Éxodo 20:24 - Qullan Arunaka DC

²⁴ Laq'at nayatak mä altar lurarapipxita, uka altar patan jumanakan ovejanakamatsa, vacanakamatsa sumankañ nakt'at wilañchanak luqtapxitäta. Nayasti jutasin jumanakar aski waxt'äwinakamp phuqt'apxäma, kawkhanakantix nayan sutixan amtatäñap munkä ukkhanakana.

Aymar Bibliia 1986

²⁴ Jichhasti nayataqui mä altara lak'at lurarapipjjeta, ucatsti uca altarjjarojj takpach nact'ayata sacrificionaca, uqhamarac sumancañataqui sacrificionac loktapjjeta ovejanacamata, uqhamarac vacanacamatsa. Nayasti jutasinjja bendicipjjämawa take orakena, cawqhanacantejj nayan sutejjajj amtatäñapa muncäjja ucqhanacana.

Qullan Arunaca

²⁴ Jichhasti nayataqui mä altara lak'at lurarapipjjeta, ucatsti uca altarjjarojj takpach nact'ayata sacrificionaca, uqhamarac sumancañataqui sacrificionac loktapjjeta ovejanacamata, uqhamarac vacanacamatsa. Nayasti jutasinjja bendicipjjämawa take orakena, cawqhanacantejj nayan sutejjajj amtatäñapa muncäjja ucqhanacana.

Éxodo 20:24 Jak'a apnaqawi uñst'ayäwi

Génesis 12:2

Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.

2 Samuel 6:12

Kunapachatix Davidar yatiyapxäna, kunjämtix Tatitux Obed-edom jaqimpiru, taqi wila masinakapampir aski waxt'äwinakamp phuqt'katayna arcan utapankatap layku, ukapachasti Davidax jach'a kusisiñampiw Diosan arcap Obed-edom jaqin utapat aptawayxäna Davidan Markaparu.

1 Reyes 8:29

Arumay uruy aka utam uñch'ukinim, kawkhantix ukankaña arskta ukkhana. Jichhasti uywataman mayisitaparux ist'akimaya.

1 Reyes 8:43

jumax alaxpachatpach ist'animaya, kawkhantix jaktaxa ukkhatpacha, ukatsti kuntix maykätam uk churarakim, ukhamat aka uraqinkir taqpach markanakan juman sutim uñt'añapataki, jach'añchañapatakiraki, kunjämatix Israel markamax lurki ukhama, ukatsti sutimax aka uta jumatak lurkta ukan aytatätap yatipxañapataki.

1 Reyes 9:3

ukat sarakïna: “Nayax mayisitamsa, achikt'asitamsa ist'smawa, ukatsti nayan sutix wiñay ukankañapatak aka uta utacharapkista ukxa qullanañchtwa. Nayasti uñtanïwa, chuymaxas ukankarakiniwa.

2 Reyes 5:17

Ukat Naamanax säna: —Ukhamax pä mular khumxatkir aka uraqit laq'a apañatak jaysita; jichhürut uksarux naya, luqtirimax janiw juk'amp yaqha diosanakar nakt'ayat luqtäwinakampi, wilañchanakampsa luqtkxäti, jan ukasti Tatitu saparukiw luqtä.

2 Crónicas 12:13

Roboam reyisti Jerusalén markan ch'amañchasïnwa, ukat uka marka apnaqaskakïna. Jupax pusi tunka mayan maranïkän ukkhaw marka apnaqañ qalltäna, ukatsti tunka paqallqun maraw Jerusalén markan apnaqäna, Tatituw uka markaru Israelan taqi ayllunakap taypit ukan jakañatak ajllisïna. Roboam reyin taykapax Naamá satänwa, jupax Amón chiqankirïnwa.

2 Crónicas 6:6

ukampis nayax Jerusalén markaruw ajllista ukan jakasiñaxataki, Israel markaxar apnaqañapatakisti Davidaruw ajllisirakta’ sasa.

2 Crónicas 7:16

nayaw aka uta ajllista, luqtarakta, sutixan wiñayatak ukankañapataki. Nayranakaxampi, chuymaxampisti aka utankapuniniwa

Esdras 6:12

¡Diosay t'unjpan kawkïr reyitix, jan ukax kawkïr markatix aka arsüwi jan jayskani, ukhamaraki Diosan utap t'unjañsa yankarakini ukaruxa! Naya Darío reyiw aka arunak arsta. Qillqatarjam phuqhaspan” sasa.

Nehemías 1:9

ukampis nanakatix jumar makhatxapxirisma, ukatsti kamachi arunakamar phuqhasa sarnaqapxarakirist ukaxa, kawki aka uraqi thiyakam jaqunukut uñjaskasasa, ukkhatpach wasitat apthapipxitasma, juman chhijllat qullan chiqaruw wasitat irpapxarakitasma, kawkhantix sutimax jakkani ukkharu.

Salmos 101:2

chiqap jakañpun munta. ¿Kunapacharak nayar tumpitätasti? Utaxanxa, sarnaqäwixax jan kamskayäniwa;

Salmos 122:2

Jerusalén marka, ¡niyaw punkunakamar purinipxta!

Salmos 128:5

¡Tatitux Sión qullutpach askinak jumar churpan! ¡Taqpach jakäwimansti, Jerusalén markan qamirkipstatap uñjawayam!

Salmos 134:3

Tatitux Sión qullutpachay jumarux askinak apayanpan, jupaw alaxpacha, akapacha, luririxa.

Salmos 74:7

Qullan utamarux ninampiw irkatapxi; uraqitpach allinukusaw sutiman utjäwip ñanqhachapxi.

