Levítico 1:4 - Qullan Arunaca

⁴ Amparampi uca uywan p'ekepjjaru lokjjatasa, uqhamat uca uywajj jupa lanti catokatäñapataqui, uca jakesti juchanacapat pampachatäñapataquiraqui.

Aymar Bibliia 1986

⁴ Amparampi uca uywan p'ekepjjaru lokjjatasa, uqhamat uca uywajj jupa lanti catokatäñapataqui, uca jakesti juchanacapat pampachatäñapataquiraqui.

Qullan Arunaka DC

⁴ uka uywan p'iqipxar amparampi luqxatasa. Ukhamat uka uywan jupa lanti juchanakapat pampachatäñatak katuqatäñapataki.

Levítico 1:4 Jak'a apnaqawi uñst'ayäwi

Éxodo 28:38

Uqhamata uca placajja Aaronan nayräjja parapancañapataqui. Ucampis Aaronajj cunapachatejj ofrenda loktcani ucqhajja apaniwa israelitanacajja asqui lurañanacana jucha lurapjjatanacapata, ucampis uca placajja uñacht'ayaniwa Tatitojj ofrenda loktata catokañapataqui.

Éxodo 29:10

“Ucjjarusti vaca kallu aparaquim Tatitumpi Jiquisiñ Carpa nayrakataru, ucana Aaronampi, wawanacapampejj uca uywan p'ekeparu amparanacapampi lokjjatapjjañapataqui.

Éxodo 29:15

“Ucjjarusti paya ovejatjja maya catum, ucaruw Aaronampi, wawanacapampejj amparanacapampi ovej p'ekeru lokjjatapjjañapa.

Éxodo 29:19

“Ucjjarusti maynïri ovejraqui caturaquïta, Aaronampi, wawanacapampejj uca ovejan p'ekep patjjaruraquiw amparanacap lokjjatapjjañaparaquiqui.

Éxodo 29:33

Jupanacasti ucanacjja mank'apjjañapawa jupanacan juchanacapajj perdonatäñapataqui loktatätap laycu, cunapachatejj jupanacajj loktatäqui sacerdotëpjjañapataqui ucqha. Ucampis yakhanacajja janiwa ucanacatjja mank'apjjañapäquiti, ucanacajj Tatitur loktatätap laycu.

Isaías 56:7

nayajj kollana kollojjaruw jupanacarojj apanëjja, oración lurañ utajjansti c'uchiquïpjjaraquiniwa. Sacrificionac loktasinipjjatanacapsti altarajjanjja catokaraquïwa, nayan utajjajj take marcanacataqui oración lurañ uta sataraquïniwa.”

Ezequiel 45:15

Ovejanacatsti sapa pä patacatwa maya irparapjjaraquïta, Israelan suma pastonacapatjja. Ucanacasti granonacat ofrenda loktañataquïniwa uqhamaraqui sumancthapiñataqui sacrificiot loktañataquiraquïniwa, cunatejj jucha luratat perdón jicjjatañataqui churasqui uca. Naya Tatituw ucjja saracta.

Daniel (hebreo) 9:24

“Pakallko tunca semananacaw pasañapa marcamjjaru, uqhamaraqui kollana marcamjjarusa, uqhamat ñankha luräwiru, juchampiru tucjañataqui, ñankha luräwinacatjja pampachäwi jicjjatañataqui, ucatsti cunatejj chekapäqui uca wiñayataqui utt'ayañataqui, uqhamat unañchäwi uñjcta, uqhamaraqui profecía arunac ist'cta ucanacajj phokhasiñapataqui, ucjjarusti cawquïritejj kollanäqui ucajja Diosar catuyatäjjañapcama.

Levítico 16:21

uca cabriton p'ekepjjaru amparapa lokjjatasasti, israelita jakenacan ñankha luratanacapa, Dios toke sayt'asitanacapa, uqhamaraqui take juchanacapwa arsuraquini, uqhamatwa uca cabriton p'ekepjjaru take juchanacjja apjjatjjani, ucatsti cawquïri jaketejj uca apañataqui ajllitäqui ucaw uca cabritjja wasararu irpjjaraquini antutnucunjjañataqui.

Levítico 16:24

Uca quipca kollana chekanwa jarekasjjaraquini, isthapisitatsti mistunjjaraquiniwa jupa quipcat sacrificio loktañataqui, uqhamarac take jakenacataquisa, ucampiwa jupan juchanacapata uqhamarac jakenacan juchanacapatsa pampachasïwi jicjjataraquini.

