Levítico 1:4 - Qullan Arunaka DC

⁴ uka uywan p'iqipxar amparampi luqxatasa. Ukhamat uka uywan jupa lanti juchanakapat pampachatäñatak katuqatäñapataki.

Aymar Bibliia 1986

⁴ Amparampi uca uywan p'ekepjjaru lokjjatasa, uqhamat uca uywajj jupa lanti catokatäñapataqui, uca jakesti juchanacapat pampachatäñapataquiraqui.

Qullan Arunaca

⁴ Amparampi uca uywan p'ekepjjaru lokjjatasa, uqhamat uca uywajj jupa lanti catokatäñapataqui, uca jakesti juchanacapat pampachatäñapataquiraqui.

Levítico 1:4 Jak'a apnaqawi uñst'ayäwi

Éxodo 28:38

ukhamat Aaronan parapankapunini. Uka placasti, kunapachatix Aaronax israelitanakan jucha luratanakapat luqtanak katuykani, ukatsti Tatitun uka luqtanak katuqatapat juchanakap pampachkani uk uñacht'ayani.

Éxodo 29:10

“Uka qhipatsti, vaca qallurux Tatitump Jikisiñ Carpa nayraqataruw apäta, Aaronampi, wawanakapampi uka uywan p'iqipxar amparanakapamp luqxatañapataki,

Éxodo 29:15

“Ukxarusti uka pä ovejat may katüta, ukatsti Aaronampi, wawanakapampix oveja p'iqxar amparanakapamp luqxatapxpan.

Éxodo 29:19

“Ukxarusti maya urqu oveja katurakïta, Aaronampi, wawanakapampi uka ovejan p'iqipxar amparanakapamp luqxatapxarakpan.

Éxodo 29:33

Jupanakaw uka aycha manq'apxani, juchanakapat pampachäwi jikxatañatak luqtatätap layku, kunapachatix luqtatäpkäna, sacerdote jilïr kankañ katuqapkän ukapacha. Ukampis janiw khiti jan uñt'at jaqis ukanakat manq'añapäkiti, ukanakan qullanätap layku.

Isaías 56:7

nayax qullana qulluxaruw jupanakarux irpanï, nayar mayisiñ utaxansti k'uchikïpxaniwa. Altaraxan wilañchanak luqtasitanakapsti katuqarakïwa, nayan utaxax taqi markanakatakix Tatitur mayisiñ uta satäniwa.”

Ezequiel 45:15

Ovejanakatsti sapa pä patakat maya apaqapxäta, uka ovejasti suma lik'ïñapawa. Ukasti granonakamp chika waxt'a luqtañatakïniwa, nakt'at waxt'äwitaki, sumankthapiñ wilañcha luqtañatakirakïniwa, jucha luratat pampachatäñataki churaski uka. Naya, Tatituw uk sarakta.

Daniel (hebreo) 9:24

“ ‘Paqallq tunka semanaw mäkipañapa, markaman jakirinakamxaru, qullan markamxaru, mutuyäwinakan tukusxañapataki, ñanqha luräwinakat pampachäwi jikxatañataki, wiñayatak aski kankañ utt'ayañataki; unañchäwimpi profecía arunakampi phuqhasiñapataki, Qullan utax q'umachata luqtatäxañapataki.

Levítico 16:21

uka cabriton p'iqipxar amparap luqxatasasti, israelita jaqinakan ñanqha juchanak luratanakap arsuni. Ukhamat uka cabriton p'iqipxaru taqi juchanak apxatxani, ukatsti khititix uk apañatak ajllitäki ukaw uka cabrito irpasin wasarar antutnukunxani.

Levítico 16:24

Ukatsti qullan chiqan umampi jariqasxani, isthapisitatsti, jupa kipkat wilañcha luqtiri, taqi jaqinakatak luqtiriw mistunxani, ukampiw jupan juchanakapata, jaqinakan juchanakapatsa pampachasïwi jikxatani.

Levítico 22:21

“Khititix sumankthapiñatak wilañcha Tatitur luqtani, mä arsüwi phuqhañatakisa jan ukax chuymapan churañ munatapatsa, uka urqu vacasa, jan ukax urqu ovejasa jan kamacht'ata k'umara uywäñapawa.

