Juan 2:22 - Qullan Arunaka DC

Yatiqirinakapasti Jesusax jiwatat jaktkän ukapachaw uka arsutapat amtasipxäna, ukatsti jupanakax Qillqatan chiqätap iyawsapxäna, Jesusan arsutanakaparus iyawsapxarakïna.

Aymar Bibliia 1986

Ucatwa, cunapachatejj Jesusajj jiwatat jactjjän ucqhaw discipulonacapajj amtapjjäna aca arsutapa, Kellkatarus “chekaw” sapjjaraquïnwa, uqhamarac Jesusan arsutanacaparusa.

Qullan Arunaca

Ucatwa, cunapachatejj Jesusajj jiwatat jactjjän ucqhaw discipulonacapajj amtapjjäna aca arsutapa, Kellkatarus “chekaw” sapjjaraquïnwa, uqhamarac Jesusan arsutanacaparusa.

Juan 2:22 Jak'a apnaqawi uñst'ayäwi

Salmos 16:10

Janiw jumax jiwar katxaruykitätati, ¡janirakiw arkiriman janchipa ñusantañapsa munkätati!

Lucas 24:26

¿Janit Criston alaxpachar janïr aptatäkasin taqi akanak t'aqhisiñapax wakiskänxa? —sasa.

Lucas 24:44

Ukat jupanakarux sarakïna: —Kunatix nayamp luraski ukax, kuntix jumanakampïkasa sapkäyäsma ukaw lurasiski: taqi kunatix naya tuqit qillqatäki Moisesan kamachipana, profetanakan qillqatapana, ukhamarak Salmonakana, taqi ukanakaw phuqhasiski.

Juan 12:16

Yatiqirinakapax akanak janiw qalltan amuyt'apkänti; kunapachatix Jesusax alaxpachar aptatäxän ukkhakiw taqi akanakat jupxat qillqatäskatapa, ukhamarjam phuqhasiskatap amtapxäna.

Juan 14:26

ukampis Awkix nayan sutixar khithanki uka Chuymachasir Qullan Ajayuw jumanakar taqi kun yatichapxätam, ukatsti kuntix nayax sapksma ukanak amtayapxarakïtam.

Juan 16:4

Aksti sapxsmawa, kunapachatix uka urux purinkani ukkhax, kuntix sapksma uk amtasipxañamataki. “Ukanaksti janiw qalltatpach sapkäyäsmati, nayan jumanakampïskatax layku.

Juan 2:11

Kuntix Jesusax Galilea uraqinkir Caná markan lurkän ukax nayrïr muspharkañ luräwipänwa; uka luräwimpiw ch'amap uñacht'ayäna, yatiqirinakapasti juparux iyawsapxarakïnwa.

Juan 2:17

Yatiqirinakapasti Qillqatan siski uk amtapxäna: “Utamar munañaw ninjam nakhantitu” sasa.

Juan 2:2

Jesusampi, yatiqirinakapampisti uka jaqichasïwir jawsayatäpxarakïnwa.

Hechos 11:16

Ukapachaw nayax Tatitun uka arunakapat amtasta: “Juanax chiqpachansa umampiw bautisäna, ukampis Diosax jumanakar Qullan Ajayumpiw bautisapxätam” sasa.

Hechos 13:33

Uksti jiwasa, jupan wawanakaparux Diosax arsutap phuqhistuwa, Jesusar jaktayasa, kamisatix payïr Salmo q'uchun qillqatäki ukhamarjama: ‘Jumaw nayan wawaxätaxa; nayaw jichhax jumar jakañ chursma’ sasa.