Davidasti angelar jaqinak tukjir uñjasaxa, Tatituruw säna: —¡Nayaw jucha lurta! ¡Nayaw juchanïtxa! ¿Aka jaqinakasti kuna juchanirakisti? ¡Nayasti achikt'asiraksmawa, mutuyäwimax nayampitaki, wila masinakaxampitakïpan! —sasa.
Juan 10:11 - Qullan Arunaka DC Nayätwa suma awatirixa. Suma awatirix jakañap ovejanakap laykux apt'asi; Aymar Bibliia 1986 Nayätwa suma awatirejja. Suma awatirejj jacañapwa apt'asi ovejanacap laycojja. Qullan Arunaca Nayätwa suma awatirejja. Suma awatirejj jacañapwa apt'asi ovejanacap laycojja. |
Davidasti angelar jaqinak tukjir uñjasaxa, Tatituruw säna: —¡Nayaw jucha lurta! ¡Nayaw juchanïtxa! ¿Aka jaqinakasti kuna juchanirakisti? ¡Nayasti achikt'asiraksmawa, mutuyäwimax nayampitaki, wila masinakaxampitakïpan! —sasa.
1 (2) Israel markan awatiripa, ist'apxakitaya, ovej tamar uñtat Josean markapar irpiripa, jaysapxakitaya; querubines sat taypin qunuñaman qunt'asiri, ist'apxakitaya. Efrainan ayllunakaparux uñtanikimaya,
Kunjämatix mä awatirix ovejanakap sum uñjasixa, ukhamarakiw jupax amparapar ovejanak ichxart'asi, jichha wawachat ovej qallunakarus sum uñjaraki.
Taqi jiwasanakaw ovejanakar uñtat chhaqtan, sapa maynis pachpa amtataparjam lurasa, ukampis Diosax jupxaruw jiwasan mutuyatäñanakas apxaruyi.
“Jumasti Ezequiel, Israel markan jan wali awatirinakapatak nayan sutixampi aka arunak parlam, jupanakarusti sarakim: ‘¡Ay kunakïkani Israel markar awatirinakatakixa, jupanakpachakiw sum uñjasipxi! Uka awatirinakax oveja tamanak awatipxañapawa.
David luqtirixaruw kuttayanxä, jupa saparukiw ovejanakaxa awatiñapatakix uskt'ä, jupaw uñjani. Jupaw awatiripäni.
David luqtirixaw jupanakatakix reyïni, jupa sapakiw jupanakan awatiriparakïni, nayar ist'asaw sarnaqapxani, kamachinakaxsa phuqhapxarakiniwa.
4 (3) Reyisti markapar awatiñatakiw sartani, Dios Tatitupan ch'amapampi, jach'a kankañapampiw awatini. Jupanakasti samart'atarakiw jakasxapxani, Tatitux taqi akapachan jach'ar aptatätap layku.
Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!
Jaqin Yuqapax janiw luqtayasir jutkiti, jan ukasti, taqinir luqtiriw juti, jakañapsa jaqinakar qhispiyañatak luqtasiriw juti —sasa.
Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.
Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.
Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,
Ukhamat kunapachatix jach'a Awatirix uñstankan ukkhaxa, jumanakax mä suma churäwi katuqapxäta, ukasti wiñayatakïniwa.
Jiwasax kunäkitix munasiñax uk yatxtanwa, Jesucristox jiwas laykuw jakañap apt'asiwayi; jiwasanakasti uka pachparakiw jilanakas layku jakañas apt'asiñasa.
qhapaq qunuñ taypinkki uka Corderow jupanakarux ovejanakarjam awatini, jakkir uma jalsunakaruw anakirakini, Diosasti taqi jachanakap nayranakapat phiskhurxani” sasa.