Éxodo 32:14 - Qullan Arunaka DC

¹⁴ Tatitusti markapar t'unjañ amtkatayna ukxa armasxänwa.

Aymar Bibliia 1986

¹⁴ Ucampis Tatitojj jakenacar cun lurañataquitejj amtas arscäna ucjja janiw lurcjjänti armasjjänwa.

Qullan Arunaca

¹⁴ Ucampis Tatitojj jakenacar cun lurañataquitejj amtas arscäna ucjja janiw lurcjjänti armasjjänwa.

Éxodo 32:14 Jak'a apnaqawi uñst'ayäwi

Génesis 6:6

jupasti jaqir luratapxa wal amtäna. Chuymapsa walirak usuyasïna,

2 Samuel 24:16

Kunapachatix Tatitun angelapax Jerusalén markar niya t'unjañampïskän ukapachasti, Tatitux chuymapan amthapisïna uka jach'a jan wali apayanitapata, ukat uka angelarux säna: “¡Ukkhakamaki, jan juk'ampi lurkxamti!” sasa. Ukapachasti Tatitun angelapax kawkhantix Arauna sat jebuseo jaqix trigo jawq'askän uka jak'ankaskänwa.

1 Crónicas 21:15

Tatitusti mä angelap Jerusalenar tukjañatak khithanïna. Ukampis kunapachatix angelax tukjaskän ukkhaxa, Tatitux uk uñjasax uka luratapat amtasïna, ukatsti tukjkän uka angelaruw säna: “¡Ukkhakamaki, jan juk'amp lurkxamti!” sasa. Ukapachasti, Tatitun angelapax jebuseo Ornán chachax trigo jawq'askän uka chiqan jikxatasïna.

Salmos 106:23

Diosax jupanakar tukjañ munäna; jupan ajllit Moisesasti, nayraqatapan achikt'äna, ukat q'apisiñap t'akurayäna.

Salmos 106:45

jupanakamp arust'äwi luratat amtasïna, jach'a khuyapayasiñampiw ch'allxtayasïna, ukat jan mutuykxänti:

Éxodo 33:13

Ukampis uka arsutanakamatix chiqächi ukaxa, amtäwinakam yatiyita, ukhamat jumar alkatañaxataki, juman khuyapayasiñam nayatak utjaskatap yatiñaxataki. Jan armasimti, aka markax juman markamawa —sasa.

Jeremías 18:8

Ukampis uka markatix ñanqha lurañanakat jithiqtxaspa ukkhaxa, kuna mutuyäwitix wakichatäkän ukxa janiw apayankxiristti.

Jeremías 26:13

Ukhamax sarnaqäwinakama, luräwinakamsa askichasipxam, jumanakan Tatitu Diosamaruk ist'apxam, ukatsti Tatitux janiw kuna jach'a t'aqhisiñanaktix arski ukanak apayanipkätamti.

Jeremías 26:19

“Miqueas profetax ukham siskchïna ukasa, juparux janiw jiwayapkänti. Jan ukasti, reyisa, markankirinakasa taqiniw Tatit nayraqatan llamp'usipxäna, Tatitusti jupanakarux pampacharakïnwa. Ukampis jiwasatix Jeremías profetar jiwayañänixa, Tatitux ukham luratasat mutuyistaniwa” sasa.

Joel 2:13

¡Juchanakamat amthapisisax Tatitumar makhatxapxam, isinakam ch'iyanuqkamayaxa, chuymanakamay ch'allxtayasipxam! Tatitux khuyapayasiriwa, llamp'u chuymaniwa, munasiñapas jach'arakiwa; juchanak luratat mutuyañäki uksa, jiwasat apaqirirakiwa.

Amós 7:3

Ukatsti Tatitux uka amtäwip phuqhañ suyt'xiwa, ukat saraki: —¡Janiw kuna mutuyañsa apayankxäti! —sasa.

Amós 7:6

Tatitusti uka amtäwip phuqhañ suyt'xiwa, ukatsti sarakiwa: —¡Janirakiw uka ninsa apayanipkämati! —sasa.

Jonás 3:10

Ukatsti Tatitux Nínive markankir jaqinakarux jan wali sarnaqäwinakap apanukur uñjäna, ukat jupanakat khuyapt'ayasïna, janirakiw kuna mutuñatix jutañapäkän uksa apayankxänti.

Jonás 4:2

Ukat Tatiturux mayisïna, akham sasa: —Tatay, markaxankaskäyät ukkhax akhamäñapxa yatipuniyätwa. Ukat Tarsis markar jaltañar uchasta, nayax juman khuyapayasiri, llamp'u chuyman Diosätam yattwa, janiw ukspach phiñasktati; jach'a munasiñanïtam laykux mutuyañatak amtkta uksa, amthapisisax janiw ukham lurkxtati.

Números 14:20

Tatitux Moisesar sarakïnwa: —Walikiwa, nayax juman mayitamarjamaw jupanakan juchap pampachä.

Deuteronomio 10:10

“Nayasti pusi tunka urumpi pusi tunka arumampiw Horeb qullunkäyäta, kamisatix nayrïr kutin qullu patan jikxataskäyät ukhama, Tatitusti ist'ituwa, ukat jumanakarux jan t'unjapktamti,

Deuteronomio 32:26

“ ‘Nayax jupanakar taqi tuqir ananukuñ amtäyäta, aka uraqit jan khitinsa amtaskañ chhaqtayaña.

Deuteronomio 32:36

“Diosaw markapat arxatasini, markapar jan ch'aman uñjasaxa; Diosaw luqtirinakapat khuyapayasini jan kunar tukuyat jikxatasitap uñjasaxa.

Jueces 2:18

Tatitusti sapa kuti mä jilïrir sayt'aykän ukarusti yanapt'arakïnwa, uka jilïrin jakañapkamasti Tatitux israelitanakarux uñisirinakapan amparapat qhispiyäna, jupanakan art'asitapa, t'aqhisitanakap ist'asax khuyapt'ayasïnwa.

1 Samuel 15:11

—Saúl chachar reyit utt'ayataxat walpun amtasta, jupasti nayat jithiqtituwa, janirakiw arsutanakaxsa phuqkiti —sasa. Uk ist'asasti Samuelux wali mayjt'asïna, uka arum paqarirakiw Tatituru achikt'asïna.