Levítico 22:21

“Cawquïri jaketejj Tatituru mä sumancthapiña sacrificio loktani ucasti mä arsüwita phokhañataquïpasa, jan ucajj chuymapatjama churaña ofrendäpasa, ucanacasti mä c'umara orko vacäñapawa, jan ucajj mä c'umara ovejäñapawa, ucampisa ucanacajj c'umara uywanacäñapawa uqhamata catokatäñapataqui.

Levítico 22:27

“Cunapachatejj uywanacamajj mä vaca kallu wawachani, jan ucajj mä orko oveja kallsa, jan ucajj mä cabritsa wawachapjjani ucapachasti uca kallunacajj taycap jac'ancasipcaniwa pakallko urunaca phokhasiñapcama, ucampisa quimsakallko uru phokhasjjepansti uca kallunacajj taycapatjja apakatäjjaraquispawa Tatituru sacrificiot nact'ayasin loktañataqui.

Levítico 3:13

ucatsti amparapjja uca uywan p'ekepjjaruw lokjjatani, ucatwa qharinucjjaraquini Tatitump Jiquisiñ Carpa nayrakatana.

Levítico 3:2

Qhititejj ofrenda loktcani ucajj, loktatäqui uca uywan p'ekepjjarojja amparap lokjjatañapawa, ucatsti qharinucuñapawa Tatitump Jiquisiñ Carpar mantañäquis ucawjaru. Ucatsti sacerdotenacaw altarjja wilampi patata, thiyanacata ch'ajjchsupjjani.

Levítico 3:8

ucatsti amparapjja uca uywan p'ekepjjaruw lokjjatani, ucatwa qharinucjjaraquini Tatitump Jiquisiñ Carpa nayrakatana. Ucatsti sacerdotenacajj uywan wilapjja altar patjjamppacha thiyanacamppacha ch'ajjch'upjjaraquini.

Levítico 4:15

cawqhantejj take jilïri jakenacajj uca orko vacan p'ekepjjaru amparanacap lokjjatapjjani Tatitun nayrakatapana, ucqharpacharaquiw qharinucupjjani.

Levítico 4:20

jan ucajj uca orko vacampejj cunjämatejj juchat sacrificio mä yakha orko vaca loktapcänjja uca quipcaraquiw loktañapa, uqhamat sacerdotejj jupanacataquejj juchanacap pampachatäña jicjjatani, ucatsti juchanacapajj perdonatäjjaraquiniwa.

Levítico 4:24

Uca cabriton p'ekepjjaru amparap lokjjatasaw qharinucjjaraquini Tatitun nayrakatapana, cawqhantejj naqhantayañataqui uywanacajj qharinucutäqui ucqharu, juchat sacrificio loktatätap laycu.

Levítico 4:26

Liq'sti takpachwa altarjjaru naqhantayjjaraquini, cunjämatejj sumancthapiñatac loktat liq'jja naqhantayapqui uca quipca, uqhamat sacerdotejj jilïritaquejj juchapat pampachatäña jicjjatañapataqui, juchanacapasti perdonatäjjaraquiniwa.

Levítico 4:29

Uca kachu cabran p'ekepjjaru amparapa lokjjatasawa qharinucjjani, cawqhantejj naqhantayañatac uywanacajj qharinucutäqui ucqharu,

Levítico 4:31

Uqhamaraquiw takpach liq'jja apsuraquini, cunjämtejj sumancthapiñatac loktäwitjja apakasejja uqhamaraqui, ucatsti uca liq'jja altarjjaruw nact'ayjjaraquini Tatitutac suma k'apquiri ofrendata, uqhamat sacerdotejj uca jaketaquejj juchapat pampachatäña jicjjatani, juchanacapasti perdonatäjjaraquiniwa.

Levítico 4:33

amparapjja ovejan p'ekepjjaruw lokjjatani, ucatwa qharinucjjaraquini juchata loktatäñapataqui, cawqhantejj naqhantayatäñataqui uywanacajj qharinucutäqui ucawjaru.

Levítico 4:35

Ucatsti liq'ejj apakatäñapawa takpacha, cunjämatejj sumancthapiñatac loktäwitjja apakasejja uqhama, liq'sti altarjjaruw nact'ayjjaraquini, Tatitutaqui suma k'apquiri ofrendata; uqhamat sacerdotejj uca jaketaquejj juchapat pampachatäña jicjjatani, juchanacapatsti perdonatäjjaraquiniwa.

Levítico 4:4

Tatitun nayrakataparuw apani Tatitumpi Jiquisiñ Carpar mantañäquis ucqharu; ucanwa amparapa uywan p'ekepjjaru lokjjatani, ucatsti qharinucjjaraquiniwa Tatitun nayrakatapana.

