Éxodo 10:3 - Qullan Arunaka DC Moisesampi, Aaronampisti faraonan ukar sarasin jupar sapxäna: —Hebreonakan Tatit Diosapax akham siwa: “¿Kunapachkamarak nayatak jach'a jach'a tukuskakïtasti? Markaxar khithanukxam, nayar yupaychir sarañapataki, Aymar Bibliia 1986 Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: “¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui. Qullan Arunaca Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: ‘¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui. |
Ukatsti Eliasax taqpach markar jak'achasisaw säna: —¿Kunapachkamarak jumanakasti pä chuyma sarnaqapxätasti? Tatitutix chiqpach Diosächixa, juparuy arkapxam, jan ukax Baal diosatix chiqächixa, jupar arkapxarakim —sasa. Markachirinakax janiw kamsapkänsa.
“¿Kunjämtix Ahab reyix naya nayraqataxan jisk'ar tukki uk uñjtati? Nayan nayraqataxan jisk'ar tukutap laykuxa, janiw kuna ñanqhsa jupan jakañapkamax wila masinakapar apayankäti, jan ukasti yuqapan jakañapan ukxa apayanï” sasa.
aka chiqawja uraqitaki, markachirinakapampitaki tukjat uñjasiñapa, ñanqhachatäñapa yatisin chuymam llakthaptayatam layku, llamp'ur tukutamata, isim ch'iyanuqasitamata, nayraqataxan jachatam laykuw, nayax jumar ist'araksma. Naya, Tatituw uk sisma.
Ukatsti kunapachatix jan walt'añan jikxataskän ukkhaxa, Manasesax Tatit Diosaparuw art'asïna, nayra awkinakapan Diosap nayraqatanxa jisk'aruw tukt'äna.
Jupan mayisitapampi, ist'ayasitapampi, jucha luratanakapasa, jan wali sarnaqatanakapasa, qullu patanakan yaqha diosanakatak yupaychañ utanak lurayatapasa, kawkharutix Astarté diosaru, yaqha diosanaksa uchkäna, Diosapatak janïr jisk'ar tukkasa ukkha, taqi ukanakax profetanakapan sarnaqäwipan qillqatawa.
aka chiqataki, ukhamarak jaqinakap tuqi arsutaxa ist'asin chuymam ch'allxtayasitamata, nayatak jisk'ar tukutamata, isinakam ch'iyanuqasitamata, nayan nayraqataxan jachatamatxa, nayax jumar ist'smawa. Naya, Tatituw sisma.
ukampis sutix apki uka markaxatix jisk'ar tukt'asin mayisitani, nayar thaqtitani, jan wali sarnaqatanakapsa apanukuni ukkhaxa, nayax alaxpachatpach juparux ist'ä, juchanakapsa pampacharakï, ukatsti markapan nayraqatar sartañapsa kuttayxarakïwa.
Ukatpï jichhax laq'a taypina, qhilla taypin qunt'ata taqi arsutanakaxat chuym liq'istxa.
janitix markaxar khithanukuñ munkäta ukaxa, qharürux t'iju t'ijunak markamxar apayanï,
Ukat Tatitux Moisesar säna: —¿Kunapachkamas jumanakax kamachi arunakaxampiru, yatichäwinakaxampir jan ist'apkäta?
Nayax niyaw sisma: wawaxar khithanukxam, nayar yupaychir sarxañapataki, sasa. Ukampis jupanakar jan antutañ munatamat nayax jilïr wawamar jiwayä’ ” —sasa.
Israelitanakamp parlasinsti, Moisesampi, Aaronampix faraonan ukar sarasin jupar sapxäna: —Israelan Tatit Diosapax akham siwa: “Israel markaxar antutxam wasarar sarapxañapataki, ukan nayar jach'añchas kusisita yupaychapxañapataki” —sasa.
Ukhamäkipansa, jumax markaxar jark'askaktawa, janiw sarxañapatak antutañsa munktati.
“Jan yatiñani, sawkasiri, pisi amuyt'an waynanaka, ¿kunapachkamarak pisi amuyt'añan sarnaqapxäta, sawkasiñanakaman kusisiñ jikxatasa, kunapachkamarak yatiñ kankañar jisk'achasipkakïtasti?
Jach'a jach'a tukuñax, aynacht'añawa; llamp'u chuyma tukuñasti, jach'ar aptatäñawa.
Jumanakax Tatitur saykatañakpin munasipktaxa, janchinakaman janiw kawkhat jawq'antañas utjkxiti. P'iqimax q'ala chhuxriñchjatawa, ch'amamas janirakiw utjkxiti.
Jach'a jach'a tukur jaqinakasti alt'atäpxaniwa, p'iqi waytat jaqinakas jisk'achjatäpxaniwa, uka urux Tatitukiw jach'ar aptatäni.
Aka ñanqha markax nayan arunakaxarux janiw ist'añ munkiti, ukatsti jan kuna amuyasisaw chuymapan kuna jan wali amtatanakapatix utjki ukanakaru arki. Yaqha diosanakan qhipap sarxi, yupaychañataki, luqtañataki. Ukatpï uka markax jan kunatak ñusantat wak'jamäxixa.
“Reyirusa, reyin taykaparus sarakim: ‘Uka reyin qunuñapat saraqanipxam, uraqir qunt'asipxam, jumanakan p'iqimat suma k'achachir pillusti jalaqtxiwa.’
“¡Nuwantir jaqinakax jutapxpan, Babiloniar nuwantapxpan! ¡Uka markar muyuntapxpan, ukhamat jan maynis jaltañapataki! Babilonia markax nayaruw saykatitu. ¡Lurataparjam jupanakarux churapxam! ¡Kunjämtix jupax mayninakar lurki, ukhamarak jumanakax jupar lurapxam! Nayätwa Israel markan Diosapaxa, nayax yaqha diosanakat sipansa mayjapunïtwa.
Ukampis Jerusalén markax nayan kamachi arunakaxatakiw sayt'asi, ukatsti jupa jak'ankir markanakat sipan juk'ampi jan waliw tukuraki, kamachi arunakaxarus janiw ist'kiti, janiw arkkarakisa.
Jumasti Belsasar jach'a rey, uka reyin yuqapätawa, askirakiw yatisktaxa, kunatix awkimatak utjkäna uksa, ukampis janirakiw alt'at chuymamp sarnaqktati.
—¿Kunapachkamarak aka ñanqhar jichuntat israelitanakan parlatanakap isch'ukïsti? Niyaw ist'ta nayxat jan wali parlatanakapa.
Jumasti Diosan jan tukuskir munasiñapsa, walikiw sañapsa, llamp'uchasiñapsa janiw yäqktati, munasiñapan jupa tuqir kutikipstatamsa janiw amuyasktati.
Kunapachatix Diosax qhuru arumpi arxayapkätam ukkhax amuyasipxam. Jan “janiw” sapxamti, israelitanakasti nayra pachax janiw ist'apkänti, ukat mutuyatäpxäna.
Diosatakix alt'at chuymanïpxam, ukhamat jupax jumanakar wakiskir urun jach'ar aptañapataki.