosarux chiqpach chuymampi, taqpach iyawsañampi, jan walinakat q'umachat chuymampi, janchinakasas q'uma umampi jariqat jak'achasipxañäni.
Nanakax kuntix uñjapkta, ist'apkarakta uk jumanakarux yatiyapxsma, ukhamat jumanakan nanakampi mayakïpxañamataki, kunjämatix nanakax Dios Awkimpi, Jesucristo Yuqapampis mayakïpkta ukhama.
Ukhamasti Israelan taqpach soldadonakapampi, taqpach markampix Belenaruw wasitat sarapxäna, Tatit nayraqatan jachiri. Uka urux jan manq'ataw Tatiturux sumankthapiñ nakt'at waxt'äwinakampi, wilañchanakampi luqtapxäna.
Qhipürusti israelitanakax willjtat sartasisin mä altar lurapxäna, ukatsti Tatituruw nakt'at waxt'äwinaka, sumankthapiñ wilañchanak luqtapxäna.