Levítico 22:27

“Kunapachatix uywanakamax mä vaca qallu wawachani, jan ukax mä urqu oveja qallsa, jan ukax mä cabritsa wawachan ukkhasti, uka qallunakax paqallqu uru phuqhasiñapkamaw taykap jak'ankasipkani, ukampis kimsaqallqu uru phuqhasxipansti, uka qallunakax Tatitur wilañchat luqtatäxaniwa.

Levítico 3:13

ukkhasti, amparap uka uywan p'iqipxar luqxatani, ukat Tatitump Jikisiñ Carpa nayraqatan kharinukxani.

Levítico 3:2

Khititix waxt'a luqtkani ukax, uka uywan p'iqipxarux amparap luqxatañapa, ukatsti Tatitump Jikisiñ Carpar mantañäkis ukawjan kharinukuñapa. Ukatsti sacerdotenakaw altaran thiyanakap uka wilampi ch'allsupxañapa.

Levítico 3:8

uka uywan p'iqipxaruw amparap luqxatani, ukat Tatitump Jikisiñ Carpa nayraqatan kharinukxani. Ukatsti sacerdotenakax uywan wilapampiw altaran thiyanakap ch'axch'suni.

Levítico 4:15

ukan Tatitun nayraqatapan taqi jilïri jaqinakax uka urqu vacan p'iqipxar amparanakap luqxatapxani, uka pachpanarak kharinukupxani.

Levítico 4:20

jan ukax, uka urqu vacampix kunjämatix juchat wilañcha mä yaqha urqu vaca luqtapkän uka kipkarakiw luqtañapa, ukhamat sacerdotex jupanakan juchanakapat pampachatäñ jikxatani, ukatsti juchanakapax pampachatäxaniwa.

Levítico 4:24

Uka chivon p'iqipxaru amparap luqxatasin Tatitun nayraqatapan kharinukxani, kawkhantix uywanakax nakhantayañatak kharinukutäki ukkhana, jucha luratat wilañcha luqtäwïtap layku.

Levítico 4:26

ukatsti taqpach lik'i altarxar nakhantayxarakini, kunjämatix sumankthapiñatak luqtat lik'i nakhantayapki ukhama. Sacerdotex ukham lurasaw jilïritakix juchapat pampachatäñ jikxatani, jilïrin juchapasti pampachatäxaniwa.

Levítico 4:29

Ukatsti uka cabran p'iqipxaruw amparap luqxatani, ukat kawkhantix uywanakax nakhantayañatak kharinukutäki ukkhan kharinukxani.

Levítico 4:31

Lik'inakapsti, kunjämtix sumankthapiñatak luqtatäki uka uywanakat apsutaxa, uka kipka apsutarakïniwa, uka lik'sti altarxaruw nakt'ayxani Tatitutak suma q'apkiri waxt'ata, ukhamat sacerdotex uka jaqitakix juchapat pampachatäñ jikxatani, uka jaqin juchapasti pampachatäxarakiniwa.

Levítico 4:33

Ukatsti amparap ovejan p'iqipxar luqxatani, ukat jucha luratapat luqtatäñapatak kharinukxani, kawkhantix uywanakax nakhantayatäñatak kharinukutäki ukawjana.

Levítico 4:35

Lik'inakapsti, kunjämtix sumankthapiñatak luqtatäki uka uywanakat apsutaxa, uka kipka apsutarakïniwa, uka lik'sti Tatitutak suma q'apkir waxt'at altarxar nakt'ayxani, ukhamat sacerdotex uka jaqitak juchapat pampachatäñ jikxatani, juchapasti pampachatäxaniwa.

Levítico 4:4

Ukatsti Tatitun nayraqataparuw apani Tatitump Jikisiñ Carpar mantañäkis ukkharu; ukan amparap uywan p'iqipxar luqxatani, ukatsti Tatitun nayraqatapan kharinuqxani.

Levítico 5:6

ukatsti jucha luratapat mä qachu oveja Tatitur wilañcha luqtani, jan ukax mä qachu cabräpasa, uka wilañcha luqtäwimpiw sacerdotex uka jaqin juchapat pampachatäñ jikxatani.

