Lucas 24:44 - Qullan Arunaka DC

⁴⁴ Ukat jupanakarux sarakïna: —Kunatix nayamp luraski ukax, kuntix jumanakampïkasa sapkäyäsma ukaw lurasiski: taqi kunatix naya tuqit qillqatäki Moisesan kamachipana, profetanakan qillqatapana, ukhamarak Salmonakana, taqi ukanakaw phuqhasiski.

Aymar Bibliia 1986

⁴⁴ Ucjjaruw saraquïna: —Cunatejj nayamp lurasqui ucajj cunatejj jumanacampïsin sapcäyäsma ucawa: Phokhasiñapänwa take cunatejj naya toketjj kellkatäqui Moisesan leyipana, profetanacan libronacapana, uqhamarac Salmonacansa ucanacajja.

Qullan Arunaca

⁴⁴ Ucjjaruw saraquïna: —Cunatejj nayamp lurasqui ucajj cunatejj jumanacampïsin sapcäyäsma ucawa: Phokhasiñapänwa take cunatejj naya toketjj kellkatäqui Moisesan leyipana, profetanacan libronacapana, uqhamarac Salmonacansa ucanacajja.

Lucas 24:44 Jak'a apnaqawi uñst'ayäwi

Génesis 14:18

Salem markankir Melquisedec reyisti, khititix alaxpachankir Diosan sacerdotepäki ukax t'ant'ampi, vinompi apsunirakïna,

Génesis 22:18

aka uraqinkir taqi markanakarakiw jupanak tuqi aski waxt'äwinak katuqani, nayar ist'atamata” —sasa.

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

Salmos 118:22

Utachirinakan jaqunukut qalaxa, wakiskir qalaruw tukxi.

Isaías 28:16

Ukat Tatitux saraki: “Nayawa Jerusalén markatakix mä suma ajllit jila alan qala tukurakï, jach'a wakiskir qaläyäwa, uta qalltan mä wakiskir qalapjamäyäwa. Khititix nayar katuyasis jakanixa, jakäwipax sumakipunïniwa.

Isaías 52:13

Luqtirixax taqi kunan atipjani, wali jach'ar aptatäniwa.

Isaías 7:14

Tatitu kipkaw jumanakarux mä chimpu churasipkätam: Tawaqux usur jaqiptatawa, mä yuqall wawa wawachasini, Emanuel sasarakiw sutichani, ukasti “Tatitusti jiwasampïskiwa” sañ muni.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Jeremías 23:5

Tatitux siwa: “Mä uruw purinini Davidan wawapax reyïkani uka uru, jupax wali amuyt'ampiw sarayani, chiqpach luräwimpiw aka marka apnaqani.

Jeremías 33:14

Tatitux siwa: “Kuna suma waxt'asïwinaktix Judá markaru, Israel markarus churañ arskäyäta uka urux purininiwa.

Ezequiel 17:22

“ ‘Naya, Tatituw arsta: Jichhasti nayax cedro quqan alay laymip katurakï; suma wawa alïkis uk apaqarakï, ukatsti naya kipkaw mä jach'a qullu patar ayruntä,

Ezequiel 34:23

David luqtirixaruw kuttayanxä, jupa saparukiw ovejanakaxa awatiñapatakix uskt'ä, jupaw uñjani. Jupaw awatiripäni.

Daniel (hebreo) 2:44

Ukampisa, uka reyinakan marka apnaqäwip urunakansti, alaxpachankir Diosax mä rey khithanini, marka apnaqäwipasti wiñayatakïniwa, juparusti janiw khitis atipjkaniti, jan ukasti, jupaw taqi marka apnaqäwinakar tukjani.

Daniel (hebreo) 7:13

“Nayax uka unañchäwinak arumax uñjaskakïyätwa: “Qinayanak taypin maynir jutaskir uñjta, jaqin yuqapar uñtata, jupasti chuymani Jilïr jaqiruw jak'achasi, ukat nayraqatapar irpkatapxaraki.

Oseas 3:5

Uka qhipatsti israelitanakax kuttanxapxaniwa, Tatit Diosaparuw thaqhapxani, David reyiparuw thaqhapxarakini. Uka qhipa urunakansti, askinak katuqapxatapatxa, alt'at chuymampiw Tatitur jak'achasipxani.

