Levítico 17:5 - Qullan Arunaka DC

⁵ Aka kamachisti kawkïri uywanaktix Israelitanakax pampan jiwayapki ukanak Tatitur luqtapxañapatakiwa, ukatsti Tatitump Jikisiñ Carpäkis uka nayraqatar apanisin sacerdoter churapxañapawa, ukhamat sacerdoten jupanakan Tatitumpi sumankthapiñatak wilañcha luqtxañapataki.

Aymar Bibliia 1986

⁵ Acasti Israelita jakenacan Tatituru loktapjjañapataquiwa, cawquïri uywanactejj pampana jiwayapqui ucanaca. Ucatsti sacerdoten nayrakataparu apjjañapataquiraqui, Tatitumpi Jiquisiñ Carpäquisa uca nayrakataru uscuñapataqui, uqhamat sacerdotejj ucanacjja uca jaketaqui, sumancthapiña sacrificiönacapsa loktjjañapataqui.

Qullan Arunaca

⁵ Acasti Israelita jakenacan Tatituru loktapjjañapataquiwa, cawquïri uywanactejj pampana jiwayapqui ucanaca. Ucatsti sacerdoten nayrakataparu apjjañapataquiraqui, Tatitumpi Jiquisiñ Carpäquisa uca nayrakataru uscuñapataqui, uqhamat sacerdotejj ucanacjja uca jaketaqui, sumancthapiña sacrificiönacapsa loktjjañapataqui.

Levítico 17:5 Jak'a apnaqawi uñst'ayäwi

Génesis 21:33

Beerseba chiqansti Abrahamax mä tamarisco quqa ayruntäna, ukatsti wiñay jakir Tatit Diosaruw art'asirakïna.

Génesis 22:13

Abrahamasti uñatatasisinxa, mä urqu oveja uñjäna alinak taypin waxranakat achuntatäskiri; ukat uka oveja aptir sartawayäna, ukatsti uka oveja Tatitur nakt'at wilañcha wawap lanti luqtäna.

Génesis 22:2

Tatitusti sarakïnwa: —Isaac sapa yuqall wawamar irpxarum, sinti munat wawamaru, ukatsti Moria uraqir saram. Uka chiqar purisinsti, kawkïri qulltix nayax uñacht'aykäma uka qullun nayar wawam mä nakt'ayat wilañcha luqtäta —sasa.

Génesis 31:54

Ukxarusti Jacobux qullu patan mä wilañcha luqtäna, wila masinakaparus manq'añatakiw jawsarakïna. Jupanakasti taqiniw manq'apxäna, uka arumax qullun qhantatipxarakïna.

1 Reyes 14:23

Jupanakasti, yaqha diosanakatakiw yupaychañ utanak lurasipxäna, ukatsti qullu patanakan qalanakata, lawanakat diosanak sayt'ayapxäna, ukhamaraki walja laphinakani quqanakan kayunakaparusa.

1 Reyes 3:2

Uka urunakansti markachirinakax qullu patanakan wilañchanakap Tatitur luqtapxirïna, uka urunakkamasti janiw Tatitutaki mä utax luratäkänti uka layku.

1 Reyes 3:3

Salomonax Tatitur munasïnwa, David awkipan utt'ayat kamachinakarjamaw phuqharakïna, jupasa qullu patanakaruw wilañchanak luqtiri, incienso nakt'ayir saräna.

2 Reyes 16:4

Ukxarusti qullu patanakana, wali laphinakan quqanak k'uchunakan utjir yupaychañ chiqanakan wilañchanak luqtäna, inciensonak nakhayarakïna.

2 Reyes 17:10

Ukatsti qullu patanakana, walja laphini quqanak k'uchun Astarté diosan uñtasitanakapa, axsarata qalanaka sayt'ayapxäna,

2 Crónicas 28:4

Ukhamarus qullu patanakan utjir yaqha diosanakar yupaychañ utanakana, ukhamarak walja laphinakani quqa kayunakan wilañchanak luqtäna, inciensonaksa nakhayarakïna.

Éxodo 24:5

Ukatsti Israelit waynanakaruw khithäna urqu vacanak kharsupxañapataki, ukatsti Tatitur jach'añchañatak nakt'ayat wilañcha, sumankañ wilañchanak luqtapxañapataki.

Ezequiel 20:28

Nayax jupanakar churañataki arsuta uraqiru puriyanxta ukkhasti, jupanakax mä jisk'a qullu patansa, jan ukax walja laphinakani quqanak k'uchunakansa, jank'akiw nayar q'apisiykitu uka wilañchanaka, waxt'anak luqtapxäna, suma q'apkir qullanakampi q'uphichasa, vinompi ch'allt'asa.

Ezequiel 22:9

Yaqhipa jaqinakamasti, ina ch'usat tumpantapxatap layku jaqinakan jiwaratanakapat juchanïpxiwa; qullu patanakan diosanakar yupaychañatak jach'a manq'äwinakaruw sarapxi, ukansti axtaskañanak lurapxaraki.

Ezequiel 43:27

Paqallqu uruw ukham lurapxani, ukat kimsaqallqüri urut nayraqatarusti nakt'at luqtäwinak katuyaña, sumankañ wilañchanak luqtañ qalltapxani. Ukapachaw nayax taqi chuymampi uka wilañcha luqtatanakam katuqapxarakïma. Naya, Tatituw uk arsta” sasa.

Ezequiel 44:15

“Sadoc sata jaqin wawanakapäki uka levita sacerdotenaka, israelita jaqinakax nayan thakhixat maysar saranukupkän ukapacha utaxan luqtasipkakïna ukanakasti, jupanakax nayar luqtañataki jak'achasinisipkaniwa, ukhamat lik'inakampi, wilanakampi wilañcha nayar luqtapxañapataki. Naya, Tatituw uk arsta.

Levítico 17:4

ukatsti janirak Tatitump Jikisiña Carpäkis uka nayraqatar Tatitur mä suma waxt'a luqtañatak apankani ukkhasti, wila wartatapat juchañchatäniwa, markap taypitsa apanukutäniwa.

Levítico 17:6

Sacerdotesti kawkïritix Tatitump Jikisiña Carpa nayräxankki uka Tatitun altaraparuw wilampi ch'allsuni, lik'inaksti Tatitutakix mä suma q'apkir waxt'äkaspas ukham nakt'ayxarakini.

Deuteronomio 12:2

“Kawkha markanaktix katuntapkäta uka markanakanxa, diosanakapar yupaychañ chiqanakxa q'al t'unjapxäta: qullunakana, jisk'a qullunakana, ukhamarak jach'a quqa manqhanakansa.