Jeremías 18:8 - Qullan Arunaka DC

⁸ Ukampis uka markatix ñanqha lurañanakat jithiqtxaspa ukkhaxa, kuna mutuyäwitix wakichatäkän ukxa janiw apayankxiristti.

Aymar Bibliia 1986

⁸ Ucampisa, uca marcatejj ñankha lurañanacata jithektjje ucapachasti cuna mutuyäwtejj waquichatäcäna ucjja janiw apayancjjti.

Qullan Arunaca

⁸ Ucampisa, uca marcatejj ñankha lurañanacata jithektjje ucapachasti cuna mutuyäwtejj waquichatäcäna ucjja janiw apayancjjti.

Jeremías 18:8 Jak'a apnaqawi uñst'ayäwi

2 Crónicas 12:6

Israel markan jilïr irpirinakapampi, reyimpix alt'at chuymampiw jan wali luratanakap uñt'asipxäna, ukat sapxarakïna: —¡Tatitux chiqaparuw uñjaski! —sasa.

Salmos 106:45

jupanakamp arust'äwi luratat amtasïna, jach'a khuyapayasiñampiw ch'allxtayasïna, ukat jan mutuykxänti:

Salmos 135:14

Tatituw markaparux chiqapar uñjaski; uywatanakapat khuyapt'ayasiraki.

Salmos 90:13

¡Tatay, uñtanxapxakitaya! ¿Kunapachkamarak apanukupxitätasti? ¡Aka uywatanakamat khuyapt'ayasim!

Éxodo 32:12

¡Janiy q'apisimti! ¡Janikiy markamar t'unjamti! Janiy egipcio jaqinakan jumat phiskasipxañap munamti, ukat sasipkañapataki: “Diosax jan wali amtampiw jumanakar irpsuwayapxtam wasar qullunakan jiwarayañataki” sasa.

Éxodo 32:14

Tatitusti markapar t'unjañ amtkatayna ukxa armasxänwa.

Jeremías 12:16

Jupanakaw markaxarux Baal diosatak juramento lurañsa yatichapxäna, ukampis jichhax markax taypin utjnuqapxaspawa, ukampis jupanakax nayan yatichäwinakaxaruw jaysapxañapa, ukatsti nayan sutixar juramento lurañ yatiqapxañaparaki: ‘Tatitux jakaskiwa’ sasa.

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Jeremías 26:13

Ukhamax sarnaqäwinakama, luräwinakamsa askichasipxam, jumanakan Tatitu Diosamaruk ist'apxam, ukatsti Tatitux janiw kuna jach'a t'aqhisiñanaktix arski ukanak apayanipkätamti.

Jeremías 26:19

“Miqueas profetax ukham siskchïna ukasa, juparux janiw jiwayapkänti. Jan ukasti, reyisa, markankirinakasa taqiniw Tatit nayraqatan llamp'usipxäna, Tatitusti jupanakarux pampacharakïnwa. Ukampis jiwasatix Jeremías profetar jiwayañänixa, Tatitux ukham luratasat mutuyistaniwa” sasa.

Jeremías 26:3

Ist'apxätam ukasti, jan wali luratanakapsa apanukupxani ukkhasti, janiw jupanakarux kunjämtix amtkäyäta ukham mutuykxäti.

Jeremías 36:3

Inas ukhamat Judá uraqinkir jaqinakax kuna t'aqhisiñanaktix apayaniñ amtkta ukanak yatisin, jan wali luräwinakap apanukxapxchini, nayasti jupanakarux jucha luratanakapatsa pampachxarakirista” sasa.

Jeremías 42:10

‘Jumanakatix aka uraqin qhiparañ munapxstaxa, nayax jumanakarux jach'aruw tukuyapxäma; janiw tukjapkämati, jan ukasti nayaw mä quqarjam ayruntapxäma, janirakiw jik'inukupkämati, uka jan walt'añanak apayanitaxatsti walpun amtarakta.

Ezequiel 18:21

“Ñanqha lurir jaqitix taqi ñanqha juchanak lurkän ukanaka apanukxani, ukatsti nayan kamachinakaxarjam sarnaqxani, kunatix askïki, kunatix chiqapäki ukanak lurxarakini ukax jakaskaniwa, janiw jiwkaniti.

Ezequiel 33:11

Jichhasti jupanakarux sarakim: Naya, Tatituw juramentompi arsta, janiw nayax qhuru jaqin jiwañap munkti, jan ukasti uka qhuru jakañap apanukusin jakañap munta. Israelitanaka, ¡jumanakax uka jan wali sarnaqäwinakam apanukupxam! ¡Kunatix jan walïki uk jan lurapxamti, ukhamat jan jiwapkätati!’ sasa.

Ezequiel 33:12

“Jumasti Ezequiel, marka masinakamarux sarakim: ‘Mä aski jaqitix jucha luranixa, nayra suma luräwinakapax janiw qhispiykaniti, mä jan wali jaqitix uka jan wali jakañap apanukxanixa, nayra jan wali sarnaqäwipax janiw juparux jiwañar puriykaniti. Mä aski jaqitix jucha luranixa, nayra aski luräwinakapax janiw jakaskañapataki askïkaniti.

Ezequiel 33:13

Nayatix mä aski jaqir jakañ churañatak arsüxa, ukatsti uka aski jaqitix aski luräwipar alkatasisin jan wali lurarakini ukaxa, janiw nayatakix uka aski luratanakapax kunatakis askïkaniti, jan ukasti jucha luratapatxa jiwakipuniniwa.

Ezequiel 33:14

Nayatix mä jan wali jaqir jiwañapatak juchañchäxa, ukat uka jaqix juchap apanukuni, ukatsti askiru, chiqaparu taqi kunsa lurarakini,

Oseas 11:8

“Israel, ¿kunjämarak apanukt'asïmasti? ¿Kunjämarak jaytanukt'asïmasti? ¿Admá marka tukjkta ukhamti tukjirisma, jan ukax, Seboím markarux kuntix lurkta ukhamarakcha luririsma? ¡Chuymaxaw ch'allxtitu, jumatakisti khuyapayasiñan phuqt'atarakïtwa!

Amós 5:15

¡Jan walïki uk uñisipxam! ¡Sumäki uksti munapxam! Taripañ utanakan chiqapar uñjañax utjpan; inach taqi ch'amani Tatitux Israel markat jilt'irinakarux khuyapt'ayasispa.

Jonás 4:2

Ukat Tatiturux mayisïna, akham sasa: —Tatay, markaxankaskäyät ukkhax akhamäñapxa yatipuniyätwa. Ukat Tarsis markar jaltañar uchasta, nayax juman khuyapayasiri, llamp'u chuyman Diosätam yattwa, janiw ukspach phiñasktati; jach'a munasiñanïtam laykux mutuyañatak amtkta uksa, amthapisisax janiw ukham lurkxtati.

Deuteronomio 32:36

“Diosaw markapat arxatasini, markapar jan ch'aman uñjasaxa; Diosaw luqtirinakapat khuyapayasini jan kunar tukuyat jikxatasitap uñjasaxa.

Jueces 2:18

Tatitusti sapa kuti mä jilïrir sayt'aykän ukarusti yanapt'arakïnwa, uka jilïrin jakañapkamasti Tatitux israelitanakarux uñisirinakapan amparapat qhispiyäna, jupanakan art'asitapa, t'aqhisitanakap ist'asax khuyapt'ayasïnwa.