Amós 9:11

“Davidan tinkut utap wasitat sayt'ayañ urux jutaskiwa. Pirqa p'iysutanaksa phuqhantäwa, pirqa tinkutanaksa wasitat sayt'ayä, kunjamäkäntix nayrapachax ukham lurt'arakï,

Zacarías 12:10

Davidat saraqiri wila masinakapampiru, Jerusalén markan jakirinakampirux, khuyapayasiñampi mayisiñ ajayumpiw phuqt'ä. Ukkhaw khitirutï chhuxriñchapki ukarux uñkatapxani, ukatsti jupat llakisipxaniwa, jachapxarakiniwa, sapa yuqall wawa jiwayasiri jaqjama, jan ukax jilïr wawan jiwatapatjama.

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Zacarías 14:4

Uka urusti Tatitux Olivos qullu patxaruw utjnuqasini, Jerusalén marka uñkatasina, inti jalsu tuqina. Olivos qullurux payaruw jaljtayani, mä chikat qullux amsta tuqiruw jitt'ani, mä chikatasti aynach tuqiruw jitt'arakini, uka taypix mä jach'a qhirwaruw tukuni inti jalsuta inti jalantkama,

Zacarías 6:12

Juparusti sarakim: ‘Taqi ch'amani Tatitux siwa: Machaqa Külli sutini chachatxa, kipka saphinakapat mistusin Tatitun utap wasitat sayt'ayani.

Zacarías 9:9

¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.

Números 21:8

Tatitusti jupar sänwa: —Uka katarinak kipka mä katari lurasim, ukatsti mä wiphalan lawapar uk warkkatam. Maynitix katarin mich'intat uñjasinixa, uka warkkatat katarir uñtpan, ukatsti janiw jiwkaniti —sasa.

Números 35:25

Jan munkasin jaqi masipar jiwayir jaqirux markaw arxatañapa, phuqsusiñ munir wila masipata, ukatsti juchañchatarux imantasiñatak jaltkatayna uka markaruw kuttayxañapa. Jiwayir jaqix ukan qhiparañapa, sacerdotenakan jilïripa jakañapkama.

Mateo 1:22

Taqi ukanakasti kuntix Diosax profetap tuqi arskatayna ukarjamaw phuqhasiskäna.

Mateo 16:21

Jesusax uka urut qalltasin yatiqirinakaparux kunatix jupampi luraskani uk qhanañchañ qalltäna, sarakïnwa: “Jerusalén markar sarañaxaw wakisini, ukansti marka apnaqir jilïrinakampi, sacerdotenakan jilïrinakapampi, kamachi yatichirinakampiw wal t'aqhisiyapxitani. Ukan nayarux jiwayapxitani, ukampis kimsüru jiwatat jaktanï” sasa.

Mateo 26:54

Ukhamäspa ukasti, ¿kunjämatarak phuqhasiñapäki uka Qillqatanakasti phuqhasispasti? —sasa.

Mateo 26:56

Ukampis taqi akanakax profetanakan arsutanakap phuqhasiñapatakiw lurasi —sasa. Ukapachaw yatiqirinakax Jesusar sapak jaytawayasin jaltxapxäna.

Marcos 9:31

yatiqirinakapar yatichaskatap layku. Ukat säna: —Jaqin Yuqapax jaqinakan amparapar katuyatäniwa; jupanakasti jiwayapxaniwa, ukatsti kimsür jiwatat jaktxani —sasa.

Lucas 21:22

Uka urunakasti mutuyäwi urunakäniwa, kunjämtix Qillqatan siski ukanakaw phuqhasini.

Lucas 22:37

Nayasti sapxsmawa, kunatix Qillqatanakax nayat siski: ‘Ñanqha luririnakamp jakhutawa’ sasa ukax phuqhasiñapawa. Taqi kunatix nayat qillqatäki ukanakax phuqhasiñapawa —sasa.

