1 Juan 1:3 - Qullan Arunaca

³ Khanañchapjjsmaw jumanacaru cuntejj uñjapjjtjja, ist'apjjaractjja ucjjata, jumanacajj nanacampi mayachasipjjañamataqui cunjämatejj nanacajj chekpachansa mayaquïpjjtjja Dios Awquimpi, uqhamarac Jesucristo Yokapampisa.

Aymar Bibliia 1986

³ Khanañchapjjsmaw jumanacaru cuntejj uñjapjjtjja, ist'apjjaractjja ucjjata, jumanacajj nanacampi mayachasipjjañamataqui cunjämatejj nanacajj chekpachansa mayaquïpjjtjja Dios Awquimpi, uqhamarac Jesucristo Yokapampisa.

Qullan Arunaka DC

³ Nanakax kuntix uñjapkta, ist'apkarakta uk jumanakarux yatiyapxsma, ukhamat jumanakan nanakampi mayakïpxañamataki, kunjämatix nanakax Dios Awkimpi, Jesucristo Yuqapampis mayakïpkta ukhama.

1 Juan 1:3 Jak'a apnaqawi uñst'ayäwi

Job 13:1

Take acanacsti pachpa nayranacajjaw uñji, naya quipcaw ist'aracta.

Salmos 2:7

Tatitun arsutap yatiyä: Jupajj situwa: “Jumaw nayan wawajjätajja: jichhüruw jumarojj jacañ chursma;

Salmos 22:22

Nayasti jilanacajjaruw jumat yatiyä, tantachasïwinacapan jach'ar aptäma.

Isaías 66:19

Nayajj mä chimpu churä: yakhepanacarusti jaltayaraquïwa, marcanacaruw qhitaraquï, Tarsis, Libia, Lidia, ucanacaru cawqhantejj flecha sum apnakañ yatipqui uca marcaru, Tubal, uqhamaraqui Grecia, kota tokenquir jaya marcanacar cuna, uca marcanacasti janipuniw nayjjat parlirjja ist'apjjerïcänti, janiraquiw nayan jach'a cancañajjsa uñjapjjerïcänti; jupanacaraquiw nayan jach'a cancañajjat marcanacar yatiyapjjani.

Números 10:32

Jumatejj nanacampi chica saräta ucqhajj jaljasiñäniw cawquïri suma yänactejj Tatitojj churquistan ucjja —sasa.

Juan 17:11

“Nayajj janiw acapachancjjäti, ucampis jupanacajj acapacharuw kheparapjje, nayasti jutjjtwa jumampïñataqui. Kollan Awquejja, cawquïrinactejj churquista ucanacarojj ch'amamampiy imam jupanacajj mayaquïpjjañapataqui, cunjämatejj jumampi nayampejj mayaquïctanjja uqhama.

Juan 17:21

Mayiracsmawa Awquejja, jupanacajj mayaquïpjjañapataqui, uqhamarac jiwasampis mayaquïpjjañapataquiraqui, cunjämtï jumajj nayanctajja, nayajj jumancaractjja uqhama. Jupanacajj mayar tucutaquïpjjpan, jumajj nayaru qhitanquista uc acapachajj iyawsañapataqui.

Juan 17:25

Suma Awquiy, acapachajj janiw uñt'ctamti, ucampis nayajj uñt'smawa, acanacasti yatjjapjjewa juman nayaru qhitanitama.

Juan 17:3

Aca wiñay jacañajj juma sapa chekpach Diosar uñt'añanwa utji, uqhamarac Jesucristoru cawquïrirutejj jumajj qhitancta ucaru.

Juan 19:35

Uñjqui ucaw aqham saraqui, ucasti chekawa. Cunatejj chekäqui ucwa jupajj arsu, jumanacajj iyawsapjjañamataqui.

Hechos 13:32

“Nanacasti jumanacarojj cuntï Diosajj awquinacasar arsuwaycäna uca suma arunacwa yatiyapjjsma.

Hechos 13:41

‘Yatipjjam, larusirinaca, muspharapjjam, ina ch'usar tucupjjaraquim. Naya Diosaw jumanacan urunacamanjja jach'a luräwinac lurta. Ucanacarusti janiw jumanacajj: ‘Chekaw’ sapcätati, ni qhiti jumanacar ucanac yatiyquïpansa.’ ”

Hechos 2:42

Takeniw sum arcapjjäna cunjämtejj apostolonacajj yatichcäna uqhamarjama, maynit maynicama suman jacasisa. Uqhamaraquiw tantachasipjjäna Diosat mayisiñataqui, t'ant'a pachjañataquisa.

Hechos 20:27

Nayasti jumanacarojj yatiyapjjsmawa takpach Diosan thaquipatjja, jan cuns imt'asa.

Hechos 4:20

Nanacajj janipuniw amuct'apquiristti cuntï uñjapcta ist'apcaracta ucanacat arsuñjja —sasa.

Romanos 15:27

Jupanacataquejj uqham lurañajj wali sumawa. Chekpachansa jupanacajj manüpjjewa, Judeancquis uca iyawsirinacajj jaljasipjjänwa ajay token catokcatayna ucjja jan judiöpquis ucanacampi, ucatsti jupanacajj yanapapjjañaparaquiwa judionacarojj janchi tokenjja.

