Juan 10:11 - Aymar Bibliia 1986

¹¹ Nayätwa suma awatirejja. Suma awatirejj jacañapwa apt'asi ovejanacap laycojja.

Qullan Arunaca

¹¹ Nayätwa suma awatirejja. Suma awatirejj jacañapwa apt'asi ovejanacap laycojja.

Qullan Arunaka DC

¹¹ Nayätwa suma awatirixa. Suma awatirix jakañap ovejanakap laykux apt'asi;

Juan 10:11 Jak'a apnaqawi uñst'ayäwi

2 Samuel 24:17

Cunapachatejj Davidajj uca marcaru ñankha lurir angelaru uñjcän ucapachasti saraquïnwa Tatiturojja: —¡Nayaw jucha lurtjja! ¡Nayaw juchanïtjja! Ucampisa ¿cunsa aca jan juchaninacajj lurapjje? ¡Nayasti achict'asiracsmawa, mutuñamajj nayjjaru, uqhamaraqui familiajj-jjaru puriñapa! —sasa.

Salmos 23:1

Tatituw awatirejjajja, janiw cunats t'akhescäti:

Salmos 80:1

Israel marcan awatiripa, ist'apjjaquitaya, tamar uñtat Josean marcapar irpiri, jaysapjjaquitaya; angelanac taypin khapak konuñaman kont'asiri, ist'apjjaquitaya.

Isaías 40:11

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Isaías 53:6

Take jiwasanacaw ovejanacar uñtat saranuctan, chhakharactan, sapa maynis pachpa thaquipa sarasa, ucampis Tatitojj juparuw apjjaruyi jiwasan ñankha luratanacasjja.

Ezequiel 34:2

“Jumasti chacha, Israel marcan awatirinacap toke arsum nayan sutejjaru, ucatsti naya toketjja saraquim: ‘Ay, cunaquïcani Israel marcar awatirinacataquejja, jupanacpachaquiw awatisisipqui. Uca awatirinacajj oveja tamanacwa awatipjjañanacapänjja.

Ezequiel 34:23

David sirvirejjaruw cuttayanjjaraquëjja, jupa saparuquiraquiw awatirit uscöjja, jupaw ovejanacarojj awatiraquini. Jupaw awatiriparaquïni.

Ezequiel 37:24

David sirvirejjaw jupanacataquejj reyïni, jupa sapaquiw jupanacan awatiriparaquïni. Nayar ist'asaw sarnakapjjaraquini, leyinacajjsa, arsutanacajjsa phokhapjjaraquiniwa.

Miqueas 5:4

Reyisti marcapar awatiñataquiw sartani, Dios Tatitupan ch'amapampi, jach'a cancañapampiraquiw awatini. Jupanacasti samarataquiraquiwa jacasipjjani, Tatitun take acapachana jach'aru aptatätap laycu.

Zacarías 13:7

Take ch'amani Tatitojj arsuwa: “¡Sartasim espada, awatirejj contra, yanapirejj contraraqui! ¡Awatirirojj jiwayam, ovej tamasti aywitatapjjaniwa, nayasti orko ovejanac contraraquiw cuttaraquëjja!

Mateo 20:28

Jaken Yokapajj janiw sirviyasiñatac jutquiti jan ucasti sirviriw juti, uqhamarac jacañap churiri walja jakenacar khespiyañataqui —sasa.

Juan 10:2

Ucampis qhititejj puncu cheka mantqui ucajja, awatiriwa, ovej uñjiriraquiwa.

Juan 15:13

Janiw juc'ampi jach'a munasiñanejj utjcaspati cawquïritejj amigonacap laycu jacañap apt'asquis ucat sipanjja.

Efesios 5:2

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Hebreos 13:20

Sumancañan Diosajj Jesucristorojj jiwatanac taypit jactayi. Uca Jesucristosti ovejanacan jach'a awatiripawa, wilapampiwa wiñay arust'äwipjja arsuwayi.

1 Pedro 5:4

Uqhamata cunapachatejj awatirinacan jach'a jilïripajj uñstanjjan ucqhajja, jumanacajj mä suma churäwi catokapjjäta, janiw uca pankaranacat lursutäquis uca coronjamti, jan ucasti wiñay corona.

1 Juan 3:16

Yattanwa cunäquitejj munasiñajj ucjja, Tatit Jesucristojj jacañapwa jiwasanac laycu churawayäna; uca pachparaquiw jiwasanacajj jilatanacas laycu jacañas churañasa.

Apocalipsis 7:17

Trono taypincquis uca Corderow jupanacarojj ovejanacarjama awatini, jacquir uma jalsunacaruw anaquiraquini. Diosasti take jachanacap nayranacapat phiscurjjani” sasa.