Lucas 24:46

ukatsti sarakïnwa: —Qillqatawa: Cristox jiwañapapunïnwa, ukatsti kimsürut jiwatanak taypit jaktañaparakïna;

Lucas 9:22

Ukat sarakïna: —Jaqin Yuqapax wali t'aqhisiñapäniwa; jilïr jaqinakana, sacerdotenakan jilïrinakapana, kamachi yatichirinakan jisk'achatäniwa. Juparux jiwayapxaniwa, ukampis kimsürut jaktani —sasa.

Lucas 9:44

—Ak sum ist'apxam, janirak armasipxamti: Jaqin Yuqapax jaqinakan amparapar katuyatäniwa —sasa.

Juan 3:14

Kunjämtix Moisesax wasaran katari aptäna, ukhamarakiw Jaqin Yuqapax aptatäñapa,

Juan 5:39

Jumanakax taqi amuyumpiw Qillqatanak ullarapxtaxa, uka Qillqatanakan wiñay jakañ jikxatañ amuyasina; ukampisa, Qillqatanakax nayxat parlaskchi ukasa,

Juan 5:46

Jumanakatix Moisesan arsutapar iyawsapxasma ukax, nayarux iyawsapxarakitasmawa, Moisesan nayat qillqatap layku.

Hechos 13:33

Uksti jiwasa, jupan wawanakaparux Diosax arsutap phuqhistuwa, Jesusar jaktayasa, kamisatix payïr Salmo q'uchun qillqatäki ukhamarjama: ‘Jumaw nayan wawaxätaxa; nayaw jichhax jumar jakañ chursma’ sasa.

Hechos 13:40

Amuyasipxam, ukatarak profetanakan yatiyat arsutanakapasti jumanakampi phuqhasiskaspan:

Hechos 2:27

janiw ajayuxar manqhapachan qhiparaykätati janirakiw qullan luqtiriman janchipan ñusjañapsa munkätati.

Hechos 3:18

Ukampis Diosax ukhamat phuqhawayi kuntix profetanakap tuqi arskatayna, Criston t'aqhisiñap wakisitapa.

Hechos 7:37

Uka Moisesarakiw israelitanakar säna: ‘Diosamaw, jumanak taypit nayjam mä profeta sayt'ayani, juparuw ist'apxäta’ sasa.

Hebreos 10:1

Moisesan kamachipax jutañapäkän uka askinakat mä unañchäwikïnwa, janiw chiqpachäki ukäkänti. Ukat uka kamachix jan q'umachkaspati, khitinakatix sapa mara Diosar jak'achasis uka pachpa wilañchanak luqtapki ukanakaruxa.

Hebreos 3:5

Ukhamaw Moisesax Diosan utapan lurañanakampi phuqhäna; jupan lurañapax kuntix Diosax siskän ukanak qhanañchañänwa.

Hebreos 7:1

Melquisedec chachax Salem markan reyipänwa, alaxpachankir Diosan sacerdoteparakïnwa. Kunapachatix Abrahamax reyinakar atipjanisin nuwasïwit kuttankän ukkhaxa, Melquisedec sacerdotex jupar jikxatiriw mistüna, ukatsti askinak churäna,

Hebreos 9:8

Ukampisti Qullan Ajayux akham uñacht'ayañ munistu, Qullan chiqa utjkipanxa, Qullanan Qullanap chiqar mantañatakix janïraw thakhix jist'aratäkänti.

1 Pedro 1:11

Jesucriston Ajayuparakiw profetanakarux nayratpach Criston t'aqhisiñapxata, kuna jach'a kankañatix uka qhipatsa jutañapäkän ukanakat yatiyäna. Uka profetanakasti, Mesiasax khitïnisa, jutäwipax kunapachänisa taqi ukanak yatxatañ munapxarakïna.

Apocalipsis 19:10

Nayasti yupaychañatak angelan nayraqataparuw killt'asta, ukampis jupax situwa: “Jan uk luramti, nayax jumjam luqtirikïtwa, ukhamarak khitinakatix Jesucriston qhanañchatapar taqi chuymampi arkapki ukanakjam luqtirikirakïtwa. Diosaruy yupaycham” sasa. Jesucriston uka qhanañchatapasti Diosat parlirinakaruw amuyt'ayi.