Levítico 6:7

7 (26) Ukatsti sacerdotex taqi uka juchanaka, kawkïrïpasa, ukanak luratatsti, uka jaqitakix juchat pampachatäñ jikxatani, uka juchasti pampachatäxarakiniwa.”

Levítico 8:14

Ukxarusti Moisesax kuna urqu vacatix jucha luratat luqtatäkani uk irptayanïna, ukatsti Aaronampi, yuqanakapampix uka urqu vacan p'iqipxaruw amparanakap luqxatapxäna.

Levítico 8:18

Ukatsti Moisesax kuna urqu ovejatix nakhantayasin luqtatäkani uk irptayanïna, ukatsti Aaronampi, yuqanakapampiw uka urqu ovejan p'iqipxar amparanakap luqxatapxäna.

Levítico 8:22

Ukatsti Moisesax jank'akiw yaqha urqu oveja irptayaniraki, kawkïritix Tatitur luqtasiñatak uskutäki uka, Aaronampi, yuqanakapampisti uka ovejan p'iqipxaruw amparanakap luqxatapxäna.

Levítico 9:7

Moisesasti Aaronarux sarakïnwa: “Altarar jak'achasinim, ukatsti kuntix juchamata, israelitanakan juchanakap pampachatäñatak wilañcha luqtkäta uka uywxa, nakt'at waxt'a luqtam. Ukatsti kunjämtix Tatitux sisktam ukhamarjam israelitanakan waxt'anakap luqtarakim, ukhamat juchanakapan pampachatäñapataki” sasa.

Números 15:25

Ukatsti sacerdotew Israel markpachatak luqta katuyani, juchat pampachäwi jikxatañataki, nayasti jupanakarux juchapat pampachäwa, jan amuyasisin pantjasipxatap layku; jupanakan uka jucha luratat waxt'apa, wilañchapa nayar luqtapxatap layku.

Números 15:28

Ukatsti sacerdotew nayan nayraqataxan uka jaqitak luqtäwi katuyani, jan amuyasis jucha luratapat pampachäwi jikxatañataki, nayasti uka jaqirux juchap pampachäwa.

Números 25:13

ukat jupampiru, wawanakapampirux sacerdote luräwi wiñayatak katuyta, nayan aytat kankañax waqaychatap layku, ukhamarak israelitanakatak jucha luratat pampachäwi jikxatatap layku —sasa.

Números 8:10

Ukatsti levitanakar nayan nayraqataxaruw uñstayitäta, israelitanakasti amparanakapampiw levitanakan p'iqinakapxar luqxatapxani.

Números 8:12

Ukatsti levitanakax vaca qallunakan p'iqipxaruw amparanakapamp luqxatapxani, jumasti jucha luratat mä vaca qallu wilañcha luqtäta, mayïr vaca qallsti Tatitutak nakt'ayat luqtäwi churarakïta.

Romanos 12:1

Ukhamasti munat jilatanaka, Diosan khuyapayasiñap laykuw achikt'apxsma, jumanak pachpay jakkir waxt'äwjam luqtasipxam, qullana, ukhamarak Diosar kusisiykir luqtjama. Uka luqtäwiwa chiqpach yupaychäwixa.

Romanos 3:25

Diosasti Criston wila wartatap tuqiw juchat pampachasiñ utjayi. Juchat pampachatäñsti iyawsäwi tuqikiw jikxatsna. Diosax ukham tuqiw aski jaqïtas uñacht'ayañ munäna: nayra pachan juchanak lurkäyätan uk pampachasa,

Romanos 5:11

Janiw ukakïkiti, jan ukasti Diosankxasinxa, Jesucristo Tatitus tuqiw kusisiraktan, Cristo tuqi Diosampi sumankthapitas layku.

Filipenses 4:18

Epafrodito jilatampi apayanipkista uk taqpach katuqxta, jichhasti jilarkiriw utjitu. Kuntix apayanipkista ukax mä suma q'apkir inciensökaspas ukhamawa, uksti Diosax kusisiñampiw katuqi.

Hebreos 10:4

Urqu vacanakana, cabritonakan wilapax janiw juchanak q'umachkaspati.

1 Juan 2:2

Jesucristox juchanakas qhispiyañ laykuw jakañap luqtasiwayi, janiw jiwasan juchas laykukiti, jan ukasti taqi akapachankir jaqinakan juchanakap laykuwa.