1 Juan 1:3 - Qullan Arunaka DC

³ Nanakax kuntix uñjapkta, ist'apkarakta uk jumanakarux yatiyapxsma, ukhamat jumanakan nanakampi mayakïpxañamataki, kunjämatix nanakax Dios Awkimpi, Jesucristo Yuqapampis mayakïpkta ukhama.

Aymar Bibliia 1986

³ Khanañchapjjsmaw jumanacaru cuntejj uñjapjjtjja, ist'apjjaractjja ucjjata, jumanacajj nanacampi mayachasipjjañamataqui cunjämatejj nanacajj chekpachansa mayaquïpjjtjja Dios Awquimpi, uqhamarac Jesucristo Yokapampisa.

Qullan Arunaca

³ Khanañchapjjsmaw jumanacaru cuntejj uñjapjjtjja, ist'apjjaractjja ucjjata, jumanacajj nanacampi mayachasipjjañamataqui cunjämatejj nanacajj chekpachansa mayaquïpjjtjja Dios Awquimpi, uqhamarac Jesucristo Yokapampisa.

1 Juan 1:3 Jak'a apnaqawi uñst'ayäwi

Job 13:1

Taqi akanak pachpa nayraxampiw uñjta, pachpa jinchuxampiw ist'arakta.

Salmos 2:7

Tatitun arsutap yatiyä: Jupax situwa: “Jumaw nayan wawaxätaxa: jichhüruw jumarux jakañ chursma.

Salmos 22:22

22 (23) Nayasti jilanakaxaruw jumat yatiyä, tantachasïwinakapan yupaychäma.

Isaías 66:19

Nayax mä chimpu churapxäma: ukatsti yaqha markanakaruw khithapxäma, Tarsis, Libia, Lidia, Tubal, Grecia markanakaru, ukhamarak quta tuqinkir jaya markanakaru, uka markanakasti janipuniw nayxat parlir ist'apxirïkänti, janirakiw nayan jach'a kankañaxsa uñjapxirïkänti; uka khithatanakaw nayan jach'a kankañaxat markanakar yatiyapxani.

Números 10:32

Nanakamp chikatix sarätaxa, kuna suma yänaktix Tatitux churapkitani ukanakat jaljt'asiñäni —sasa.

Juan 17:11

“Qullan Awkixay, nayax janiw akapachankxäti, jupanakasti akapachan qhiparapxani, juma jak'ar nayan jutañaxkama. Awkixay, jupanakaruy imam, kawkïr ch'amtix churkista uka ch'amampiy imam jupanakan mayakïpxañapataki, kamisatix jumampi nayampix mayakïktan ukhama.

Juan 17:21

Awkixay, jupanakan mayakïpxañapatakiw maysma, ukhamarak jiwasampis mayakïpxañapataki, kamisatix jumax nayankta, nayas jumankarakta ukhama, ukhamat akapachankirinakan juman nayar khithanitam iyawsañapataki.

Juan 17:25

Chiqpach suma Awkixay, akapachankirinakax janiw uñt'apktamti; ukampis nayax uñt'smawa, jupanakasti juman nayar khithanitam yatipxaraki.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 19:35

Uk uñjiriw akham arsüna, chiqpun arsüna; jupax chiq arsutap yatïnwa, ukhamat jumanakan iyawsapxañamataki.

Hechos 13:32

“Nanakasti jumanakarux kuntix Diosax nayra awkinakasar arsuwaykän uka suma arunak yatiyasipksma.

Hechos 13:41

‘Uñtapxam, jisk'achirinaka, muspharapxam, chhaqtapxarakim; jan amuyt'añ luräwinak urunakaman lurä, jumanakasti janiw ukanakax: “Chiqaw” sapkätati, jumanakar ukanak yatiykipansa.’ ”

Hechos 2:42

Jupanakasti apostolunakan yatichäwiparjamaw, maynit maynikam suman jakasipxäna, t'ant'a pachjañataki, Diosat mayisiñatak tantachasisa.

Hechos 20:27

nayax jumanakar jan kuns imt'asaw Diosan taqpach amtäwinakap yatiyapxsma.

Hechos 4:20

Nanakax janipuniw amukt'apkiristti kuntix uñjapkta ist'apkarakta ukanakat arsuñxa —sasa.

Romanos 15:27

Jupanakax chuymapatjam amtasipxäna, jupanakan ukham lurañapax wakiskchïn ukasa, kamisatix Cristor iyawsir judionakax ajay tuqin askinak jan judiöpkis ukanakamp jaljasipkäna, ukhamarakiw jupanakax iyawsir judionakarux janchi tuqin yanapt'apxañapa.

