Levítico 1:3 - Qullan Arunaka DC

³ “Luqtañ uywatix nakhantayañatak urqu vacänixa, ukax jan kuna kamacht'atäñapawa. Katuqatäñatakisti, Tatitun nayraqatapana, jupampi Jikisiñ Carpar mantañäkis ukawjan luqtatäñapawa,

Aymar Bibliia 1986

³ “Naqhantayañatac loktat uywatejj orko vacänejja ucasti suma c'umaräñapawa. Catokatäñataquejja, loktatäñapawa Tatitun nayrakatapana, Tatitump Jiquisiñ Carpar mantañäquis ucawjana.

Qullan Arunaca

³ “Naqhantayañatac loktat uywatejj orko vacänejja ucasti suma c'umaräñapawa. Catokatäñataquejja, loktatäñapawa Tatitun nayrakatapana, Tatitump Jiquisiñ Carpar mantañäquis ucawjana.

Levítico 1:3 Jak'a apnaqawi uñst'ayäwi

Génesis 22:13

Abrahamasti uñatatasisinxa, mä urqu oveja uñjäna alinak taypin waxranakat achuntatäskiri; ukat uka oveja aptir sartawayäna, ukatsti uka oveja Tatitur nakt'at wilañcha wawap lanti luqtäna.

Génesis 22:2

Tatitusti sarakïnwa: —Isaac sapa yuqall wawamar irpxarum, sinti munat wawamaru, ukatsti Moria uraqir saram. Uka chiqar purisinsti, kawkïri qulltix nayax uñacht'aykäma uka qullun nayar wawam mä nakt'ayat wilañcha luqtäta —sasa.

Génesis 22:8

Awkipasti sarakïnwa: —Wawa, Diosaw wilañchatakix mä oveja uskuskani —sasa. Jupanakasti panpachan sarasipkakïnwa.

Génesis 8:20

Ukatsti jank'akiw Noé chachax Tatitutak mä altar lurt'äna, ukatsti q'uma animalanakata, jamach'inakatsa mayakam katüna, ukatsti Tatituruw mä nakt'ayat wilañcha luqtäna.

2 Crónicas 29:32

Jaqinakax nakt'at waxt'äwinak luqtañatak uywanak apapkäna ukanakasti: paqallq tunka urqu vacanaka, pataka urqu ovejanaka, pä pataka mä maran urqu ovejanakänwa. Taqi uka uywanakasti Tatitur nakt'ata waxt'äwi luqtañatakïnwa.

2 Crónicas 35:12

Ukatsti nakhantayatäxañapatakix lik'inak apaqapxäna, qawqhanitix markan wila masi tamanakax utjkäna ukhamarjam Tatitur luqtapxañapataki, Moisesan qillqatapan arsutäki ukhamarjama; uka pachparak vaca qallunakampix lurapxäna.

Salmos 110:3

Markamax atipt'añam urunxa, jumaruw katuyasxätam. Qullan qullunak patxanxa, willjta sullar uñtataw wayna kankañamax sapür machaqaptani.

Salmos 40:8

8 (9) Dios Tatituxay, munañam lurañaw kusisiyitu; ¡yatichäwinakamax chuymaxankiwa!

Éxodo 12:5

Uka uywasti mä maranïñapawa, jan kamacht'at suma k'umar urqu uywäñapawa, uka uywax ovejäpasa, cabritöpasa.

Éxodo 24:5

Ukatsti Israelit waynanakaruw khithäna urqu vacanak kharsupxañapataki, ukatsti Tatitur jach'añchañatak nakt'ayat wilañcha, sumankañ wilañchanak luqtapxañapataki.

Éxodo 29:18

Ukat altar patxar oveja nakt'ayasin Tatitur jach'añchas luqtäta, uka nakt'at waxt'an suma q'apkirïñapataki.

