Éxodo 33:13 - Qullan Arunaka DC

¹³ Ukampis uka arsutanakamatix chiqächi ukaxa, amtäwinakam yatiyita, ukhamat jumar alkatañaxataki, juman khuyapayasiñam nayatak utjaskatap yatiñaxataki. Jan armasimti, aka markax juman markamawa —sasa.

Aymar Bibliia 1986

¹³ Ucampis uca arsutanacamatejj chekächi ucajja uñacht'ayitaya amtäwinacamjja uqhamata nayan confianza utjañapataqui, ucat juman qhuyapayasiñamajj nayatac utjascatapa yatiñajjataqui. Ucampis jumajj yatim aca jakenacajj juman jakenacamawa.

Qullan Arunaca

¹³ Ucampis uca arsutanacamatejj chekächi ucajja uñacht'ayitaya amtäwinacamjja uqhamata nayan confianza utjañapataqui, ucat juman qhuyapayasiñamajj nayatac utjascatapa yatiñajjataqui. Ucampis jumajj yatim aca jakenacajj juman jakenacamawa.

Éxodo 33:13 Jak'a apnaqawi uñst'ayäwi

2 Samuel 15:25

Ukampis reyix Sadoc jaqir sänwa: —Tatitun arcap markar kuttayxam; Tatitutix munani ukapachasti nayarux kuttayasinkitaniwa, arcapsti wasitat uñjaskarakïwa kawkhankkanitix uka chiqana.

Salmos 103:7

Moisesaruw thakhip yatichäna, Israelan wawanakaparusti muspharkañ luräwinakap uñachayäna.

Salmos 119:33

Tatay, kamachiman thakhipay uñacht'ayita, nayasti tukuykamaw arkä.

Salmos 25:4

Tatay, thakhim uñacht'ayita, thakhiman irpnaqasita;

Salmos 27:11

Tatay, thakhim uñacht'ayita; chiqa thakhiman irpita, uñisirinakaxan utjatap layku;

Salmos 51:13

13 (15) jucharar jaqinakar thakhimat yatichañataki, juchaninakasti jumaruw makhatxapxätam.

Salmos 86:11

Tatay, thakhimay uñacht'ayita, jan saraqtas arkañaxataki. Chuymaxasti sutim waqaychirïpan.

Éxodo 3:10

Ukhamasti wakichasimaya, nayax faraonan ukaruw khithäma Israel markaxar Egiptot irpsuniñamataki —sasa.

Éxodo 3:7

Ukampis Tatitux saskakïnwa: —Nayax sum uñjta, kunjämtix markaxax Egipton t'aqhiski ukxa. Uka wali munañan jaqinakan t'aqhisiyat uñjasis arnaqasitanakapsa ist'araktwa, jupanakan t'aqhisitanakap nayax sum yatta.

Éxodo 32:12

¡Janiy q'apisimti! ¡Janikiy markamar t'unjamti! Janiy egipcio jaqinakan jumat phiskasipxañap munamti, ukat sasipkañapataki: “Diosax jan wali amtampiw jumanakar irpsuwayapxtam wasar qullunakan jiwarayañataki” sasa.

Éxodo 32:14

Tatitusti markapar t'unjañ amtkatayna ukxa armasxänwa.

Éxodo 32:7

Ukat Tatitux Moisesar säna: —Qullut saraqxam, Egiptot irpsunkta uka markamax jan walinak lurasipki.

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Éxodo 5:1

Israelitanakamp parlasinsti, Moisesampi, Aaronampix faraonan ukar sarasin jupar sapxäna: —Israelan Tatit Diosapax akham siwa: “Israel markaxar antutxam wasarar sarapxañapataki, ukan nayar jach'añchas kusisita yupaychapxañapataki” —sasa.

Isaías 30:21

Kupi tuqiru, jan ukax ch'iqa tuqirus saranukütaxa, qhipäxamatsti mä aru ist'äta, sarakïtamwa: “Aka chiqaw thakhixa, sarasipkakim” sasa.

Isaías 63:17

Tatay, janiy jumat jithiqtat jakayapxistati, janirakiy chuymanakaxsa qalarayapxistati jumar jan jaysañatakixa. Luqtirinakamar munatam laykusay sum tukuyapxita, kawkïri ayllunakatix jumankki ukanak laykusay wasitat munasiñam uñacht'ayapxita.

Isaías 63:19

Janis jumax kunapachas apnaqapkitasamän ukhamäpxtwa, janis kunapachas sutim apapkiriskäyät ukhamäpxtwa.

Joel 2:17

Sacerdotenakasti jachapxpan, Tatitur luqtirinakas altarap nayräxan mayipxarakpan: “Dios Tata, markamarux juchanakapat pampacham; janikiy markamat khitin larusiñapsa munamti, yaqha markanakan markamar apnaqañapsa janirak munamti, Diosar jan uñt'ir jaqinakan jan saskañapataki: ‘¿Kawkinkarak Diosamasti?’ ” sasa.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Romanos 11:28

Diosan suma yatiyäwip tuqitxa, judionakax Diosan uñisiripaw tukupxi, ukhamat jumanakan qhispiyasipxañamataki; ukampis Diosax jupanakarux munasiskiwa, nayra awkinakapar ajllisitap layku.

Efesios 1:17

Tatit Jesucristosan muspharkañ Dios Awkiparuw mayta, ajay tuqin yatiñ kankañ jumanakar churañapataki, Diosan uñacht'äwip sum amuyapxañamataki, jupar juk'amp uñt'apxañamataki.

Deuteronomio 9:26

achikt'asisaw juparux sarakta: ‘Dios Tatay, janikiy jumax aka markamar t'unjamti, juman markamawa, jach'a kankañampiw qhispiytaxa, jach'a ch'amamampiw Egipto markatsa irpsuntaxa.

Deuteronomio 9:29

Ukhampachas jupanakax juman markamawa, jumaw Egipto markat jach'a ch'amamampi irpsuntaxa’ ” sasa.

Colosenses 1:10

Ukhamat Tatitunkirjam sum sarnaqapxañamataki, taqi kunan jupar kusisiyasa, suma luräwinak uñacht'ayasa, Diosan yatiñapan jiltasa.

2 Pedro 3:18

Ukampis Qhispiyiri Tatit Jesucristosar uñt'apxam, munasiñapan jiltapxarakim. ¡Jupasti jach'añchatäpan, jichhasa, wiñayataki! Ukhamäpan.