Levítico 5:6

ucatsti jucha luratapatjja mä kachu oveja Tatitur loktani, jan ucajj mä kachu cabräpasa, uca loktäwimpiw sacerdotejj uca jaken juchapataquejj pampachatäña jicjjatani, juchapasti perdonataraquïniwa.

Levítico 6:7

Ucatsti sacerdotejj take uca juchanaca, cawquïrïpasa, ucanac luratatsti, uca jaketaquejj juchat pampachatäña jicjjatani, uca juchasti perdonatäjjaraquiniwa.”

Levítico 8:14

Ucjjarusti Moisesajj cuna orko vacatejj jucha luratata loktascän ucwa irptayaniraquïna, ucatsti Aaronampi, wawanacapampejj uca orko vacan p'ekepjjaruraquiw amparanacapa lokjjatapjjäna.

Levítico 8:18

Moisesasti cuna orko ovejatejj naqhantayaña ofrendata loktañataquïcäna ucwa jac'aru irptayaniraquïna, ucatsti Aaronampi, wawanacapampiw, uca orko ovejan p'ekepjjarojja amparanacapa lokjjatapjjaraquïna.

Levítico 8:22

Ucatsti Moisesajj janc'aquiw yakha orko oveja irptayaniraqui, cawquïritejj sacerdoteta Tatitur catuyasiñataqui uscutäqui uca, ucat Aaronampi, wawanacapampisti uca ovejan p'ekepjjaruw amparanacap lokjjataraquïna.

Levítico 9:7

Moisesasti Aaronarojj saraquïnwa: “Altarar jac'achasinim, ucatsti cuntejj juchamata, sacrificio take nact'ayasin loktcäta uca loktaraquim, uqhamat juma pachpataqui juchat pampachatäña jicjjatañamataqui, ucatsti take jakenacan ofrendanacapsti loktaraquim juchanacat pampachatäña catokañataqui, cunjämtejj Tatitojj sisctam uqhamarjama” sasa.

Números 15:25

Ucjjarusti sacerdotew mä loktäwi lurani take Israel marcatac perdón jicjjatañataqui. Nayajj jupanacarojj perdonäwa, jan munasin pantjasipjjatap laycu; ucatsti jupanacajj ofrenda churapjjetani, uqhamarac mä sacrificio juchanacapata.

Números 15:28

Sacerdotesti mä loktäwi lurani nayrakatajjana, uca jaketac perdón jicjjatañataqui, nayasti juparojj perdonäwa.

Números 25:13

Ucatwa jupampiru, wawanacapampirojj wiñayatac sacerdote sarnakañ churä, jupan nayjama coleratap laycu, uqhamata israelitanacataqui perdón jicjjatatap laycu —sasa.

Números 8:10

Ucatsti levitanacarojj nayan nayrakatajjaruw uñstayitäta, ucat israelitanacajj jupanacaru amparanacapampi p'ekepjjaru lokjjatapjjaraquini.

Números 8:12

Ucatsti levitanacajj vaca kallun p'ekeparuw amparanacapampi lokjjatapjjani, ucapachasti mä vaca kalluw juchanacat sacrificio loktatäni, maynïristi levitanacar k'omachañataqui naqhantayasina loktataraquïniwa.

Romanos 12:1

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

Romanos 3:25

Diosasti Jesucristoruw juchan pagopjama uchi, jupan jiwäwip laycu khespiyasiñajj utjañapataqui, iyawsäwi toke. Take acanacasti lurasiwa jupan llamp'u chuymapajj uñstañapataqui nayra juchanacas perdonatapatjja.

Romanos 5:11

Janiw ucaquïcaraquiti jan ucasti Diosancjjasinjja cusisiractanwa Jesucristo toke, Tatit Jesucristos tokew Diosampejj sumancthapitäjjtanjja.

Filipenses 4:18

Nayajj takwa jilarquir catokjjta. Epafroditompi apayanipquistas ucjja, jichhasti jilarquiriw utjitu. Cuntejj apayanipquistas ucajj mä suma k'apquiri inciensöcaspas uqhamwa Diosajj mä suma sacrificiot catokaraqui.

Hebreos 10:4

Toronacan, cabritonacan wilapasti janiw cunapachas juchanacjja apakcaspati.

1 Juan 2:2

Tatit Jesucristow jacañap loktasiwayi uca tokew juchanacasajj perdonatäjje, janiw jiwasan juchanacasacti, jan ucasti take aca orakpachan juchanacapa.