Éxodo 29:4

Ukatxa Aaronampiru, wawanakapampirux Tatitump Jikisiñ Carpan mantañapawjaruw irpäta, ukat jupanakar jariqasiyäta;

Éxodo 29:42

Taqpach israelitanaka, wawanakapan wawanakapaw wiñayapun akham waxt'anak Jikisiñ Carpar mantañäki uka chiqan nayar luqtañapa, uka chiqan nayax jumamp parlañatak ukankä.

Éxodo 32:6

Qhipürusti, taqiniw willjtat sartasipxäna ukatsti altar patxan sumankthapiñ wilañchanaka, waxt'anaka luqtapxäna. Uka qhipatsti markax manq'añataki umañatakiw qunt'asïna; ukatsti thuqhupxarakïnwa.

Éxodo 35:21

Uka qhipatsti, khitinakatix chuymanakapan amthapisis Tatitutak churañ munapkän ukanakaxa, taqi chuymaw churäwinak apt'at kutt'anipxäna, Tatitump Jikisiñ Carpa lurañatak wakiski ukanakataki, sacerdoten qullan isinakapatak wakiski ukanakataki.

Éxodo 35:29

Israelitanakasti chachanakasa, warminakas taqiniw chuymanakapan yanapt'asiñ munapxäna, churäwinak apanipxarakïna, Tatitux Moisesar siskatayna taqi ukanak lurañataki.

Éxodo 35:5

Jumanak taypin Tatitutak mä churäwi apthapipxäta. Tatitur chuymapatjam churäwi apaniñ munirinakax taqi chuymaw apanipxañapa quri, qullqi, bronce,

Éxodo 36:3

Moisesasti israelitanakax apanipkatayna uka churäwinak jupanakar katuyäna, kunanakatix Tatitump Jikisiñ Carpa lurañatakix wakiski ukanak lurañ qalltañataki. Sapüruw israelitanakax chuymapatjam churäwinak apasinipkakïna.

Éxodo 38:1

Ukxarusti Besalel chachax acacia lawat nakt'ayat waxt'anak luqtañ altar lurarakïna. Uka altarasti pusi tuqit mä tupunikïnwa, iranarux pä metro pä tunka phisqan centimetronïnwa, alayarusti mä metro pä tunka phisqan centimetronirakïnwa.

Isaías 1:11

Tatitux siwa: “¿Kunatakis ukataq wilañchanak apanipxta? Jumanakan urqu ovejanakampi wilañcha luqtapxatamampix qaritäxtwa, lik'i vaca qallu luqtatanakamampis qaritäxaraktwa; urqu vacanakana, urqu ovejanakana, cabritonakan wilanakapax axtasiyituwa.

Ezequiel 20:40

Taqpach Israel markaw nayan qullan qulluxan yupaychapxitani, nayan uraqixankir Israelan jach'a qullupana. Naya, Tatituw uk arsta. Ukan nayax jumanakar taqi chuymampi katuqapxäma; ukan nayar luqtanak churapxañamatak wayt'apxarakïma, yapunakamat nayrïri achunak nayar luqtapxañamataki apanipxarakïta.

Ezequiel 40:39

Mantañ tuqinkir utansti pusi mesanakaw utjäna, purapäxarux paya, uka patxan uywanak kharinukupxirïna, jucha luratata, pantjasitata nakt'at waxt'äwi, wilañcha luqtäwi katuyañataki.

Levítico 1:10

“Luqtañ uywatix nakhantayañatak oveja tamapata jan ukax, cabra tamapat churatäkani ukax, jan kamacht'at mä urqüñapawa,

Levítico 14:10

“Kimsaqallqu ururusti jan kunas kamacht'at pä urqu ovejampi, marani mä qachu ovejampi, suxta kilo chikatan aceitempi chapt'at suma jak'umpi, ukxarusti niya chikat litro aceitempi, taqi ukanaksti waxt'a luqtañatak apaniñapawa.

