Levítico 17:4 - Qullan Arunaka DC

⁴ ukatsti janirak Tatitump Jikisiña Carpäkis uka nayraqatar Tatitur mä suma waxt'a luqtañatak apankani ukkhasti, wila wartatapat juchañchatäniwa, markap taypitsa apanukutäniwa.

Aymar Bibliia 1986

⁴ ucatsti janiraqui Tatitumpi Jiquisiña Carpäquisa uca nayrakataru apancaniti, uqhamat Tatitun santuariopa nayrakatan mä suma ofrendata loktañataqui, ucasti wila wartatapatjja juchañchatäniwa, uqhamarac take jakenac taypitjja jiwayatäjjaniwa.

Qullan Arunaca

⁴ ucatsti janiraqui Tatitumpi Jiquisiña Carpäquisa uca nayrakataru apancaniti, uqhamat Tatitun santuariopa nayrakatan mä suma ofrendata loktañataqui, ucasti wila wartatapatjja juchañchatäniwa, uqhamarac take jakenac taypitjja jiwayatäjjaniwa.

Levítico 17:4 Jak'a apnaqawi uñst'ayäwi

Génesis 17:14

Ukampisa khititix circuncisión jan katuqkani ukax jumanak taypit apsutäxañapawa, nayan arust'äwixaru jan phuqhatap layku.

Salmos 32:2

Ñanqha jan amtir jaqix kusisiñaniwa, juchapat Tatitump jan irkatayasiñ utjatap layku.

Éxodo 12:15

Paqallqu uruw jan levaduran t'ant'a manq'apxäta; ukhamasti, nayrïr urut qalltasin janiw utanakaman levadurax utjañapäkiti. Uka paqallqu urunakan levaduran t'ant'a manq'irixa, Israelankirinak taypit apanukutäniwa.

Éxodo 12:19

Uka paqallqu urunsti janiw utanakaman levadurax utjañapäkiti. Ukampis khititix levaduran t'ant'a manq'kani ukaxa, Israelankirinak taypit apanukutäniwa, jaya markankirïskpasa, jan ukax israelitäskpasa.

Éxodo 30:33

Khititix aka aceite kipkak yaqha aceite lurkani, jan ukasa aka qullan aceitempi khiti jaqirusa warxatarakin ukaxa, jumanak taypit jaqunukutaw uñjasini’ ” sasa.

Éxodo 30:38

Khititix uka incienso uñtasit yaqha incienso wakichanixa, markap taypit jaqunukutaw uñjasini.”

Isaías 66:3

Ukampisa mä urqu vaca wilañcha luqtapki, jaqirus jiwayasipkaraki ukham jaqinakaw utji; mä ovejsa wilañcha luqtañatak kharinukupki, ukamp chiksti anurus jiwayasipkaraki, granonak luqtasasti, ukampi chikxa khuchhin wilapsa luqtasipki, inciensonak q'uphichasasti, k'ari diosanakarus yupaychasipkaraki. Uka jaqinakax kuntix munapki ukhampun lurapxi, ukham lurañ amtapxaraki.

Ezequiel 20:40

Taqpach Israel markaw nayan qullan qulluxan yupaychapxitani, nayan uraqixankir Israelan jach'a qullupana. Naya, Tatituw uk arsta. Ukan nayax jumanakar taqi chuymampi katuqapxäma; ukan nayar luqtanak churapxañamatak wayt'apxarakïma, yapunakamat nayrïri achunak nayar luqtapxañamataki apanipxarakïta.

Levítico 1:3

“Luqtañ uywatix nakhantayañatak urqu vacänixa, ukax jan kuna kamacht'atäñapawa. Katuqatäñatakisti, Tatitun nayraqatapana, jupampi Jikisiñ Carpar mantañäkis ukawjan luqtatäñapawa,

Levítico 17:10

“Mä israelitatix, jan ukax yaqha markat jutasin jumanak taypin jakir jaqisa wilanpach aycha manq'kani ukkhax, nayax jupatakiw sayt'äxa, markapatsa jaqunukurakïwa.

