Efesios 5:8 - Qullan Arunaka DC

⁸ Nayrax jumanakax ch'amakan jakapxäyätaxa, ukampis jichhax Tatitumpi mayakïxasax qhanan jakxapxtaxa. Ukhamasti qhanankirinakjam sarnaqapxam,

Aymar Bibliia 1986

⁸ Nayrajj jumanacajj ch'amacanwa jacapjjäyäta, ucampis jichhajja Tatitumpi mayachasipjjatamatjja, khananwa jacjjapjjta. Uqhamajj khananquirinacjama jacapjjam.

Qullan Arunaca

⁸ Nayrajj jumanacajj ch'amacanwa jacapjjäyäta, ucampis jichhajja Tatitumpi mayachasipjjatamatjja, khananwa jacjjapjjta. Uqhamajj khananquirinacjama jacapjjam.

Efesios 5:8 Jak'a apnaqawi uñst'ayäwi

Salmos 74:20

¡Nanakampi arust'äwi luratamat amtasim, akapachax jan wali lurañanakamp phuqhantatawa!

Isaías 2:5

¡Jacobun markapa, jin sarantañäni, Tatitun qhanapan irpat sarañäni!

Isaías 42:16

Juykhunakarusti jan uñt'at thakhinakanjam irpä. Jupanakan nayraqatapansti ch'amakxa qhanaruw tukuyä, qullunaksti pampa uraqiruw tukuyä. Taqi ukanaksti lurapunïwa.

Isaías 49:6

“Nayax Israel markan ayllunakapar tantacht'iriw khitsma, markapar kuttayanxiriw khitsma. Ukampis uka luräwix juk'akïspawa. Ukatpï jumarux markanakan qhanapar tukuyämaxa, qhispiyasiñaxsa aka uraqi tukusin utjkis uka markanakar apañamataki.”

Isaías 49:9

katuntatanakarus sapxañamataki: ‘Jichhax antutatäxapxtawa’ sasa, ch'amakankirinakarusti: ‘Qhanar mistunxapxam’ sañataki. Taqi thakhi chiqanakansti walja chhuxllanak jikxatapxäta, kawki wasara qullunakansa uywanakamatakix chhuxlla jikxatapxakïtawa.

Isaías 50:10

Jumanakat janiw khitis Tatiturux axsartkiti, luqtiripan arunakapsa janirakiw ist'apkiti. Ch'amakan sarnaqapxi, jan mä jisk'a qhanan sarnaqapxi, Tatiturus janirakiw taqi chuym katuyasipkiti.

Isaías 9:2

2 (1) Ch'amakan jakir markax mä jach'a qhan uñjani; ch'amakan jakir jaqinakatakix mä suma qhanaw qhantani.

Jeremías 13:16

Tatitu Diosamar jach'añchapxam, jupax ch'amaka janïra puriyankipana, ch'amak qullunakan jumanakan janïr liwirtkipana; kawkïr qhantix jumanakax suyapkäyäta uk jupax ch'amakar janïr tukuykipana.

Mateo 3:8

Jichhasti jumanakax sumay sarnaqapxam, Tatitur kutikipstapxatamatsti aski luräwinak uñacht'ayapxam,

Mateo 4:16

Ch'amakankir jaqinakax mä jach'a qhan uñjapxi; mä suma qhanaw qhanti jiwañ ch'amakan jakapki ukanakataki” sasa.

Lucas 1:79

khitinakatix ch'amakan jakasipki, ukanakar qhantayañataki, jiwasarus samarañ thakhinjam irpañataki.”

Lucas 16:8

Qamir jaqisti yänak jan wali apnaqirirux jach'aruw aptäna jupan amuyt'a kankañampi, ch'ikhi kankañamp luratap layku. Akapachankir jaqinakax lurañanakapanxa juk'amp ch'ikhi chuymanïpxiwa, qhanankirinakat sipansa.

Juan 1:9

Taqi jaqinakar qhant'ki uka chiqpach qhanax akapacharuw purisinkäna.

Juan 12:35

Jesusasti jupanakarux sänwa: —Mä juk'a urunakakiw qhanax jumanak taypinkani. Qhana utjkipan sarnaqapxam, ch'amakamp jan katjayasiñataki; ch'amakan sarnaqiristi janiw kawksar saratapsa yatkiti.

Juan 12:36

Qhanankir jaqïpxañamatakix qhana utjkipan, qhanar iyawsapxam. Ukanak arsusinsti, Jesusax sarawayxänwa, ukatsti jupanakat imantasxarakïnwa.