Levítico 16:7

Uka qhipatsti uka pä urqu cabrito Tatitur katuyxani Tatitump Jikisiñ Carpa nayraqatana;

Levítico 17:4

ukatsti janirak Tatitump Jikisiña Carpäkis uka nayraqatar Tatitur mä suma waxt'a luqtañatak apankani ukkhasti, wila wartatapat juchañchatäniwa, markap taypitsa apanukutäniwa.

Levítico 17:8

“Ukxarusti kawkïr israelita jaqitixa, jan ukax yaqha markat jutasin jumanak taypin jakir jaqisa mä wilañcha luqtani,

Levítico 17:9

ukatsti janirak Tatitump Jikisiñ Carpäkis uka nayraqatar apkani ukkhasti, uka marka taypit jaqunukutäniwa.

Levítico 23:12

Trigo marqa churapkäta uka pachpa urunsti, mä maran jan kamacht'at urqu oveja nakt'ayas luqtañapatak churapxarakïta.

Levítico 23:18

T'ant'anakamp chiksti, mä maran jan kamacht'at paqallqu urqu ovejanak apapxarakïta, mä urqu vacampi, pä urqu ovejampi, ukanakasti Tatitutak nakt'ayas luqtatäniwa, kuntix jumanakax granonakatsa, vinotsa waxt'a luqtapkäta ukanakatxa, mä suma q'apkir luqtarakïniwa.

Levítico 3:1

“Khititix uywanakapata mä qachu vaca jan ukax mä urqu vacsa Tatitumpi sumankthapiñatak luqtkani ukax jan kuna kamacht'at uywäñapawa.

Levítico 4:15

ukan Tatitun nayraqatapan taqi jilïri jaqinakax uka urqu vacan p'iqipxar amparanakap luqxatapxani, uka pachpanarak kharinukupxani.

Levítico 4:23

Kunapachatix uka jucha luratapa amuyasxani ukapachasti mä jan kuna kamacht'at chivo waxt'a luqtañatak apxarakini.

Levítico 4:3

“Jilïr sacerdotetix juch luranixa, uka jucha luratapan taqi jaqinakxar puritap laykux, mä k'umar urqu vaca uka jucha luratapat luqtañapa.

Levítico 4:32

“Uka jaqitix jucha luratapat luqtañatak mä oveja apanini ukapachax jan kamacht'at qachu oveja apanini.

Levítico 5:15

“Maynitix jan amuyaskasin juch lurani, Tatitur luqtat yänakat sallqjatapas uñstkani ukapachax, oveja tamapat jan kuna kamacht'at mä urqu oveja Tatitun ukar wilañcha luqtañatak apaniñapawa. Uka urqu ovejan alapasti qawqhäkitix qullan utjäwin qullqipax ukarjam chaniñcht'atäñapawa, kunjämatix jucha luräwit waxt'a luqtañax wakiski ukhamarjama.

Levítico 5:18

Ukhamasti oveja tamanakapat mä jan kamacht'at urqu oveja apanini, uka ovejan alapsti jumaw qawqhänisa uk säta, ukatsti sacerdoten ukaruw uka jucha luratapat luqtañatak apatarakïni, ukhamat kuntix uka jaqix jan amuyaskasin jucha lurkatayna ukat pampachatäñataki.

Levítico 6:2

2 (21) “Kunapachatix maynix juch lurani, jan ukax juchanis Tatitun nayraqatapan uñjasini, jaqi masipar sallqjatap layku, jan ukax, kuna qullqitix jupar katt'ayatäkän ukanak sallqjatapata, jan ukax, jaqi masipat ch'amampik aparxatap layku,

Levítico 6:8

8 (1) Tatitux Moisesaruw akham sas parläna:

Levítico 7:16

Mä uywatix mä arsüwi phuqhañataki, jan ukax chuymasatjama mä waxt'äwïni ukapachasti, ukan aychapax ukürpach manq'antatäxañapawa, ukat jilt'iristi qhipürus manq'atäskarakispawa;

Levítico 8:18

Ukatsti Moisesax kuna urqu ovejatix nakhantayasin luqtatäkani uk irptayanïna, ukatsti Aaronampi, yuqanakapampiw uka urqu ovejan p'iqipxar amparanakap luqxatapxäna.

