1 Corintios 5:8 - Qullan Arunaka DC

⁸ Ukhamasti jiwasax jan levaduran t'ant'ampiw Pascua uruyañasa, ukaw chiqapaxa, janiw nayra levadurampi janirakiw jan walinak lurañampis uruyañasäkiti.

Aymar Bibliia 1986

⁸ Uqhamajj jilatanaca, Pascua fiestasjja k'oma chuymampi chekpachanrac fiestachañäni, jan levaduran t'ant'äcaspas uqhama. Janiw jucha lurañanacampi fiestachañasäquiti, ucajj nayra merk'e levaduräcaspas uqhamawa.

Qullan Arunaca

⁸ Uqhamajj jilatanaca, Pascua fiestasjja k'oma chuymampi chekpachanrac fiestachañäni, jan levaduran t'ant'äcaspas uqhama. Janiw jucha lurañanacampi fiestachañasäquiti, ucajj nayra merk'e levaduräcaspas uqhamawa.

1 Corintios 5:8 Jak'a apnaqawi uñst'ayäwi

Salmos 32:2

Ñanqha jan amtir jaqix kusisiñaniwa, juchapat Tatitump jan irkatayasiñ utjatap layku.

Salmos 42:4

4 (5) Ukanakxat amthapisisasti, jan chuymachkayaw jachta. Diosan utapar jaqinakar irpataxat amtasta, q'uchunakampi, yuspagarañanakampi. ¡Khä urunakax kusiskañ urunakänwa!

Éxodo 12:15

Paqallqu uruw jan levaduran t'ant'a manq'apxäta; ukhamasti, nayrïr urut qalltasin janiw utanakaman levadurax utjañapäkiti. Uka paqallqu urunakan levaduran t'ant'a manq'irixa, Israelankirinak taypit apanukutäniwa.

Éxodo 12:19

Uka paqallqu urunsti janiw utanakaman levadurax utjañapäkiti. Ukampis khititix levaduran t'ant'a manq'kani ukaxa, Israelankirinak taypit apanukutäniwa, jaya markankirïskpasa, jan ukax israelitäskpasa.

Éxodo 12:8

Uka arumasti uka aycha manq'apxäta, ninar kankata, jan levaduran t'ant'ampi, jaru ch'uxña alinakampi.

Éxodo 13:6

Jumanakax paqallqu uruw jan levaduran t'ant'a manq'apxäta, paqallqüri urusti Tatitur jach'añchasaw uruyapxäta.

Éxodo 13:7

Paqallqu uruw jan levaduran t'ant'a manq'asini, janiw kuna levadurasa, levaduran t'ant'as uraqinakaman utjañapäkiti.

Isaías 25:6

Taqi ch'aman Tatitusti, taqi markanakatakiw Jerusalén markan mä suma manq'äwi wakichani, suma manq'anakampi, suma vinonakampi.

Isaías 30:29

Ukampis jumanakax q'uchunak ist'apxäta, qullana phunchhäwi arumanjama; chuymamasti wali kusisitäniwa, pinkillun phust'asitaparjam sarnaqkis ukhama, ukhamat Tatitun qullupar sarañataki, Israelan imantasiñ markapar sarañataki.

Levítico 23:6

“Uka pachpa phaxsina tunka phisqani uru saraqatarusti, jan levaduran t'ant'anak manq'añ phunchhäwi amtapxarakïta. Paqallqu urunakaw jan levaduran t'ant'a manq'apxäta.

Mateo 16:12

Ukapachaw yatiqirinakapax amuyapxäna, Jesusan t'ant'a puqtayir levadurat jan parlatapa, jan ukasti, fariseonakana, saduceonakan yatichäwipat parlatapa.

Mateo 16:6

Ukat Jesusax jupanakar säna: —Fariseonakana, saduceonakan levadurapat wal amuyasipxam —sasa.

Marcos 8:15

Jesusasti jupanakarux iwxt'änwa: —Fariseonakana, ukhamarak Herodesan levadurapat amuyasipxam —sasa.

Lucas 12:1

Ukchañkamasti walja jaqinakapuniw tantthaptäna, kayunakatsa takirasipxänwa. Jesusasti nayraqatax yatiqirinakaparuw säna: “Fariseonakan k'ari yatichäwipat amuyasipxam, jupanakax taqi kunas chiqäkaspa ukham yatichasaw jaqinakar sallqjapxi.

Juan 1:47

Jesusasti Natanaelar jak'achasisinkir uñjasax sänwa: —Akaxay, chiqpach israelitaw juti, jupansti janiw kuna sallqjañas utjkiti —sasa.

1 Corintios 3:3

jan ch'amanïpxatam layku! Jumanak taypin uñisisiñanaka, ch'axwañanak utjaskipansti, jan ch'amanïpxatam laykux jaqinakan amtäwiparjamakiw sarnaqasipktaxa.

1 Corintios 5:1

Jumanakat maynix awkipan qhipa warmipampi sarnaqatapaw yatisi. Ukham sarnaqañax janipuniw akch'as walïkiti, janiw Diosar jan uñt'ir jaqinak taypinsa ukham sarnaqirix utjkiti.

1 Corintios 5:6

Jumanakasti janiw kunat jach'achasiñamas utjkiti. Aka säwi yatipxtawa: “Mä juk'a levadurax taqpach t'ant'a masaruw puqtayi” sasa.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

2 Corintios 2:17

Janiw nanakax Diosan yatiyäwi arunakap aljas sarnaqapkti, kunjämtix waljaninakax lurapki ukhama; jan ukasti, taqi chuymaw Diosan nayraqatapan yatiyapxta, Cristompi mayakïtanakax layku.

2 Corintios 8:8

Uksti janiw jumanakar mä kamachjam churapksmati; jan ukasti, mayninakan suma chuymampi apthapt'apxatap yatipxañamak munta, ukhamat jumanakan munasiñamax chiqat janich uk yatisiñapataki.

Efesios 6:24

khitinakatix Jesucristo Tatitusar jan pächasis munapki ukanakarux jupax khuyapayasiñap churpan.

Deuteronomio 16:16

“Taqi chachaw Tatit Diosam nayraqatan maran kimsa kuti uñstani, kawkha chiqtix jupax ajlliskani uka chiqana, aka urunak uruyañataki: Jan Levaduran T'ant'a manq'añ uruyañ uruna, Semananaka sat uruyañ uruna, ukhamarak Chhujllanakan sat uruyañ uruna. Jupanakasti janiw Tatitun nayraqatapar ch'usa amparaki uñstkaniti,

Deuteronomio 16:3

“Luqtapkäta uka animalxa jan levaduran t'ant'ampiw manq'apxäta. Paqallqu uruw jan levaduran t'ant'a manq'apxäta, t'aqhisiñ t'ant'äki uka, jumanakan Egipto markat jank'aki mistunipxatamata; ukham jumanakax jakkasin Egipto markat mistunipxatam amtasipxäta.

Josué 24:14

—Taqi uka luräwinakat Tatitur axsartapxam, ukatsti suma chuymampi, chiqa kankañampirak luqtapxam. Kawkïri yaqha diosanakarutix jumanakan nayra awkinakamax Éufrates jawir thiyanakansa, Egipto markansa yupaychapkän uka diosanak apanukupxam, ukatsti Tatitur luqtapxam.

1 Pedro 4:2

jan janchin munañaparjama, jan ukax Diosan munañaparjam taqi jakäwipan jakxañapataki.