Juan 12:46

Nayax qhanätwa, ukat akapachar qhantir jutta. Khititix nayar iyawskitani ukax janiw ch'amakan sarnaqkaniti.

Juan 8:12

Jesusax wasitampiw jaqinakar parläna: —Nayätwa akapach qhanaxa; khititix nayar arkitani ukax jakañ qhananïniwa, janirakiw mayampis ch'amakan sarnaqkxaniti —sasa.

Hechos 17:30

Diosax nayra pachanakan jakir jaqinakan pisi amuyump jakatanakap janiw yäqkänti, jichhasti Diosax taqiniruw taqi tuqin yatiyi, jan wali sarnaqäwinak apanukusin juparuk jaysapxañapataki.

Hechos 26:18

Jupanakan nayranakap jist'arañamataki, jan juk'amp ch'amak thakhin sarnaqapxañapataki. Jan juk'amp supayan apnaqatäsipkañapataki, jan ukasti Diosar arkapxañapataki; nayar iyawsasin juchanakapat pampachäwi katuqapxañapataki, Diosan ajllit markap taypin churäwi katuqapxañapataki’ sasa.

Romanos 1:21

Diosar ukham uñt'kasasa, janiw Diosarjam yupaychapkiti, janirakiw yuspagarapkisa. Jan ukasti, juk'ampi jan wali lurañanakak lup'ipxi, amuyunakapas q'ala ch'amakt'atawa.

Romanos 13:12

Ch'amak arumax niyaw tukusiski, uru qhanaw niy jak'achasisinki; ch'amakan luräwinakap apanukupxañäni, ukatsti qhanamp isthapisipxañäni, kamisatix mä soldadox nuwasiñ yänakapampi isthapiski ukhama.

Romanos 2:19

Jumax juykhunakar irpirjamaw tuktaxa, ch'amakan sarnaqir qhanapjamaw tukuraktaxa;

1 Corintios 1:30

Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

2 Corintios 3:18

Ukatpï taqi jiwasanakax, ajanunakasan uka velompi jan imantatäxatap laykux, mä lirphur uñtatjamaw Tatitun qhapaq kankañapat k'ajtanxa, ukatsti jupar uñtataw tukupxaraktan, jupan qhanapax jiwasankatap layku, uksti Ajayükis uka Tatituw jiwasanakatak luri.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

2 Corintios 6:14

Janiy jumanakax Cristor jan iyawsirinakampix chikachasipxamti. ¿Kamisarak aski kankañampi ñanqha kankañampisti mayachasispasti? Jan ukax ¿kamisarak qhanampi ch'amakampisti chikachasispasti?

Gálatas 5:25

Ajayu laykutix jichhax jakstanxa, uka Ajayumpirak kuna luräwinakasansa irpayasipxañäni.

Efesios 2:2

jiwatäsipkäyätawa, akapach amtäwinakaparjamaw arkasipkäyätaxa, kawkïr ajayutix alaxan apnaqki, Diosar jan jaysirinakar ch'amañchki ukan munañap lurasipkäyätaxa.

Efesios 4:18

amuyupas ch'amakt'atawa. Jupanakasti janiw Diosat jutki uka jakäwit kusisipkiti, chuymanakap qalarayasipxatap laykusti, janiw kunsa yatipkiti.

Efesios 5:2

Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

Efesios 6:12

Janiw jaqinakan ch'amanakapampi nuwasipktanti, jan ukasti alaxankir ñanqha ajayunakan ch'amapampiw nuwasipxtan, jupanakasti jilïrïñampi, munañanïñampiw aka ch'amak uraqin axsarayistu.

Colosenses 1:12

Dios Awkir yuspagarapxäta, juparakiw jumanakar wakichapxtam uka waxt'asïwip qhanan katuqapxañamataki, uksti Diosax jupan qullan markaparuw churani.

Colosenses 1:13

Diosax ch'amakanakan munañapat qhispiyistu, Jesucristo Yuqapan qhapaq markaparuw irpantistu,

Tito 3:3

Nayrapachasti jiwasanakax ukham jan amuyt'anïpxäyätanwa, Tatitur jan jaysiri, chhaqtata, kunayman jan wali munañanakan t'aqhisiyatapäyätanwa. Ñanqha lurañanakana, munapayañanakana, uñisita, jiwaskam uñisis jakaskarakïyätan.

1 Juan 1:7

Ukampis jiwasatix qhanan jakañäni, kunjämatix Diosax qhanankki ukhamxa, maynit maynikamax mayakïtanwa, Jesucristo Yuqapan wilapasti taqi juchanakasat q'umachistu.