1 Pedro 5:4 - Qullan Arunaka DC

⁴ Ukhamat kunapachatix jach'a Awatirix uñstankan ukkhaxa, jumanakax mä suma churäwi katuqapxäta, ukasti wiñayatakïniwa.

Aymar Bibliia 1986

⁴ Uqhamata cunapachatejj awatirinacan jach'a jilïripajj uñstanjjan ucqhajja, jumanacajj mä suma churäwi catokapjjäta, janiw uca pankaranacat lursutäquis uca coronjamti, jan ucasti wiñay corona.

Qullan Arunaca

⁴ Uqhamata cunapachatejj awatirinacan jach'a jilïripajj uñstanjjan ucqhajja, jumanacajj mä suma churäwi catokapjjäta, janiw uca pankaranacat lursutäquis uca coronjamti, jan ucasti wiñay corona.

1 Pedro 5:4 Jak'a apnaqawi uñst'ayäwi

Salmos 23:1

Tatituw awatirixaxa, janiw kunatsa t'aqhiskäti:

Isaías 40:11

Kunjämatix mä awatirix ovejanakap sum uñjasixa, ukhamarakiw jupax amparapar ovejanak ichxart'asi, jichha wawachat ovej qallunakarus sum uñjaraki.

Ezequiel 34:23

David luqtirixaruw kuttayanxä, jupa saparukiw ovejanakaxa awatiñapatakix uskt'ä, jupaw uñjani. Jupaw awatiripäni.

Ezequiel 37:24

David luqtirixaw jupanakatakix reyïni, jupa sapakiw jupanakan awatiriparakïni, nayar ist'asaw sarnaqapxani, kamachinakaxsa phuqhapxarakiniwa.

Daniel (hebreo) 12:3

Yatiñani jaqinakasti, waljaniru chiqa thakhinjam irpirinakasti, alaxpach qhanjamaw k'ajapxani; ¡warawaranakjamaw wiñayatak k'ajapxarakini!

Zacarías 13:7

Taqi ch'aman Tatitux siwa: “¡Sartasim espada, ajllit reyixaru jiwayam! ¡Munat awatirixar jiwayam, ukhamat markaxax ovejanakar uñtat aywitatani, nayasti saraqirinakaparux q'ala tukjarakï!

Juan 10:11

Nayätwa suma awatirixa. Suma awatirix jakañap ovejanakap laykux apt'asi;

1 Corintios 9:25

Khitinakatix mä anatañan atipt'añatak wakichasipki ukanakax, kunatix jan walt'aykaspa ukanak q'al apanukupxi. Uksti, mä pillu katuqañatakiw lurapxi, ukat ukspachaw uka pillux pharsuwayxi; ukatsipana, jiwasax jan pharsur pillu katuqañ laykuw jaltanxa.

2 Timoteo 4:8

Jichhax mä suma pilluw suyt'askitu, chiqapar taripir Tatituw khä urun churitani. Janiw naya saparukit churkitani, jan ukasti, taqi khitinakatix munasiñampi Tatitun jutañap suyt'asipki ukanakarux churarakiniwa.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,

Santiago 1:12

Yant'ar ch'amampi atipjir jaqix kusisiñaniwa, yant'ar atipjirix jakañ pillu waxt'äwjam katuqani, Diosax jupar munirinakar churañatakiw arsuwayi.

1 Pedro 1:4

ukhamarakiw jumanakarux kuntix Tatitux alaxpachan suma churäwi imarapipktam uk katuqayapxätam, ukasti janiw tukjatäkaspati, janiw q'añuchatäkaspasa, janirakiw mä panqarjamas wañskaspati.

1 Pedro 2:25

Nayrax jumanakax chhaqhat ovejanakar uñtataw sarnaqapxayätaxa, ukampis jichhax Cristoruw kuttanxapxtaxa, jupasti mä awatirir uñtataw jumanakar imapxtamxa.

1 Pedro 5:2

Diosan arkirinakaparux sum uñjapxam, jupanakasti jumanakar katuyatawa. Kunjämtix Diosax munki ukhamarjam taqi munasiñamp lurapxam, janiw ukham luram satakisa, qullqi munañ laykukisa, jan ukasti, taqi chuymapun lurapxam.

1 Juan 3:2

Munat jilatanaka, jichhax Diosan wawanakapäxtanwa. Ukampis tukuy urunakan kunäkañänitix ukax janïraw qhanstkiti, kunapachatix Jesucristox uñstankan ukapachax jupjam tukkañän uk yattanwa, kunjämäkitix jupax ukhampach uñkatatas layku.

Apocalipsis 1:7

¡Uñtapxam, Cristox qinay patanjam jutaski! Taqi jaqiw jupar uñjani, jupar chhuxriñchirinakas uñjapxaniwa; akapachankir taqpach markanakas jupar uñjasax wal jachapxani. Jïsa. Ukhamäpan.

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.

Apocalipsis 3:11

Jank'akiw jutä. Nayar iyawsañ chuyma katxäsiskakim, ukhamat janiw khitis churäwim apaqkätamti.