Éxodo 10:9 - Qullan Arunaka DC

⁹ Moisesasti sänwa: —Nanakax taqpachani sarapxañaxawa, jisk'a wawanakaxampi, chuyman awkinakampi, yuqanakaxampi, phuchhanakaxampi, ovejanakaxampi, vacanakaxampi, akasti nanakatakix Tatit Diosaxan jach'a urupäniwa —sasa.

Aymar Bibliia 1986

⁹ Ucat Moisesajj saraquïnwa: —Nanacajj sarjjapjjäwa jisc'a wawanacajjampi, chuyman awquinacampi, yokanacajjampi, phuchanacajjampi, uqhamarac ovejanacajjampi, vacanacajjampi uqhama, acasti nanacataquejj Tatitun mä jach'a fiestapäniwa.

Qullan Arunaca

⁹ Ucat Moisesajj saraquïnwa: —Nanacajj sarjjapjjäwa jisc'a wawanacajjampi, chuyman awquinacampi, yokanacajjampi, phuchanacajjampi, uqhamarac ovejanacajjampi, vacanacajjampi uqhama, acasti nanacataquejj Tatitun mä jach'a fiestapäniwa.

Éxodo 10:9 Jak'a apnaqawi uñst'ayäwi

Génesis 50:8

Jacobun jak'a wila masinakapampi, Josean wila masipampi, jilanakapampis sarapxarakïnwa. Gosen uraqinsti wawanakampi, uywanakampik jaytawayapxäna.

Éxodo 10:10

Faraonasti jupanakar sarakïnwa: —¡Jan wali amtäwinakamax qhanäskiwa! Tatitux jumanakamp chikäskpasa, ¿kamisarak nayasti jumanakar wawanakamampi, warminakamamp khithanukupxämasti?

Éxodo 10:26

Ukhamarusa, uywanakaxsa nanakamp chikaw anakisxapxä, janiw mä uywas akan qhiparkaniti, nanakax uka uywanakat ajllisin Tatituruw luqtapxä. Khayar puriñkamax kunanakay Tatitur yupaychañatak wakischini uk janiw yatisipkiti —sasa.

Éxodo 12:32

¡Ovejanakamsa, vacanakamsa mayitanakamarjam anakisipxam, jank'ak akat sarapxam! Nayatak Tatitur mayipxarakim —sasa.

Éxodo 12:37

Israelitanakax kayukiw Ramsés sat markata, Sucot sat markakam sarapxäna. Jupanakasti niya suxta patak waranqa chachanakänwa, warminakampiru, wawanakampir jan jakhusa.

Éxodo 12:38

Mistusasti walja ovejanakampi, vacanakamp anakisxapxäna, jupanakamp chikasti yaqha markankir jaqinakax misturakïnwa.

Éxodo 13:6

Jumanakax paqallqu uruw jan levaduran t'ant'a manq'apxäta, paqallqüri urusti Tatitur jach'añchasaw uruyapxäta.

Éxodo 3:18

Israelitanakan jilïrinakapasti arunakam ist'asax jaysapxätamwa. Ukatsti jumax Egipton reyipan ukaruw jupanakamp saräta, juparusti sätawa: “Hebreonakan Tatit Diosapaw nanakar jikxatapxitu. Ukhamasti, wasarar sarayapxita kimsür sararu, ukan nanakan Tatit Diosaxar wilañchanak luqtapxañaxataki” sasa.

Éxodo 5:1

Israelitanakamp parlasinsti, Moisesampi, Aaronampix faraonan ukar sarasin jupar sapxäna: —Israelan Tatit Diosapax akham siwa: “Israel markaxar antutxam wasarar sarapxañapataki, ukan nayar jach'añchas kusisita yupaychapxañapataki” —sasa.

Éxodo 5:3

Moisesampi, Aaronampisti juparux sapxänwa: —Hebreonakan Diosapaw nanakar jikxatapxitu, ukhamasti wasararuw sarapxä, kimsür sararu, ukan Tatit Diosaxar wilañchanak luqtanipxä, jan sarapkirista ukasti, jupax kuna usumpisa, jan ukax espadampkamas jiwarayapxakitaspawa —sasa.

Proverbios 3:9

Taqi yänakamamp Tatitur jach'añcham, yapu apthapitamat nayrïr achunak churañampirak waqaycham;

Eclesiastés 12:1

Waynäkasin irnuqir Diosamat amtasim, jan walt'añ urunak janïr purinkipana, kunapachatix siskäta: “Janiw kuna kusisiñsa sarnaqäwixan jikxatkti” sasa.

Números 29:12

“Paqallqür phaxsina, tunka phisqan uru saraqatarusti, jumanakax qullan tantachasïwi lurapxäta. Uka urux janiw kunanaksa irnaqapxätati. Paqallqu uruw Tatitun jach'a kankañapar jach'añchasa uruyapxäta.

Efesios 6:4

Jumanakasti awki taykanaka, wawanakamarux jan thithiyapxamti, jan ukasti Tatitun yatichäwiparjam chiqapar yatichas uywapxam.

Josué 24:15

Ukampis janitix Tatitur yupaychañ munapksta ukaxa, jichhüruy ajllisipxam khitirutix yupaychañ munapkta ukaru: Éufrates jawir thiyanakan nayra awkinakamax yupaychapkäna uka diosanakaruti, jan ukax, aka uraqin jakir amorreo jaqinakan diosanakaparucha. Ukampis nayampi, wila masinakaxampix Tatituruw yupaychapxä —sasa.