Éxodo 5:1 - Qullan Arunaka DC

Israelitanakamp parlasinsti, Moisesampi, Aaronampix faraonan ukar sarasin jupar sapxäna: —Israelan Tatit Diosapax akham siwa: “Israel markaxar antutxam wasarar sarapxañapataki, ukan nayar jach'añchas kusisita yupaychapxañapataki” —sasa.

Aymar Bibliia 1986

Moisesampi, Aaronampejj Faraonan ucar mantasinjja sapjjänwa: —Israelan Tatitu Diosapajja aqham siwa: “Marcajjaru antutam wasararu sarjjapjjañapataqui, ucanwa nayaru cusisita yupaychapjjetani” —sasa.

Qullan Arunaca

Moisesampi, Aaronampejj Faraonan ucar mantasinjja sapjjänwa: —Israelan Tatitu Diosapajja aqham siwa: ‘Marcajjaru antutam wasararu sarjjapjjañapataqui, ucanwa nayaru cusisita yupaychapjjetani’ —sasa.

Éxodo 5:1 Jak'a apnaqawi uñst'ayäwi

1 Reyes 21:20

Ahab reyisti Eliasarux sänwa: —Ukhamasti, ¿juma, uñisirixat nayar jikxatista? —sasa. Eliasasti sänwa: —Jïsa, jikxatsmawa. Jumax jan wali luräwinakak Tatitun nayraqatapan lurtaxa.

Salmos 119:46

Reyinakan nayraqatapan arunakamat parlä, janipuniw arsuñ p'inqaskäti.

Éxodo 10:3

Moisesampi, Aaronampisti faraonan ukar sarasin jupar sapxäna: —Hebreonakan Tatit Diosapax akham siwa: “¿Kunapachkamarak nayatak jach'a jach'a tukuskakïtasti? Markaxar khithanukxam, nayar yupaychir sarañapataki,

Éxodo 10:4

janitix markaxar khithanukuñ munkäta ukaxa, qharürux t'iju t'ijunak markamxar apayanï,

Éxodo 10:9

Moisesasti sänwa: —Nanakax taqpachani sarapxañaxawa, jisk'a wawanakaxampi, chuyman awkinakampi, yuqanakaxampi, phuchhanakaxampi, ovejanakaxampi, vacanakaxampi, akasti nanakatakix Tatit Diosaxan jach'a urupäniwa —sasa.

Éxodo 3:18

Israelitanakan jilïrinakapasti arunakam ist'asax jaysapxätamwa. Ukatsti jumax Egipton reyipan ukaruw jupanakamp saräta, juparusti sätawa: “Hebreonakan Tatit Diosapaw nanakar jikxatapxitu. Ukhamasti, wasarar sarayapxita kimsür sararu, ukan nanakan Tatit Diosaxar wilañchanak luqtapxañaxataki” sasa.

Éxodo 33:13

Ukampis uka arsutanakamatix chiqächi ukaxa, amtäwinakam yatiyita, ukhamat jumar alkatañaxataki, juman khuyapayasiñam nayatak utjaskatap yatiñaxataki. Jan armasimti, aka markax juman markamawa —sasa.

Éxodo 4:23

Nayax niyaw sisma: wawaxar khithanukxam, nayar yupaychir sarxañapataki, sasa. Ukampis jupanakar jan antutañ munatamat nayax jilïr wawamar jiwayä’ ” —sasa.

Éxodo 6:11

—Faraonar parlir saram, israelitanakar Egipto uraqit mistuyxañapataki —sasa.

Éxodo 6:27

Egiptonkir faraón reyimp parlapkän israelitanakar uka markat irpsxañataki, uka pachpa Aaronampi, Moisesampiwa.

Éxodo 7:16

Ukansti akham jupar säta: “Hebreonakan Tatit Diosapaw nayar khithanitu jumar akham yatiyiri: ‘Markaxan sarxañapatak antutxam, jupanakan nayar wasaran yupaychapxañapataki.’ Ukampis jumax janiw jichhakam ist'asiñ munktati.

Éxodo 7:2

Jumasti kuntix nayax siskäma taqi ukanak Aarón jilamar yatiyäta; ukatsti jupaw faraonarux parlaskani, israelitanakar markapat antutxañapataki.

Éxodo 8:1

1 (26) Tatitusti Moisesarux sänwa: —Faraonan ukar saram, juparusti sätawa: “Tatitux akham siwa: ‘Markaxar mistuyxam nayar yupaychir sarxañapataki.

Éxodo 8:16

16 (12) Tatitusti Moisesarux sarakïnwa: —Aaronar sam: Thujrupampi uraq laq'ar jisktpan, ukat taqpach Egipto uraqin chhichhillankhanakar tukuñapataki —sasa.

Éxodo 8:17

17 (13) Jupanakasti Tatitun arsutaparjamaw lurapxäna. Aaronax thujrup aytasin uraq laq'aruw jisktäna. Ukspachaw Egipto markan laq'apax jisk'a chhichhillankhanakar tuküna, ukanakasti jaqinakaru, uywanakaruw mich'intäna.

Éxodo 8:20

20 (16) Tatitusti Moisesarux sänwa: —Qharürux willjtat faraonax jawirar sarani, ukhamasti jumax wali willjtat sartasin jupar sanim: “Tatitux akham siwa: ‘Markaxar khithanukxam nayar yupaychir sarxañapataki.

Éxodo 8:27

27 (23) Nanakax wasarar sarapxañaxawa, kimsür sararu, ukan nanakan Tatit Diosaxarux wilañcha luqtanipxä, kunjämtix jupax nanakar sapkitu ukhamarjama.

Éxodo 9:1

Ukatsti Tatitux Moisesar sarakïnwa: —Faraonan ukar sarasin sanim: ‘Hebreonakan Tatit Diosapax akham siwa: Markaxar khithanukxam nayar yupaychir sarxañapataki.

Éxodo 9:2

Janitix antutkäta, jark'askakïta ukasti,

Isaías 25:6

Taqi ch'aman Tatitusti, taqi markanakatakiw Jerusalén markan mä suma manq'äwi wakichani, suma manq'anakampi, suma vinonakampi.

Ezequiel 2:6

Jumasti, jupanakarux jan axsaramti, kuntix sapkätam uka arunakarus janirak axsaramti, ch'aphinakan muyuntatjamas uñjaskchïta, jan ukax alacran sata laq'unak taypinjam jikxataskchïta ukasa. Arunakapar janipun axsaramti, jupanakan mayja uñnaqapxatapatsa janirak mayjt'asimti, qawqha naya tuqi sayt'asir jaqinakäsipkpasa.

Mateo 10:18

nayan sutix laykusti, marka apnaqirinakana, reyinakan nayraqatapar irpataw uñjasipxäta; ukhamat jupanak nayraqatana, jan judiöpkis uka jaqinak nayraqatan nayat qhanañchapxäta.

Mateo 10:28

Janchir jiwayirinakarux jan axsarapxamti, ukampis ajayurux janiw jiwayapkaspati; khititix ajayumpiru janchimpiru infiernor jaquntkaspa uka Diosar axsarapxam.

Hechos 4:29

Jichhasti Tatay, uñtamay nanakar axsarayatanakapa, arkirinakamarusti ch'amamay churapxita, juman arunakam jan axsaras arsupxañaxataki.

1 Corintios 5:8

Ukhamasti jiwasax jan levaduran t'ant'ampiw Pascua uruyañasa, ukaw chiqapaxa, janiw nayra levadurampi janirakiw jan walinak lurañampis uruyañasäkiti.