Levítico 8:21

ukatsti uka ovejan jiphillanakapa, chhuchhullinakap jariqxarakïna, taqi ukanaksti, Tatitutakix mä suma waxt'äkaspas ukham altarxarux nakt'ayxäna, kunjämtix Tatitux Moisesar siskatayna ukhamarjama.

Levítico 9:2

Aaronarusti sarakïnwa: “Jichhax mä urqu vaca qallu irpxarum, ukhamarak mä urqu ovejampi, ukanakax jan kuna kamacht'at uywanakäñapawa, ukanaksti nakt'at wilañcha Tatitur luqtarakim.

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Malaquías 1:14

Kawkïr jaqitix suma k'umar uywa nayar luqtañatak yaqhachkasina, mä usut uywaki luqtxitaspa ukax ñanqhachatäpan. Nayax ch'aman Reyïtwa, taqi markanakaw axsarapxitu.” Ukham siw taqi ch'aman Tatituxa.

Números 15:3

ukatsti nayar jach'añchas mä urqu vaca, jan ukax, mä ovejsa luqtapxitäta suma q'apkir wilañcha nakt'ayañataki, kuntix arsupkta ukanak phuqhasa, jan ukax, chuymanakamatjam waxt'a churasa, jan ukax, mä uruyäwi uruyasasa ukapachaxa,

Números 15:8

Wilañchatix mä vaca qallüchi, nakt'ayat luqtäwi luqtañataki, jan ukax, sumankayir wilañchataki, jan ukax, arsüwi phuqhasin luqtächi ukapachasti,

Números 19:2

“Naya Tatituw akanak arsta: Israelitanakar parlam mä wila vaca juman ukar irpanipxpan, uka vacasti janirak usuchjatäkpansa, janirak kunapachas kunkapar yuku ayxatatäkpanti.

Números 23:19

Tatitux janiw jiwir jaqinakjamäkiti: janiw k'ariskiti, janirakiw amuyt'äwip mayjt'aykisa. Jupax arsutaparjam lurapuniwa. Jupax arsutap phuqhapuniwa.

Números 23:27

Ukat Balac reyix jupar säna: —Jutam, yaqha chiqawjaruw irpäma. Inas Tatitux uka chiqawjatpach israelitanakar ñanqhachayiristam —sasa.

Números 23:3

Ukxarusti Balaamax Balac reyir sänwa: —Jumax wilañcha luqtat jak'an qhiparam. Nayasti Tatitun jutañap suyañaxawa, kuntix lurañaxäki uk sarakitani —sasa. Ukapachasti Balaamax mä ch'usawja pata chiqaruw saräna.

Números 23:30

Balac reyisti Balaaman aruparjamaw luräna, ukatsti sapa altaran mä vaca qallumpi, mä urqu ovejampi wilañcha luqtäna.

Números 28:11

“Sapa phaxsit qallta uru saraqkipan Tatiturux nakt'ayat waxt'a luqtapxäta, pä vaca qallumpi, mä urqu ovejampi, mä maran paqallqu urqu ovejampi, uka uywanakasti jan kuna kamacht'atäñapawa.

Números 28:19

Tatituruw nakt'ayat waxt'a luqtapxäta, pä urqu vaca qallu, mä urqu oveja, mä maran paqallqu urqu oveja, uka uywanakasti jan kuna kamacht'atäñapawa.

Números 28:31

Uka luqtasti sapüru nakt'ayat waxt'at sipana, grano juyranakat waxt'ampi, vino waxt'amp chika luqtapxäta. Uywanakasti jan kuna kamacht'atäñapawa.