Levítico 17:14

taqi jakirinakan jakañapax wilankatap layku. Ukatpï sapxsmaxa, wilan aycha jan manq'apxamti sasaxa, jakañan uka wilankatap layku, khititix wilan aycha manq'kani ukasti, markapat jaqunukutäniwa.

Levítico 17:3

“Mä israelitatix mä urqu vaca, mä ovejsa, jan ukax mä cabritsa, campamento anqäxana jan ukax campamento manqhansa jiwayani,

Levítico 17:5

Aka kamachisti kawkïri uywanaktix Israelitanakax pampan jiwayapki ukanak Tatitur luqtapxañapatakiwa, ukatsti Tatitump Jikisiñ Carpäkis uka nayraqatar apanisin sacerdoter churapxañapawa, ukhamat sacerdoten jupanakan Tatitumpi sumankthapiñatak wilañcha luqtxañapataki.

Levítico 17:9

ukatsti janirak Tatitump Jikisiñ Carpäkis uka nayraqatar apkani ukkhasti, uka marka taypit jaqunukutäniwa.

Levítico 18:29

Khititix uka q'añu luräwinak luraskani ukasti, markap taypit apanukutäniwa.

Levítico 20:18

“Mä chachatix phaxsi wilanïski uka warmir warmischi ukasti, markapat panpachan jaqunukutäpxaniwa.

Levítico 20:3

Nayasti uka jaqir mutuyañatakiw sayt'ä, ukatsti markap taypitsa apanukurakïwa, nayan qullana utax q'añuchatapata, ukhamarak nayan qullana sutixarus Moloc sat diosar wawap luqtatapampi takisitap layku.

Levítico 3:2

Khititix waxt'a luqtkani ukax, uka uywan p'iqipxarux amparap luqxatañapa, ukatsti Tatitump Jikisiñ Carpar mantañäkis ukawjan kharinukuñapa. Ukatsti sacerdotenakaw altaran thiyanakap uka wilampi ch'allsupxañapa.

Levítico 7:18

Ukampisa maynitix uka sumankthapiñataki wilañcha luqtatäki uka uywan aychap kimsïr urunsa manq'askakinixa, uka wilañchax janiw katuqatäkxaniti, janirakiw uka luqtatax kunatakis askïkxaniti; uka aychasti jan kunatak aski uñjatarakïniwa. Khititix uka aycha manq'kani ukasti juchanit uñt'atäxaniwa.

Juan 10:7

Ukatsti Jesusax wasitatampiw sarakïna: “Qhanak sapxsma, nayätwa ovejanakan punkupaxa.

Juan 10:9

Nayätwa punkuxa; naya tuqi mantirix qhispiyatäniwa. Kunjämatix mä ovejax uyuru manti, misturaki, ukatsti ch'ijinak jikxati, ukhamäniwa.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Romanos 4:6

David kipkarakiw jaqin kusisiñapat arsüna, khitirutix Diosax jaqin luräwinakap jan yäqas aski jaqitjam katuqki ukxa.

Romanos 5:13

Kamachin janïr utjkipansti, akapachan juchax niyaw utjxäna; kawkhantix kamachix jan utjkixa, janirakiw juchax amtatäkiti.

Romanos 5:20

Kamachisti, juchan juk'amp ch'amanïñapatakiw uñstäna; ukampis kunapachatix juchax juk'amp uñstxän ukkhasti, Diosax khuyapayasiñapan juk'ampirakïnwa.

Deuteronomio 21:8

Dios Tatay, juman qhispiyat Israel markamarux pampachakimaya, aka jan juchan jaqin jiwatapat janirak juchañchamti’ sasa. Ukhamat uka jaqin jiwatapat jan juchañchat uñjasipkätati,