Jonás 4:2 - Qullan Arunaka DC

Ukat Tatiturux mayisïna, akham sasa: —Tatay, markaxankaskäyät ukkhax akhamäñapxa yatipuniyätwa. Ukat Tarsis markar jaltañar uchasta, nayax juman khuyapayasiri, llamp'u chuyman Diosätam yattwa, janiw ukspach phiñasktati; jach'a munasiñanïtam laykux mutuyañatak amtkta uksa, amthapisisax janiw ukham lurkxtati.

Aymar Bibliia 1986

Ucatsti, oracionapanjja Tatitumpiw parläna aqham sasa: —Uñtam, Tata, nayajj cunapachatï orakejjancascäyäta ucqhajj aqham pasañapjja yatipuniyätwa. Ucatwa Tarsis marcaru jaltjjayätjja, ucampis nayajj yattwa jumajj qhuyapayasiri Diosätama, janirac janc'a colerasirïtamsa, wali munasiñanïtam laycojja; mä mutuyäwi apayaniñataquisa yatiycta ucasa amthapisjjtawa uca mutuyäwejj jan lurasjjañapataqui.

Qullan Arunaca

Ucatsti, oracionapanjja Tatitumpiw parläna aqham sasa: — Uñtam, Tata, nayajj cunapachatï orakejjancascäyäta ucqhajj aqham pasañapjja yatipuniyätwa. Ucatwa Tarsis marcaru jaltjjayätjja, ucampis nayajj yattwa jumajj qhuyapayasiri Diosätama, janirac janc'a colerasirïtamsa, wali munasiñanïtam laycojja; mä mutuyäwi apayaniñataquisa yatiycta ucasa amthapisjjtawa uca mutuyäwejj jan lurasjjañapataqui.

Jonás 4:2 Jak'a apnaqawi uñst'ayäwi

1 Reyes 19:4

Ukatsti jupax wasar tuqin mä uru sarnaqasinxa, retama ali thiyaruw qunt'asïna. Jupasti jiwxañak munxäna, sarakïnwa: “¡Tatay, ukkhakamakïxpan! ¡Jakañax apaqxita, janiw nayax nayra awkinakaxat sipan ancha askïkti!” sasa.

Salmos 103:8

Tatitux munasiriwa, khuyapayasiriwa; janiw mäk q'apisirïkiti, khuyapayasiñan phuqhantatawa.

Salmos 145:8

Tatitux suma jaqiwa, khuyapayirirakiwa, q'apisiñapax k'achakiwa, munasiñapasti jilarkiriwa.

Salmos 78:38

Diosasti jupanakat khuyapayasïnwa, ñanqha luratanakap pampachäna, janiw jupanakarux tukjkänti; walja kutiw q'apisiñap t'akurayasïna, janiw phiñasiñapampi atipjayaskänti.

Salmos 86:15

Jumasti, Tatay, khuyapayasir Diosätawa, llamp'u chuymani, munasiñani, aski Diosätawa.

Salmos 86:5

Tatay, jumax munasiñanïtawa, juch pampachirirakïtawa; jumar art'asirinakatakix munasirïtawa.

Salmos 90:13

¡Tatay, uñtanxapxakitaya! ¿Kunapachkamarak apanukupxitätasti? ¡Aka uywatanakamat khuyapt'ayasim!

Éxodo 32:14

Tatitusti markapar t'unjañ amtkatayna ukxa armasxänwa.

Jeremías 18:8

Ukampis uka markatix ñanqha lurañanakat jithiqtxaspa ukkhaxa, kuna mutuyäwitix wakichatäkän ukxa janiw apayankxiristti.

Jeremías 20:7

Tatay, nayarux suma arunakampiw jawsista, nayasti jawsatamarux iyawstwa. Jumax nayat sipansa juk'ampi ch'amanïtawa, ukat nayarux iyawsayista. Jichhax nayat kunapachas larusisipkakiwa; taqiniw nayat phiskasipxitu.

Jeremías 26:13

Ukhamax sarnaqäwinakama, luräwinakamsa askichasipxam, jumanakan Tatitu Diosamaruk ist'apxam, ukatsti Tatitux janiw kuna jach'a t'aqhisiñanaktix arski ukanak apayanipkätamti.

Jeremías 42:10

‘Jumanakatix aka uraqin qhiparañ munapxstaxa, nayax jumanakarux jach'aruw tukuyapxäma; janiw tukjapkämati, jan ukasti nayaw mä quqarjam ayruntapxäma, janirakiw jik'inukupkämati, uka jan walt'añanak apayanitaxatsti walpun amtarakta.

Amós 7:3

Ukatsti Tatitux uka amtäwip phuqhañ suyt'xiwa, ukat saraki: —¡Janiw kuna mutuyañsa apayankxäti! —sasa.

Amós 7:6

Tatitusti uka amtäwip phuqhañ suyt'xiwa, ukatsti sarakiwa: —¡Janirakiw uka ninsa apayanipkämati! —sasa.

Jonás 1:3

Jonás chachasti Tatitur ist'kpachaxa, nayraqatapat jayar jaltañ amtäna, ukatsti Jope puertor purisin Tarsis tuqir mistuskir mä barco jikxatäna; pasajep alasisinsti, uka barcoruw sarxatawayxäna.

Jonás 3:10

Ukatsti Tatitux Nínive markankir jaqinakarux jan wali sarnaqäwinakap apanukur uñjäna, ukat jupanakat khuyapt'ayasïna, janirakiw kuna mutuñatix jutañapäkän uksa apayankxänti.

Jonás 3:9

inach Tatitux pampachistani, jach'a phiñasiñapsa apaqtayasini, ukhamat jan jiwarañasataki” sasa.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Lucas 10:29

Ukampis kamachi yatichirix askit uñt'ayasiñ laykux Jesusarux jiskt'askakïnwa: —¿Khitirak jaqi masixasti? —sasa.

Deuteronomio 4:31

Diosan suma chuymanïtap laykux janiw jaytanukupkätamti, t'unjapkätamsa, janiw awkinakamamp lurat arust'äwit armaskaniti, janirakiw arupampi arsuwayki ukanak phuqhañsa armaskaniti.