Jeremías 42:10 - Qullan Arunaka DC

¹⁰ ‘Jumanakatix aka uraqin qhiparañ munapxstaxa, nayax jumanakarux jach'aruw tukuyapxäma; janiw tukjapkämati, jan ukasti nayaw mä quqarjam ayruntapxäma, janirakiw jik'inukupkämati, uka jan walt'añanak apayanitaxatsti walpun amtarakta.

Aymar Bibliia 1986

¹⁰ ‘Jumanacatejj aca oraken kheparaña munasipcsta ucajj, nayajj jumanacarojj jach'aruw aptapjjäma; janiw tucjapcaraquïmati, jan ucasti nayaw ayruntapjjäma, janiraquiw jiq'inucupcämati, uca jan walt'añanaca apayanitajjatsti walpun amtaracta.

Qullan Arunaca

¹⁰ ‘Jumanacatejj aca oraken kheparaña munasipcsta ucajj, nayajj jumanacarojj jach'aruw aptapjjäma; janiw tucjapcaraquïmati, jan ucasti nayaw ayruntapjjäma, janiraquiw jiq'inucupcämati, uca jan walt'añanaca apayanitajjatsti walpun amtaracta.

Jeremías 42:10 Jak'a apnaqawi uñst'ayäwi

2 Samuel 24:16

Kunapachatix Tatitun angelapax Jerusalén markar niya t'unjañampïskän ukapachasti, Tatitux chuymapan amthapisïna uka jach'a jan wali apayanitapata, ukat uka angelarux säna: “¡Ukkhakamaki, jan juk'ampi lurkxamti!” sasa. Ukapachasti Tatitun angelapax kawkhantix Arauna sat jebuseo jaqix trigo jawq'askän uka jak'ankaskänwa.

Salmos 102:16

16 (17) Tatitux Sión markar wasitat utachkani ukapacha, qhapaq kankañapan uñstkan ukapacha,

Salmos 106:45

jupanakamp arust'äwi luratat amtasïna, jach'a khuyapayasiñampiw ch'allxtayasïna, ukat jan mutuykxänti:

Salmos 37:3

Tatitur taqi chuymamp alkatasax ask luram, aka uraqin utjasim, chiqaparak sayt'am.

Salmos 69:35

35-36 (36-37) Diosaw Jerusalén markarux qhispiyani, Judá uraqinkir markanak wasitat sayt'ayani. Uywatanakapan wawanakapaw uka marka katuqasxapxani; uka markan jakapxani; ¡sutipar munirinakaw ukan jakasxapxani!

Éxodo 32:14

Tatitusti markapar t'unjañ amtkatayna ukxa armasxänwa.

Jeremías 24:6

nayaw jupanakarux imaskä, ukatsti uraqiparuw kuttayanxä; ukan jupanakarux wali sum jakayarakï, janiw mayampis jupanakarux t'unjkxäti; janirakiw jupanakarux yaqha markar katuntat apaykxäti.

Jeremías 26:19

“Miqueas profetax ukham siskchïna ukasa, juparux janiw jiwayapkänti. Jan ukasti, reyisa, markankirinakasa taqiniw Tatit nayraqatan llamp'usipxäna, Tatitusti jupanakarux pampacharakïnwa. Ukampis jiwasatix Jeremías profetar jiwayañänixa, Tatitux ukham luratasat mutuyistaniwa” sasa.

Jeremías 27:11

Ukampis kawkïr markatix Nabucodonosor, Babilonia markan reyipar jaysani ukanakarusti, nayax uraqipan qhiparayaskä, ukan jakasiñapataki, ukan yapuchasiñapataki. Naya, Tatituw uk arsta.”

Jeremías 31:28

Kunjämatix nayrax jik'inukuñataki, liwinukuñataki, pampa t'unjañataki, tukjañataki, kunayman ñanqhanak lurañatakis nayax jank'akïyätxa, ukhamarak jichhax wasitat sayt'ayañatakisa, ayruntañatakis jank'akirakïyä. Naya, Tatituw uk arsta.

Jeremías 33:7

Judá markana, Israel markan sarnaqäwipsa sumaruw tukuyxarakï, kawkïr markarutix apayatäpkäna uka markatxa kuttayanxäwa, ukatsti jupanakarux wasitat sayt'ayxä: kunjämäpkäntix qalltanxa ukhamäxapxañapataki.

Jeremías 43:4

Ukhamapï, janiw Johanán jaqisa, jilïr militaranakasa, taqi jaqinakasa Judá uraqir qhiparapkänti; ukhamat Tatitun arsutapar jan ist'apkänti.

Ezequiel 36:36

Ukapachaw uka jak'ankir markanakax yatipxani, kunatix t'unjatäkäna, ninampis nakhantayatäkän ukanak naya, Tatitun wasitat sayt'ayxataxa. Naya, Tatituw uk arsta, arsutaxarusti phuqhapunïwa.

Oseas 11:8

“Israel, ¿kunjämarak apanukt'asïmasti? ¿Kunjämarak jaytanukt'asïmasti? ¿Admá marka tukjkta ukhamti tukjirisma, jan ukax, Seboím markarux kuntix lurkta ukhamarakcha luririsma? ¡Chuymaxaw ch'allxtitu, jumatakisti khuyapayasiñan phuqt'atarakïtwa!

Joel 2:13

¡Juchanakamat amthapisisax Tatitumar makhatxapxam, isinakam ch'iyanuqkamayaxa, chuymanakamay ch'allxtayasipxam! Tatitux khuyapayasiriwa, llamp'u chuymaniwa, munasiñapas jach'arakiwa; juchanak luratat mutuyañäki uksa, jiwasat apaqirirakiwa.

Amós 7:3

Ukatsti Tatitux uka amtäwip phuqhañ suyt'xiwa, ukat saraki: —¡Janiw kuna mutuyañsa apayankxäti! —sasa.

Amós 7:6

Tatitusti uka amtäwip phuqhañ suyt'xiwa, ukatsti sarakiwa: —¡Janirakiw uka ninsa apayanipkämati! —sasa.

Jonás 3:10

Ukatsti Tatitux Nínive markankir jaqinakarux jan wali sarnaqäwinakap apanukur uñjäna, ukat jupanakat khuyapt'ayasïna, janirakiw kuna mutuñatix jutañapäkän uksa apayankxänti.

Jonás 4:2

Ukat Tatiturux mayisïna, akham sasa: —Tatay, markaxankaskäyät ukkhax akhamäñapxa yatipuniyätwa. Ukat Tarsis markar jaltañar uchasta, nayax juman khuyapayasiri, llamp'u chuyman Diosätam yattwa, janiw ukspach phiñasktati; jach'a munasiñanïtam laykux mutuyañatak amtkta uksa, amthapisisax janiw ukham lurkxtati.

Hechos 15:16

“Aka qhipat kuttanïwa, Davidan tinkut utap wasitat sayt'ayä. Laqay pirqanakapsa askichthapirakïwa.

Deuteronomio 32:36

“Diosaw markapat arxatasini, markapar jan ch'aman uñjasaxa; Diosaw luqtirinakapat khuyapayasini jan kunar tukuyat jikxatasitap uñjasaxa.

Jueces 2:18

Tatitusti sapa kuti mä jilïrir sayt'aykän ukarusti yanapt'arakïnwa, uka jilïrin jakañapkamasti Tatitux israelitanakarux uñisirinakapan amparapat qhispiyäna, jupanakan art'asitapa, t'aqhisitanakap ist'asax khuyapt'ayasïnwa.