1 Corintios 1:30

Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

1 Corintios 1:9

Diosax arsutanakap phuqhapuniwa, jupaw jumanakarux jawsapxtam, Jesucristo Tatitusa Yuqapampi mayachat jakañataki.

1 Corintios 15:1

Jichhasti jilatanaka, Diosan suma yatiyäwi arunak yatiyapksma ukat amtasipxañam munta. Jumanakax uka suma yatiyäwi arunak iyawsapxta, ukarjamarakiw sayt'atäsipktaxa.

Efesios 3:6

Uka jan amuyt'kañ amtäwix akawa: Tatitun qhispiyasiñ arunakap tuqiw jan judiöpkis ukanakax judionakamp chik pachpa waxt'äwi katuqapxani, ukhamarak mä sapa markar tukutakïpxani, kuntix Diosax Jesucristo tuqi arsuwaykäna uksa, katuqapxarakini.

Filipenses 1:7

Jumanakat ukham lup'iñaxax askiwa, nayasti jumanakarux walpun munasipxsma, katuntat uñjasïwixana, jilïrinak nayraqatan qhispiyasiñ arunakax chiqaw sas arsusïwixana, jumanakax nayampi chikäpxtawa.

Filipenses 2:1

Ukhamasti, Cristotix ch'amañchañ chuyma churapxstam, munasiñanakam laykutix mayninakar chuymachapxsta, taqinis uka kipka Ajayunïpxsta, chuymanakamansa khuyapayasiñan phuqt'atäpxaraksta ukax,

Filipenses 3:10

Nayax Cristorukiw uñt'añ munta, jakatatäwipan ch'amap katuqañ munta, jupjam t'aqhisiñ munta; jupjam jiwañ munta,

Colosenses 1:13

Diosax ch'amakanakan munañapat qhispiyistu, Jesucristo Yuqapan qhapaq markaparuw irpantistu,

1 Tesalonicenses 1:10

Diosan Jesús Yuqapar alaxpachat kutiniñap suyapkta ukanakata, juparusti Diosaw jiwatanak taypit jaktayäna. Jesusasti, jutkani uka axsarkañ mutuñat qhispiyistu.

1 Timoteo 6:2

Mayninakatix Tatitur iyawsir uywirinakanïchixa, janiw Tatitur iyawsatap laykukit taqi kunansa ist'asirïñapäkixa. Jan ukasti, uywatanakax juk'amp suma uñjañampiw luqtapxañapa, khitinakatix jumanakan aski luräwinakam katuqapktam ukanakax Tatitur iyawsirinakawa, munat jilatanakarakiwa. Ukhamasti, kuntix siskäm uk yaticham:

Hebreos 2:12

Qillqatansti akham siwa: “Jilanakaxaruw sutimat yatiyä, tantachasïwi taypin q'uchunakampiw yupaychäma” sasa.

Hebreos 3:1

Ukhamasti, jilatanaka, jumanakasti Diosan jawsat qullan markapäpxtawa, Cristo Jesusax Apostoluwa, Jilïr sacerdoterakiwa, wali amuyumpi lup'ipxam, iyawsäwisax jupïpan uñacht'ayasi.

Hebreos 3:14

Jiwasanakax Cristompi chika katuqirïpxtanwa, jiwasatix tukuykam arkañän ukapacha, kunjämatix qalltatpach iyawsktan ukarjama.

1 Pedro 5:1

Jichhasti iglesia irpirinakaruw iwxt'añ munta, Nayasti jupanakjam irpirirakïtwa, Criston t'aqhisitanakapsa sum uñjarakta, Cristox kuttankan ukapachaxa, jupamp chikarakiw jach'a k'ajkir qhanapankäxa.

2 Pedro 1:16

Kuna yatichäwinaktix jumanakar Jesucristo Tatitusan ch'amapxata, jutäwipxat yatichapksma ukanakax janiw jaqinakan aliq säwi arunakakïkänti, jan ukasti nanakaw nayranakaxamp Tatitun qhapaq kankañap uñjapxta.

1 Juan 1:1

Kunatix qalltatpach utjkäna, kuntix nanakax ist'apkta, kuntix uñjapkarakta ukanakat qillqanipxsma. Nanakaw uñjapxta, amparanakaxampiw llamkt'apxarakta. Ukasti jakañ Aruwa.

1 Juan 1:5

Jesucristox aka arunak nanakarux yatichapxitäna, uksti jumanakaruw yatiyapxsma: “Diosax qhanawa, janiw jupan kuna ch'amakas utjkiti”

1 Juan 1:7

Ukampis jiwasatix qhanan jakañäni, kunjämatix Diosax qhanankki ukhamxa, maynit maynikamax mayakïtanwa, Jesucristo Yuqapan wilapasti taqi juchanakasat q'umachistu.