Salmos 76:2

2 (3) Qullan utapax Jerusalenankiwa, utjäwipax Sión qullunkiwa;

Salmos 78:68

Judá aylluruw ajllïna, munat Jerusalén markaparuw chhijlläna.

Éxodo 10:25

Moisesasti sarakïnwa: —Juma pachpaw uywanak churawayapxitäta nanakan Tatit Diosaxar wilañcha nakt'ayasin luqtapxañaxataki.

Éxodo 18:12

Jetró chachasti ukspachaw mä uywa katusin nakt'at wilañcha Diosar luqtäna, ukhamarak yaqha waxt'anakampi. Uka qhipatsti, Aaronampi, Israelan jilïrinakapampix Moisesan awkch'ipamp chikaw Diosan nayraqatapan manq'apxäna.

Éxodo 20:25

Jumanakatix qalanakat mä altar wakicharapipxitäta ukaxa, janiw k'uthat qalanakampi lurapxätati, k'uthat qalanakampi lurat altarax janiw askïkaspati.

Éxodo 24:4

Ukat Moisesax kunanaktix Tatitux siskatayna ukanak qillqäna, qhipärmanthisti, wali willjtat sartasin jupax qullu kayur mä altar luräna, ukatsti tunka payan qalanak uchäna; Israelan sapa ayllunakapat mä qala uchäna.

Éxodo 24:5

Ukatsti Israelit waynanakaruw khithäna urqu vacanak kharsupxañapataki, ukatsti Tatitur jach'añchañatak nakt'ayat wilañcha, sumankañ wilañchanak luqtapxañapataki.

Éxodo 27:1

“Ukatsti acacia lawat mä altar luräta, uka altarasti cajonäñapawa, pusi thiyanakapax pä metro pä tunka phisqan centimetroni; sayarusti mä metro pä tunka phisqan centimetroni.

Isaías 64:5

5 (4) Jumasti khititix kusisiñampi askinak lurki ukanakaruw katuqtaxa, kuntix jumax munkta uk lurki ukanakaru. Nanakan jucha lurapxatax laykuw jumax nanakatakix phiñasitätaxa; nayratpacharak jumarux chuymam usuyapxsma.

Levítico 17:9

ukatsti janirak Tatitump Jikisiñ Carpäkis uka nayraqatar apkani ukkhasti, uka marka taypit jaqunukutäniwa.

Malaquías 1:11

Taqi akapach uraqin nayarux jach'añchapxitu, taqi chiqanakan nayar jach'añchasax incienso q'aphiyapxi, ukatsti q'uma waxt'äwinakarak luqtapxitu.

Mateo 18:20

Kawkhantix paninisa, kimsanisa sutixaru tantachasixa, nayax jupanak taypinktwa” sasa.

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Deuteronomio 12:11

ukapachaw jumanakax kawkha chiqarutix Tatit Diosamax sutipan utjasiñapatak ajlliskani, uka chiqan taqi kunanaktix sapksma ukanak luqtapxäta: jupar yupaychañatak nakt'at uywa wilañchanak luqtasa, sapa tunkat maya churäwinak luqtasa, taqi kuntix sum ajllisin Tatit Diosamar churañ arsupkta ukanak luqtasa.

Deuteronomio 12:21

Tatit Diosamax ajlliskani uka chiqatix jumanakan utjäwinakamat jayankani ukapachaxa, nayax sapksma ukhamarjam uka utjäwinakaman Tatitux churapktam uka vacama, ovejama kharsusin qawqtix munapkta uk jumanakax manq'apxam.

Deuteronomio 12:5

Ayllunakam taypit Diosax mä chiqawja ajllisini sutipan ukankañapataki, jumanakasti uka chiqaruw jupar yupaychir sarapxäta.

Deuteronomio 14:23

Sapa tunkat mayäkis uka trigo, vino, aceite yaqhachatxa, ukhamarak vacanakamana, ovejanakamana nayrïr wawachat qallunakapatxa, jumanakax Tatit Diosaman nayraqatapan manq'apxäta, kawkha chiqarutix Tatit Diosamax utjäwipatak ajlliskani uka chiqana, ukhamat Diosar yupaychañ yatiqapxäta.

Deuteronomio 16:11

Ukatsti Tatit Diosam nayraqatan uruyapxäta, kawkha chiqarutix jupax sutipan utjäwipatak ajlliski uka chiqana, taqpach wawanakamampi, uywatanakamampi, levitanakampi, yaqha markat jutir jaqinakampi, wajchanakampi, ijmanakampi, khitinakatix jumanak taypin jakapki ukanakamp chika.

Deuteronomio 26:2

uraqix achuyarapkätam uka taqi apthapitanakamat nayrïr achunak apaqäta, ukatsti mä canastar uchasin kawkha chiqtix Tatit Diosamax sutipan ukankañatak ajlliskani uka chiqaruw apäta.

Deuteronomio 7:13

Jumanakarusti munasiñampiw uñjapxätam, aski waxt'äwi churapxätam, mirantayapxarakïtamwa; wawanakamar aski waxt'äwinak churani, yapunakamaru, taqi achunakamaru, trigo yapunakamaru, vinomaru, aceitemaru, ukhamarak vacanakamana, ovejanakaman qallunakapar aski waxt'äwinak churani, nayra awkinakamar juramentomp churañ arsuwaykän uka uraqina.

1 Timoteo 2:8

Ukhamasti, chachanakan Tatitut taqi tuqin mayisiñap nayax munta, q'uma chuymampi amparanakap luqtasa; jan q'apisiñampi, jan ch'axwañampi.