Génesis 1:3 - Qullan Arunaka DC

Diosasti sänwa: “Qhanax utjpan” sasa. Qhanasti ukspachaw utjxäna.

Aymar Bibliia 1986

Diosasti sänwa: “Khanajj utjpan” sasa. Ucatsti khanajj ucspachaw utj-jjaraquïna.

Qullan Arunaca

Diosasti sänwa: “Khanajj utjpan” sasa. Ucatsti khanajj ucspachaw utj-jjaraquïna.

Génesis 1:3 Jak'a apnaqawi uñst'ayäwi

Génesis 2:4

Ukhamaw alaxpachana, akapachan lurasïwipaxa. Kunapachatix Tatit Diosax alaxpacha, akapacha lurkatayna ukapachaxa,

Job 36:30

Diosaw lliju llijunak jach'a qutxar saratatayi, ukatsti uka jach'a quta manqharuw chhaqhayaraki.

Job 38:19

¿Kawkin imatäskis qhanampi, ch'amakanakampixa?

Salmos 104:2

qhankir isimpiw llawuntastaxa. ¡Alaxpacharux isir uñtat janatattaxa!

Salmos 118:27

Tatituw Diosaxa; jupaw qhant'anistu. Kusisiñ qalltapxam, altar thiyakam layminakamp k'achachapxam.

Salmos 148:5

Tatitun sutip jach'ar aptapxam, arupampi arsusakiw taqi kun utjayäna;

Salmos 33:6

Tatitux arupampiw alaxpach lurt'i; inti, phaxsi, warawara taqi ukanak utjayi.

Salmos 33:9

Jupax arupampikiw taqi kun utt'ayawayi; arsutapampikiw taqi kun sayt'ayawayi.

Salmos 97:11

Qhanax aski jaqitakix k'ajtiwa; kusisiñasti chiqap chuyman jaqinakatakiwa.

Isaías 45:7

Nayaw qhansa ch'amaksa uskta, sumankañsa, chijinaksa nayaw apayanta. Naya Tatituw taqi ukanak lurta.

Isaías 60:19

“Urusti janiw intin qhanañapax munaskxaniti, arumasti janirakiw phaxsin qhanañapas munaskxaniti, jan ukasti naya, Tatitu Diosamaw juman wiñay qhanamäyäxa.

Mateo 8:3

Jesusasti juparux amparapampiw luqxatäna, ukatsti sarakïnwa: —Q'umachatäxañam munta, jichhax k'umaräxtawa —sasa. Ukspachaw lepra usun jaqix k'umarachat uñjasïna.

Juan 1:5

Aka qhanasti ch'amakanak taypin qhanti, ch'amakanakasti janiw qhanarux jiwt'ayañatak ch'amanïkänti.

Juan 1:9

Taqi jaqinakar qhant'ki uka chiqpach qhanax akapacharuw purisinkäna.

Juan 11:43

Ukanak sasinsti, jach'at art'äna: —¡Lázaro, mistunim! —sasa.

Juan 3:19

Khitinakatix jan iyawsapki ukanakax niya juchañchatäxiwa, kunapachatix qhanax akapachar jutkän ukkhax ch'amakaruw qhanat sipan juk'amp munapxäna, luräwinakapan jan walïtap layku.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

Efesios 5:14

taqi kunatix qhanankki ukax qhanaruw tuku. Ukat akham sixa: “Juma ikirix p'arxtasim; jiwatanak taypit sarthapim, Cristow qhant'ätam” sasa.

Efesios 5:8

Nayrax jumanakax ch'amakan jakapxäyätaxa, ukampis jichhax Tatitumpi mayakïxasax qhanan jakxapxtaxa. Ukhamasti qhanankirinakjam sarnaqapxam,

1 Timoteo 6:16

Jupa sapakiw wiñay jakir Diosaxa, jupasti jan jak'kay jach'a qhana taypin jakaraki. Janiw khiti jaqis juparux uñjkiti, janirakiw uñjkanisa. ¡Jach'achatäñampi, ch'amanïñampix wiñayan wiñayapatak jupankiwa! Ukhamäpan.

1 Juan 1:5

Jesucristox aka arunak nanakarux yatichapxitäna, uksti jumanakaruw yatiyapxsma: “Diosax qhanawa, janiw jupan kuna ch'amakas utjkiti”

1 Juan 2:8

Ukatsipana, jichha qillqanipksma ukax machaq kamachiwa, ukasti Cristonsa, jumanakansa chiqapawa, ch'amakax chhaqtaskiwa, chiqpach qhanaw niy qhantasinki.