Números 29:13

Nayrïr urux Tatitur jach'añchasa nakt'ayat mä suma q'apkir waxt'a luqtapxäta, tunka kimsani urqu vaca qallunaka, pä urqu oveja, marani tunka pusin urqu oveja qallunaka, ukanakasti jan kuna kamacht'atäñapawa.

Números 29:2

Tatitur jach'añchas nakt'at mä suma q'apkir waxt'a luqtapxäta, mä urqu vaca qallu, mä urqu oveja, maran paqallqu urqu ovejanaka, uka uywanakasti jan kuna kamacht'atäñapawa.

Lucas 1:35

Angelasti sänwa: —Qullan Ajayuw jumxar jutani, ukatsti alaxpach Diosan ch'amapaw mä qinayjam jumarux imxattätam. Yurkani uka wawax Diosan Qullan Wawapa satarakïniwa.

Juan 1:36

Ukatsti Jesusar uka chiqa saraskir uñjasinxa, Juanax sänwa: —¡Uñtapxam, jupaw Diosan Corderopaxa! —sasa.

Juan 10:7

Ukatsti Jesusax wasitatampiw sarakïna: “Qhanak sapxsma, nayätwa ovejanakan punkupaxa.

Juan 10:9

Nayätwa punkuxa; naya tuqi mantirix qhispiyatäniwa. Kunjämatix mä ovejax uyuru manti, misturaki, ukatsti ch'ijinak jikxati, ukhamäniwa.

2 Corintios 8:12

Maynitix taqi chuyma churañ munchi ukaxa, Diosax churirin utjiripatjam katuqi. Jupax janiw kunsa maykiti, maynin jan utjkchi ukkhaxa.

2 Corintios 9:7

Sapa mayniw kunjämtix chuymapan amtki ukarjam churañapa; janiw pä chuymampi churañapäkiti, janirakiw maynin jariyatakis churañapäkiti, Diosax kusisit chuymampi chuririruw munasi.

Efesios 2:18

Taqiniw Cristo tuqi, judionakasa jan judionakasa, mä sapa Ajayu tuqiki Awkirux jak'achastan.

Efesios 5:27

ukhamat q'umachat iglesia irpkatañataki, jan q'añucht'ata, jan kuna sip'uni, jan kunan kamacht'ata, ukat sipansti suma qullanaptata, jan kamskayaraki.

Deuteronomio 12:27

uka chiqansti, Tatit Diosaman altarap patxaruw nakt'at wilañchanakam luqtapxäta, ukatsti kawkïr uywanaktix luqtañatak churapkäta ukanakan wilap Tatit Diosaman altarap patxaruw warakipapxäta, ukat aychap manq'apxäta.

Deuteronomio 15:21

Ukampisa uka nayrïr wawachat qallunakatix jan k'umaräkani, kayu wixchünisa, juykhünisa, janiw ukham uywanak Tatit Diosamatak wilañcha luqtätati.

Deuteronomio 17:1

“Janiw Tatit Diosamarux kuna usuchjat vacanaksa, ovejanaksa wilañcha luqta katuyapxätati, ukanakasti Tatitutakix axtaskañawa.

Hebreos 7:26

Ukhamasti Jesusax suykäyätan uka Jilïr sacerdotewa. Jupax qullanawa, jan kuna juchani, jan akch'a q'añuni, juchaninakat jithiqtata, alaxpachatsa juk'ampi alayar aptataraki.

Hebreos 9:14

Ukampis ukatix ukhamächi ukax, ¡qawqha ch'amanïpachas Criston wilapaxa! Cristosti wiñay jakir Ajayu tuqiw Diosarux jupa pachpa jan q'añucht'at luqtasiwayi, uka wilapaw jiwañar apki uka luräwinakasat q'umachistu, ukhamat jakkir Diosar yupaychañasataki.