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

1 Corintios 1:9

Diosajj arsutanacaparojj phokhapuniwa. Juparaquiw Jesucristo Tatitusampi chekäpjjañamataqui jawsapjjtamjja.

1 Corintios 15:1

Jichhajj jilatanaca, muntwa cuna khespiyasiñ arunactï yatiyapcsma ucanaca amtasipjjañama. Uca arunacjj jumanacaw catokapjjtajja, ucanaracwa jichhas sum sayt'asisipctajja.

2 Corintios 13:14

Jesucriston bendicionapasa, Diosan munasiñapasa, Kollan Ajayun jiwasampïñapasa jumanacampipunïpan.

Efesios 3:6

Uca jan amuyt'caña imantatajja acawa: Tatitun khespiyasiñ arunacap tokew jan judiöpquis ucanacajj judionacamp chica pachpa herencia catokapjjani, uqhamarac mä cuerporu tucutaquïpjjewa, Cristo Jesusar Diosajj arsuwaycäna ucsa catokapjjaraquiniwa.

Filipenses 1:7

Uqham amuyatajjasti asquiwa, jumanacarusti walpun munasipjjsma, nayamp chicaraquiw jumanacajj take bendicionanacsa catokapjjtajja carcelt'atäñajjansa, autoridadanac nayrakatan arsuñansa, khespiyasiñ arunac arjjatañansa, uqhamarac uca khespiyasiñajj chekawa sañansa.

Filipenses 2:1

Uqhamasti Cristotejj ch'amañchapjjstam, jupan munasiñaparaqui chuymachapjjstam, Ajayuparaqui jumanacampïchi, jupan munasiñapsa qhuyapayasiñapsa uñt'apjjsta ucqhajja,

Filipenses 3:10

Cristoruquiw uñt'añ munta, jacatatäwipan ch'amap catokañ munaracta, t'akhesiñanacapan chekäñ munta, jiwañansti jupjamaw jiwañ munaracta,

Colosenses 1:13

Diosaw jiwasarojj ch'amacanacan munañapat khespiyanistu, Jesucristo Yokapan apnakatäñataquiw uchasiraquistu.

1 Tesalonicenses 1:10

Uqhamaraquiw parlapjje jumanacatjja cunjämtejj Jesusar alajjpachat cutt'aniñap suyapcta ucsa, cawquïrirutejj Diosajj jiwatanac taypit jactaycänjja ucaru. Jupaw ajjsarcañ mutuña jutqui ucatjja khespiyistu.

1 Timoteo 6:2

Mayninacatejj iyawsir uywirinacanïchejja, janiw iyawsirïtap laycuquiti juc'ac ajjsaratañapäquejja, jan ucasti uywatanacajj juc'amp suma uñjañampiw sirvipjjañapajja, qhitinacatejj jumanacan asqui luräwinacam catokapctam ucanacajj iyawsir uywirinacawa, munat jilatanacaraquiwa.

Hebreos 2:12

Kellkatanjja aqham siwa: “Jumatjja jilanacajjaruw parlä, tantachasïwi taypina jumarojj k'ochunacampi yupaychäma” sasa.

Hebreos 3:1

Uqhamajj Diosar catuyat jilatanaca, jumanacasti qhitinacarutï Diosajj jupatac jawsapctam ucanacäpjjtawa. Wal amuyapjjam Cristo Jesusatjja, jupasti iyawsañan arcäwisanjja mä apostolowa jilïri sacerdoteraqui.

Hebreos 3:14

Tucuycamatejj take chuyma arcañäni take iyawsañampi, cunjämatï kalltatpacha utjquistu uqhama, ucapachajj Cristompejj utjistuw cunatejj jiwasanccani ucajja.

1 Pedro 5:1

Jichhasti ewjja arunacracwa jilïri chuymaninacaru iglesianacamanjja churta. Nayasti jupanacjam jilïri chuymaniraquïtwa, Criston t'akhesitanacapatsa testigoraquïtwa, jupanac chicaraquiw Criston jach'a c'ajquir khanapancäjja uñstancan ucapachajja.

2 Pedro 1:16

Cuna yatichäwinactejj jumanacar Jesucristo Tatitusan ch'amapjjata, uqhamarac jutäwipjjat yatichapcsma ucanacajj janiw jakenacan alek säwi arunacäcänti, jan ucasti nanacaw nayranacajjamp Tatitun khapak cancañapjja uñjapjjta.

1 Juan 1:1

Kellkanipjjsmawa jumanacaru qhititejj utjcapunïna, cunapachatï take cunas kalltascäna ucqhatpacha. Nanacasti jupa pachpatwa ist'apjjta, uqhamarac quicpa nayranacajjampis uñjapjjaracta, uñcatapjjaracta, amparanacajjampis llamct'apjjaracta, ucasti jacañ Aruwa.

1 Juan 1:5

Aca arunacwa Tatit Jesucristojj nanacarojj yatichapjjetäna, ucracwa jumanacarojj yatichapjjsma: “Diosajj khanawa, janiw cuna ch'amacas jupanjj utjquiti” sasa.

1 Juan 1:7

Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.